4. Özünütərbiyə prosesində müəllimin əsas vəzifələri
1. Özünütərbiyə insanın şüurlu olaraq qarşısına qoyduğu məqsədə, ideal və inamlarına, müvafiq şəkildə öz şəxsiyyətində dəyişikliklər etməyə yönəlmiş fəaliyyətindən ibarətdir. Özünütərbiyənin həyata keçməsi üçün şəxsiyyətin və onun dərk etməsinin müəyyən inkişaf səviyyəsinin, özünün hərəkətlərini başqalarının hərəkətləri ilə müqayisə təhlilindən istifadə edə bilmək qabiliyyətinin, daim özünütəkmilləşdirmək ustanovkasının olması tələb edilir. Özünütərbiyədə özünüdərketmə, özünü ələ almaq, özünüstimullaşdırma xüsusi rol oynayır.
Özünütərbiyə bir növ özünüidarə deməkdir. Özünütərbiyə
özünüidarənin ali forması kimi özünü göstərir. Özünütərbiyə insanın kamilləşməsi ilə özünü istər mənəvi, istərsə də fiziki cəhətdən cəmiyyətdəki mövqeyi ilə əlaqədardır. Özünütərbiyə özünüidarə prosesində həyata keçir. Burada insanların özünütəyini mühüm rol oynayır. Özünütəyin insanın özünün həyat yolunu, məqsədlərini, əxlaq normalarını, peşə və həyat şəraitini şüurlu olaraq seçməsi deməkdir.
