Punhan babanin yashlamı
Yüklə 0,82 Mb.
|
- Bu səhifədəki naviqasiya:
- Məhəmməd Biriya
- Seyid Əzim Şirvani
|
Aktyor Aydın Cabbarlının atasıdır. Əsərləri
Solğun Çiçəklər (1917 Oqtay Eloğlu (1922) Od Gəlini(1928) Gülzar (1924) Dilarə (1924) Dilbər(1927) Sevil (1928, tamaşası) Almaz (1931, tamaşası) Yaşar (1932, tamaşası) Dönüş (1932) Çəkildiyi Filmlər -------------------------------------------------------------------------------- Balıqçılar (1927)-Balıqçı (Qısametrajlı Bədii Film) Ssenari Müəllifi Olduğu Filmlər -------------------------------------------------------------------------------- Hacı Qara (1929)(Tammetrajlı Bədii Film)
Əsərləri üzrə Çəkilən Filmlər -------------------------------------------------------------------------------- Sevil (1929)(Tammetrajlı Bədii Film) Rejissor Olduğu Filmlər -------------------------------------------------------------------------------- Sevil (1929)(Tammetrajlı Bədii Film)
3_Rengli_HeyaT 02.07.2008, 12:08
Həyatı
Əmək fəaliyyətinə pedaqoq kimi başlamışdır. Bakı orta məktəblərində yeddi il müəllimlik etmişdir. Son iş yeri 18 saylı Bakı şəhər orta məktəbi olmuşdur (bu məktəb indi onun adını daşıyır). Poetik yaradıcılığa 1926-cı ildə «Gənc işçi» qəzetində çap etdirdiyi «Bir gün» şeirilə başlamışdır. Bundan sonra dövri mətbuatda müntəzəm çıxış etmişdir. O, bədii tərcümə ilə də ciddi məşğul olmuşdur. 1938-ci il yanvarın 6-da cəza tədbirləri dövründə güllələnmişdir. Əbədiləşdirmək üçün Bakıda büstü qoyulmuş, məktəbə, küçəyə və meydana adı verilmişdir. Əsərləri
Tərcümələri 1.Yeqişe Çarens. Şeirlər, B., Azərnəşr, 1934,54səh., 2.000 nüs. 2.Taras Şevçenko. Kobzar, B., Azərnəşr, 1934, 85 səh., 2.000 nüs. (şərikli). 3.A.S.Puşkin. Qaraçılar, B., Azərnəşr, 1930, 30 səh., 3.000 nüs. (şərikli). 4.Marşak. Huşsuza bax, huşsuza, B., Azərnəşr, 1935, 10 səh., 6.000 nüs. 5.A.S.Puşkin. Qaraçılar, B., Azərnəşr, 1937, 30 səh., 10.000 nüs. (şərikli) 6.Marşak. Huşsuza bax, huşsuza, B., Azərnəşr, 1936, 14 səh., 7.000 nüs. 7.M.F.Axundov. Şərq poeması, B., Azərnəşr, 1937, 31 səh., 5.000 nüs. 3_Rengli_HeyaT 07.07.2008, 2:03
Mollaxanada oxumağa başlamış, sonra ehtiyac üzündən təhsilini yarımçıq qoymuş, xarratlıq etmişdir. Gənc yaşlarında Bakıdakı «Məcməüş-şüəra» ədəbi məclisində iştirak etmiş, Azər (İmaməliyev), Müniri və b. şairlərin təsiri ilə lirik şerlər yazmışdır. Satirik şerlərində ictimai nöqsanları, möhumatı, zülm və haqsızlığı ifşa etmişdir. «Tamahın nəticəsi» adlı ilk kitabı nəşr olunmuşdur. Azərbaycanda Sovet hakimiyyətinin qələbəsini rəğbətlə qarşılayan Vahid İnqilabi təbliğat sahəsində fəal çalışmış, yeni həyatı tərənnüm edən çoxlu şer: «Əsgər və fəhlə yoldaşlarıma», «Məktəb nə deməkdir», «Ucal, mələyim» və s. yazmış, «Kommunist» qəzetində, «Molla Nəsrəddin» jurnalında əməkdaşlıq etmişdir. «Kupletlər» (1924), «Mollaxana» (1938) kitablarındakı şerlərdə yeniliyə Mane