4. Müəllim şagirdlərin özünütərbiyəsinə ciddi rəhbərlik etməlidir. Bu zaman o dörd vəzifənin həyata keçirilməsinə fikir verməlidir:
Birinci vəzifə. Şagirdlərin özlərində şəxsiyyətin müsbət keyfiyyətlərini inkişaf etdirməli və öz davranışındakı bu və ya digər nöqsanə aradan qaldırmalarına cəhd göstərməyi oyatmaq. Əgər belə bir cəhd yoxdursa bunu misallar əsasında şagirdə başa salmaq, onda inam yaratmaq zəruridir.
İkinci vəzifə. Şagirdin öz xüsusiyyətinə tənqidi yanaşmasına, öz davranışının xüsusiyyətlərini təhlil edə bilməsinə, öz qüsurlarını görməsi və dərk etməsinə köməklik göstərmək lazımdır.
Üçüncü vəzifə. Müəllim şagirdin özünütərbiyə proqramını tərtib etməsinə, hansı keyfiyyəti inkişaf etdirmək lazım gəldiyini, hansıları isə aradan qaldırmağın zəruri olduğunu müəyyənləşdirməsinə köməklik göstərməlidir.