olanlar, kəskin satira atəşinə tutulur. Böyük Vətən müharibəsi illərində yazdığı əsərlərdə («Döyüş qəzəlləri», 1943; «Qəzəllər», 1944 kitabları) Vahid Vətənə məhəbbət, düşmənə nifrət, qələbəyə inam hissləri təbliğ edirdi. Füzuli ənənələrinin davamçısı olan Vahid müasir Azərbaycan ədəbiyyatında qəzəl janrının görkəmli nümayəndəsidir. Qəzəlləri poetik dilinin sadəliyi, xəlqiliyi və ahəngdarlığı ilə seçilir, xanəndələrin repertuarında mühüm yer tutur. Nizami, Xaqani, Füzuli, Nəvai və b.-nın qəzəllərini Azərbaycan dilinə tərcümə etmişdir. Yaradıcılığı *** Hər kim mənə tən eyləsə meyxanələr içrə, Qan olsun onun badəsi peymanələr içrə. Öz xəlqinə hər kim mey içib versə əziyyət, Olsun yeri bayquş kimi viranələr içrə. Mümkünsə fəsad əhli ilə həmqədəh olma, Nöqsan yetirər şəninə biganələr içrə. Cəhd eylə o kəslərlə çalış, badəni qaldır İnsan kimi zövq artıra məstanələr içrə. Pərvanə əgər şəmə yanır atəşi qəmlə Mən də yanıram hər gecə pərvanələr içrə. Bir zülfü siyah dilbərə çoxdandır əsirəm, Məhşuram o gündən bəri divanələr içrə. Vahid biləcək qədrini sərraf əgər olsa, Saxlar bu gözəl şerini dürdanələr içrə. Gözəldir
Hər aşiqə öz istədiyi yarı gözəldir,
İlqarı gözəl olmayanı istəməz aşiq, Can ver elə cananə ki ilqarı gözəldir. Mən bir uca boylu gözəlin zülfünə bəndəm Rüxsarı gözəl, şivəsi, rəftarı gözəldir. Yüzlərlə gözəl başqa vilayətdə də çoxdur, Amma bizim ölkə bütün - elcari gözəldir. Yar olsa mənimlə mənə biganə nə eylər? Uçmaz elə bir xanə ki memarı gözəldir. Mən istədiyimçün o gülü qeyri də sevdi Qiymətli o şeydir ki xiridarı gözəldir. Vahid, mənə insaf elə, sima ilə baxma, Əhsən elə bir şairə əşarı gözəldir. Tələsmə
Səbr eylə könül, möhnəti hicranə tələsmə,
Kam almayacaq ayrılığa bais olanlar, Aşiq yetəcək sevgili cananə tələsmə. Pərvanə əgər yansa da şəmin sitəmindən, Şəmin də yaxar ömrünü pərvanə tələsmə. Zahid çalışır yıxmağa meyxanə binasın, Məscid qalacaq, əksinə, viranə, tələsmə . Gül zövqünü çəkmək əbədi xarə də qalmaz, Bülbül gələr əlbətdə gülüstanə tələsmə. Gündən-günə artır bu gözəl huriliqalar Dünya dönəcək cənnəti rizvanə tələsmə. Vahid içəcəksən demə ki tövbələr olsun, Cəlb eyləyər axır səni meyxanə tələsmə. Bəs nə deyim? Mən o şuxə güli-rəna deməyim, bəs nə deyim? Aşiqə bülbülü-şeyda deməyim, bəs nə deyim? Min gözəl görsə gözüm, bir kərə doymaz könlüm, Bu kiçik qətrəyə dərya deməyim, bəs nə deyim? Mən əgər eşqidə Məcnun deyiləm bəs nəçiyəm? Sevdiyim dilbərə Leyla deməyim, bəs nə deyim? Çırpınır quş kimi hər zülfünü gördükcə könül, Mən bu divanəyə rüsva deməyim, bəs nə deyim? Gözlərin həsrətini çəkməyən aşiq yoxdur, Sənə mən afəti-dünya deməyim, bəs nə deyim? Bu şirinlik, bu lətafət ki, sənin var gözəlim! Sənə güldən də mən əla deməyim, bəs nə deyim? Eşqidən bir bu qədər söyləmək olmaz Vahid, Mən bu məcnunluğa sevda deməyim, bəs nə deyim? Dedim:-Ey qönçə dəhan könlümü qan eyləmisən Dedi:-Bica yerə eşqimdən fəqan eyləmisən Dedim:-İnsaf elə incıtmə məni aşiqinəm Dedi:-Get sirrimi aləmə bəyan eyləmisən Dedim:-Ağlatma məni sərv boyun şövqündə Dedi:-Göz yaşımı bihudə rəvan eyləmisən Dedim:-Axır gözəlim bağu-baharım sənsən Dedi:-Sən ömrünü həsrətlə xəzan eyləmisən Dedim:-Az çəkməmişəm gözlərinin həsrətini Dedi:-Öz könlünü yersiz nigaran eyləmisən Dedim:-Eşqində əsirəm bəs mənə xeyri nədi Dedi:-Əvvəldə bu sevda da ziyan eyləmisən Dedim:-Eş atəşi neylər mənə qorxan deyiləm Dedi:-Biçarə yanarsan nə güman eyləmisən Dedim:-Ey gül mən əzəldən də gözəl aşiqiyəm Dedi:-Sən ruhini eşq iylə cavan eyləmisən Dedim:-Hər gün səri-kuyində dolanmaqdır işim Dedi:-VAHİD nə gözəl yerde məkan eyləmisən 3_Rengli_HeyaT 07.07.2008, 2:14
Mollaxanada şagirdlərin ilk vəzifəsi Quranı oxumaq idi. Ancaq Ələkbər Quranı oxuyub başa vurmadan yazı yazdığı üçün mollası tərəfindən falaqqaya salınıb döyülmüşdü. Onu sıxan yalnız mollaxanadakı dözülməz qanun-qaydalar, maraqsız keçən dərslər idi. Evdə ata və anası səkkiz yaşlı oğullarını oruc tutmağa, namaz qılmağa məcbur edirdilər. Sabirin uşaq vaxtı yazdığı üç misralıq ilk şerində bu acı həqiqət çox təsirli ifadə olunur: Tutdum orucu irəmazanda,
Seyid Əzim öz şagirdinin tərcümələri ilə bərabər, orijinal şerlərini də oxuyub redaktə edirmiş. Lakin bir-iki il sonra atası Ələkbəri təhsildən ayırıb öz dükanında köməkçi işlədir. Ancaq elmə və ədəbiyyata həvəsi sönməyən gənc yenə oxuyub yazmağında davam edir. Dostu Abbas Səhhətin yazdığına göre, Sabir alış-verişdən ziyadə oxuyub-yazmağa həvəs göstərdiyi üçün atası hirslənib tez-tez onu məzəmmət edirmiş: hətta bir dəfə şer dəftərini də cırıbmış. Atasının bu hərəkəti gənc Sabirə ağır təsir etsə də, onu mütaliədən və şer yazmaqdan çəkindirə bilmir. Əksinə, bu münasibətlə yazdığı bir qitəsində o, şer dəftərinin atası tərəfindən cırılmasına cavab olaraq şairlikdən əl çəkməyəcəyini, atası onu bir də incidərsə, Şamaxıdan çıxıb gedəcəyini qeyd edir. Doğrudan da, Sabir atasının verdiyi əzab-əziyyətdən xilas olmaq üçün 1885-ci idə ziyarət adı ilə səyahətə çıxıb, Orta Asiyaya, oradan da İrana gedir.O, Səbzivar, Nişapur, Səmərqənd, Buxara, Xorasan və başqa şəhərləri gəzir. Bir tərəfdən yerli feodal və ruhani ağaların taladığı bu yerlərin yoxsulluğu və cəhaləti şairə ağır təsir bağışlayırsa, o biri tərəfdən bu şəhərlərdə tərəqqipərvər alim və yazıçılarla görüşüb tanış olur. İlk səfərindən qayıdandan sonra 1887-ci ildə o, qohumlarından olan Büllurnisə adlı qızla evlənir. On beş il ərzində onun 8 qızı, bir oğlu dünyaya gəlmişdir. Belə böyük ailə sahibi olmaq Sabirin vəziyyətini olduqca çətinləşdirmişdi. Başqa bir sənəti olmayan şair ailəsini dolandırmaq üçün sabun bişirib satır, ailəsini çox çətinliklə dolandırırdı. Buna baxmayaraq o, yenə dövrünün qabaqcıl ziyalıları ilə əlaqə saxlayır, bədii yaradıcılıqla məşğul olurdu. 1902-ci ildə baş vermiş dəhşətli zəlzələ şəhəri tar-mar etmişdi.Yanğın nəticəsində şəhərdə yüzlərcə imarət yanıb külə dönmüş, əhalinin çox qismi evsiz-eşiksiz, quru yerdə qalmışdı. Bu zaman Sabirin evi də dağılmışdı. Şair tək başına böyük bir çətinliklə ailəsi üçün müvəqqəti bir daxma düzəltmişdi. Xatirələrdə deyilir ki, çox fədakar, qayğıkeş, mehriban ailə başçısı olan Sabir uşaqlarının yalnız maddi ehtiyacını deyil, mənəvi rahatlıq və tərəqqisini də təmin etməyə çalışmışdır. O, arvadını və qızını savadlı görmək istəyir, onlara əlifba öyrədirmiş. Şairin qızı Səriyyə sonralar yazırdı ki, həyatının olduqca ağır, sıxıntılı keçməsinə baxmayaraq, atam xoş üzlü,zarafatçıl, səmimi idi. XIX əsrin sonu, XX əsrin ilk illərində ağır ailə qayğısı çəkən Sabir şerdən bir qədər uzaqlaşsa da, tamam ayrılmamışdı. 1901-ci ildə Şamaxıya qayıdan Abbas Səhhətin bu zaman onu mənəvi cəhətdən böyük köməyi dəymişdi. Onlar boş vaxtlarında Şamaxının o zamankı ziyalılarından Ağəli Bəy Nasəh və Məhəmməd Tərrahla kiçik bir ədəbi məclis düzəldib, axşamlar klassik şairlərin və ya özlərinin şerlərini oxuyub təhlil və müzakirə edirdilər. XX əsrin əvvəllərindən başlayaraq Sabirin şerləri mətbuat səhifələrində görünür. 1903-cü ildə “Şərqi-Rus” qəzetində onun şeri çap olunur. Bir qədər sonra isə o,”Həyat” qəzetində şer çap etdirir. 1906-cı ildə “Molla Nəsrəddin” jurnalını öz arzularına müvafiq həqiqi bir xalq jurnalı kimi qarşılayıb onun ən sevimli şairi, ən fəal müəlliflərindən biri oldu. Bu zamandan C.Məmmədquluzadə ilə Sabir arasında qırılmaz dostluq münasibətləri yarandı. Hər iki sənətkar əməkçi xalqın qanını soran zalım ağalara, yaltaq ruhanilərə, satqın ziyalılara sarsıdıcı zərbələr vururdu. Bütün bunların nəticəsi olaraq Sabir özünə çoxlu dost qazandığı kimi, düşmən də qazanmışdı. Şerlərini gizli imzalarla yazmasına baxmayaraq, istər Şamaxıda və Bakıda, istərsə də Azərbaycanın başqa yerlərində və İranda bir çox irticaçılar şairin əsərlərini pisləyir, onun yazdığını oxuyanları kafir elan edirdilər. Hətta bəzən ruhanilər Sabirin ölümünə fitva verir, varlılar ona hədələyici məktublar göndərir, qoçular küçədə yolunu kəsib ağır sözlər deyirdilər. 1907-ci ilin əvvəllərində Sabir sabun bişirib satmaqdan əl çəkib, mətbuat və maarif sahəsində çalışmaq, şer yaradıcılığını daha müntəzəm davam etdirmək qərarına gəlir. O, Bakıya gəlib bir müddət “İrşad” qəzetinin redaksiyasında korrektor işleyir və müəllimlik imtiyazı əldə etmə üçün imtahan verməyə hazırlaşır. Bu arada Qori müəllimlər Seminariyasında işləyən müəllim dostlarından bir neçə fərəhli məktub alır. Həmin məktublarda deyirdi ki, yaxın zamanlarda seminariyanın Azərbaycan şöbəsində müəllim yeri boşalacaqdır. Dostları şairə həmin yeri tutmaq üçün təşəbbüs etməyi məsləhət görür və bu işdə ona kömək edəcəklərini bildirir. 1908-ci il aprelin 11-də Bakı quberniya ruhani idarəsində imtahan verən şair mayın 7-də Tiflisə gedib, Qafqaz şeyxülislamı idarəsindən ana dili və şəriət müəllimi diplomu alır. Lakin Qoridən aldığı bir məktubdan sonra o, seminariyadan ümidini kəsməli olur. Bir müddət şair Şamaxı məktəblərindən birində köməkçi müəllim sifətilə dərs deyir. Müəllim yoldaşları onun dərin bilik və pedaqoji ustalıqla verdiyi dərsləri çox bəyənirlər. Həmin ilin sentyabr ayında Sabir çoxdan arzuladığı “Ümid” məktəbini açmağa müvəffəq olur. Bu məktəbdə 60-a qədər şagird oxuyurdu.Yeni üsülda olan başqa məktəblərdəki kimi burada da şagirdlər skamyada oturur, əyani vəsaitlərdən istifadə edir, ekskursiyaya çıxırdılar. Məktəbdə ana dili, fars dili, hesab, coğrafiya və təbiətə dair məlumat verilir, Quran və şəriət dərsləri tədris edilirdi. 1910-cu ilin əvvəllərində Sabir Bakıya işləməyə gəlir. Əvvəlcə “Zənbur” jurnalının redaksiyasında çalışır. Az sonra Balaxanı məktəbində böyük həvəslə dərs deməyə başlayır. Müəllimliyi ilə bərabər, şair Balaxanı neft mədənlərində işləyən fəhlələrə, yerli inqilabçılara yaxınlaşaraq, onların açdıqları “Nur” kitabxanasının fəal üzvü olur. O ilin yazından Sabir Bakıda çıxan “Günəş” və “Həqiqət” qəzetlərinin redaksiyasında işləyir. “Günəş” qəzeti hər həftənin cümə günü “Palanduz” sərlövhəsi ilə gülüş səhifəsi buraxırdı. Sabir bu səhifədə “Nizədar” və “Çuvalduz” imzaları ilə müntəzəm surətdə ifşaçı əsərlər çap etdirir. Şair eyni zamanda “Molla Nəsrəddin”ə də yazmaqda davam edir. Aylarla ehtiyac içində, işsiz, əzab-əziyyətlə dolanan böyük şair 1910-cu ilin axırlarında ciyər xəstəliyinə tutulub, Şamaxıya qayıdır. 1911-ci ilin may ayında o, müalicə üçün Tiflisə gedib, dostu C.Məmmədquluzadənin evində yatır. “Molla Nəsrəddin”in əməkdaşları şairə böyük qayğıkeşlik göstərirlər. Xəstəliyinin getdikcə şiddətləndiyinə baxmayaraq, Sabir yenə şer yazmağa davam edir, yeni-yeni taziyanələr üzərində işləyir, “Molla Nəsrəddin” jurnalının redaksiya işlərinə yaxından kömək edir. İyun ayında həkimlər şairə cərrahiyə əməliyyatı aparmağı təklif edirlər. Lakin xəstə buna razı olmur. O, Şamaxıya qayıdır. Axır günlərindən birində şair deyir: İstərəm ölməyi mən, leyk qaçar məndən əcəl,
Xəstəliyinin çox şiddətləndiyini və ona başqa bir əlac olmayacağını görən şair cərrahiyə əməlliyatına razı olub, iyulun 8-də Bakıya gəlir. Lakin artıq həkimlər cərrahiyənin də heç bir fayda verməyəcəyini söyləyərək, ona tez Şamaxıya qayıtmağı məsləhət görürlər. Jurnalist H.Qasımov xəstə şairlə Bakıda son görüşünü xatırlayaraq yazır: “...Qəzetdə yazarsan, Sabir deyirdi ki, mən vücüdumda olan ətimi xalqımın yolunda çürütdüm. Əgər ömür vəfa etsəydi, sümüklərimi də xalqımın yolunda qoyardım”. 1911-ci il iyulun 12-də, həyatının və yaradıcılığının ən parlaq bir vaxtında Sabir vəfat edir. Şairin cənazəsi Şamaxıda “Yeddi günbəz qəbiristanı”nda dəfn olunur. Sabirin xatirəsinə hörmət əlaməti olaraq vəfatından bir il sonra, 1912-ci ildə arvadı Büllurnisə xanım, dostları Abbas Səhhət və M.Mahmudbəyovun səyi ilə onun şerləri “Hophopnamə” adı ilə çap olundu. Oxucular kitabı hərarətlə qarşıladılar. İki il sonra xalqın ianəsilə “Hophopnamə”nin ikinci, daha mükəmməl nəşri buraxıldı. Sovet hakimiyyəti illərinde Sabir irsinə maraq görülməmiş dərəcədə artdı, “Hophopnamə” böyük tirajla bir neçə dəfə çap olundu. Aldanma ayıqlıqda fəraqət ola, heyhat! Qəflətdə keçənlər kimi ləzzət ola, heyhat! Bidar olanın başı səlamət ola, heyhat! At başını yat, bəstəri-rahətdən ayılma! Laylay, bala, laylay! Yat, qal dala, laylay! Aldanma ayıqlıqda fəraqət ola, heyhat! Qəflətdə keçənlər kimi ləzzət ola, heyhat! Bidar olanın başı səlamət ola, heyhat! At başını yat, bəstəri-rahətdən ayılma! Laylay, bala, laylay! Yat, qal dala, laylay! tük edirem xebere gore 3_Rengli_HeyaT 07.07.2008, 2:18 
Məhəmməd Biriya Həyatı Məhəmməd Biriya - (Məhəmməd Bağırzadə) Azərbaycan Demokrat Firqəsinın maarif naziri. 1914-cü ildə Cənubi Azərbaycanın Təbriz şəhərində dünyaya gəlib. Atası sənətkar olub. 1920-ci ildə Qüzey Azərbaycana muhacirət edib. İlk təhsilini Bakıda alıb. 1929-ci ildə anası vəfat etdikdən sonra yenidən Təbrizə qayıdıb. Şair milləti Pəhləvi zülmünə qarşı mubarizəyə dəvət edib. 1945-ci ildə Azərbaycan Demokrat Firqəsi hökumət qurandan sonra maarif naziri seçilən Məhəmməd Biriya məktəblərdə Azərbaycan dilinin tədrisinin proqramını yaradıb. 1947-ci ildə Azərbaycan Demokrat Firqəsi dağılandan sonra Qüzey Azərbaycana qaçıb. Sovet dövründə Sibirə sürgün olunub. Azərbaycan maarifinin inkişafında böyük rol oynayıb. Məhəmməd Biriya - (Məhəmməd Bağırzadə) Azərbaycan Demokrat Firqəsinın maarif naziri. 1914-cü ildə Cənubi Azərbaycanın Təbriz şəhərində dünyaya gəlib. Atası sənətkar olub. 1920-ci ildə Qüzey Azərbaycana muhacirət edib. İlk təhsilini Bakıda alıb. 1929-ci ildə anası vəfat etdikdən sonra yenidən Təbrizə qayıdıb. Şair milləti Pəhləvi zülmünə qarşı mubarizəyə dəvət edib. 1945-ci ildə Azərbaycan Demokrat Firqəsi hökumət qurandan sonra maarif naziri seçilən Məhəmməd Biriya məktəblərdə Azərbaycan dilinin tədrisinin proqramını yaradıb. 1947-ci ildə Azərbaycan Demokrat Firqəsi dağılandan sonra Qüzey Azərbaycana qaçıb. Sovet dövründə Sibirə sürgün olunub. Azərbaycan maarifinin inkişafında böyük rol oynayıb. [redaktə / تحریر] Yaradıcılığı Biriya qoymaginan, bəndəri kəs, Şah qaçır a! Biriya qoymaginan, bəndəri kəs, Şah qaçır a! Daha düşməz əlinə, durma tələs, Şah qaçır a! Çapdı iranlıların var-yoxunu, yağlı yedi, Laybalay cibləri puldu, şələsi bağlı gedir, Tacu-təxtə baxır, amma ürəyi dağlı gedir, Yükü çoxdur, gücənir, təngi-nəfəs Şah qaçır a! Biriya qoymaginan, bəndəri kəs, Şah qaçır a! Rza xan məmləkəti gör necə pamal elədi, Binəva xəlqini axır suçu hammal elədi, Elə iş gördu - bütün şahları ibtal elədi, Dövrədən də səsinə verdilər səs, Şah qaçır a! Biriya qoymaginan, bəndəri, kəs Şah qaçır a! Demə İran gələcək, sən sevin İran olacağ, Məmləkət zülmü sitəmdən daha viran olacağ, Müstəbidlər gənədə sahibi fərman olacağ, Bizi təqib edəcək bir gün ƏSƏS, Şah qaçır a! Biriya qoymaginan, bəndəri kəs, Şah qaçır a! Nə azadəm bu aləmdə, nə əldə ixtiyarım var Nə azadəm bu aləmdə, nə əldə ixtiyarım var, Nə qussə əl çəkir məndən, nə dildə bir qərarım var. Qəfəsdə saxlamış zalım, fəğanımnan alır ləzzət, Təsəvvür eyləməz, gün tək münəvvər bir şüarım var. Dilim bağlı, gözüm bağlı, qulağım kar, üzüm gülməz, Günə həsrət qalan gülsüz, səfasız laləzarım var. Nəçün mən olmayım məhzun, ürəkdən etməyim nalə? Hər addımda müəyyəndir, qazılmış bir məzarım var. Ölüm xoşdur, çıx ey ruhum bu cismi natəvanimdən, Nə təslim olmağa meylim, nə dəhrə etibarım var. Zavalli xəlqinin dərdin gərəkdir Biriya çəksin, Bu yolda qanıma batsam, böyük bir iftixarım var. ***
Cahanda qurtulan deyil zəmanənin sitəmləri,
İçim şərabi - məst olum, yazım kitabi xilqətə, Mənəm deyənlərin məni əzən dəyir mənimləri. Vəfası çox, səfasi çox, alovlu-odlu şairəm, Əgər iradə eyləsəm, qılınca çevrilər qələm. Ey varlığa, azadlığa, insanlığa düşmən Ey varlığa, azadlığa, insanlığa düşmən, Bəsdir daha, artıq day utan öz əməlindən. Tökdün bu qədər qan, daha etməzmi kifayət? Yoxdurmu bu haqsızlığa, bu zülmə nəhayət? Başdan başa fikrin, əməlin qanlı cinayət, Əlbət yetəcəkdir sona bu qəmli hekayət. Ömründən əgər, mən bilirəm, qalsa da bir an, Axırda həqiqət tutacaqdır sənə divan. Bir gün alacaq haqqını səndən bəşəriyyət, Lənət sənin amalına, həkkarına lənət. Xilqət nə qədər var, unudulmaz adın amma, Nifrətlə səni yad edəcəkdir yeni dünya. Ərbab
Sinnim bu yaşa gəldi, görmədim nə kitabxanə üzü, nə məktəb,
Çöllərdə canım çıxdı mənim gün qabağında, Arvad-uşagım görmədi başmaq ayağında, Var-yoxsa gözüm çatlamış ayran çanağında, Al, al bunu da, yap məni, sal zillətə Ərbab, İnsaf elə, gəl bir balaca mürvətə Ərbab! Necə gəlim? Başına döndüyüm, qurban olduğum, Deyirsən evə gəl, mən necə gəlim? Gözəl camalına heyran olduğum, Deyirsən evə gəl, mən necə gəlim? Üzümü bir belə danlama, bəsdi, Bilirsən, fələyin işləri nəsdi, Gəlirdim, yolumu EMGEBE kəsdi, Deyirsən evə gəl, mən necə gəlim? Laygerin dövrəsi çəpərdi, valla, Hər yana baxıram xətərdi, valla, Burda xilas olmaq hünərdi, valla, Deyirsən evə gəl, mən necə gəlim? Çəpərin dalında durub nigəhban, Qabaqda ölümdü, arxada zindan, Qadasın aldığım yari-mehriban, Deyirsən evə gəl, mən necə gəlim? Üzümü tutanda qadir Allaha, Dönür seksiyalar ibadətgaha, Mənə vəslin olub canımdan baha, Deyirsən evə gəl, mən necə gəlim? Adım Məhəmməddir, özüm riyasız, Hələ çıxmamışam sənə vəfasız, Məni buraxmayır tutan həyasız, Deyirsən evə gəl, mən necə gəlim? Vəsiyyət
Vurma əl türbətimə, türbəti Adəm də mənəm,
3_Rengli_HeyaT 07.07.2008, 2:22
Yüklə 0,82 Mb. Dostları ilə paylaş:
|
