«Qaraqalpaq ádebiyatı» kafedrası «Ádebiyat teoriyası»

Temanıń aktuallıǵı. Búgingi kúnde sociallıq-siyasıy, ruwxıy-aǵartıwshılıq tarawında anıq maqsetke erisiwdiń baslı jolı- jámiyet aǵzalarında joqarı ruwxıylıqtı qáliplestiriw bolıp esaplanadı. Zamanagóy joqarı ruwxıy kamalatqa jetisken insan modelin kitapsız, ásirese, milliy hám dúnya ádebiyatı úlgilerisiz kóz aldımızǵa keltiriw qıyın. Elimiz jasların joqarı ruwxıylıqqa tárbiyalawda kórkem ádebiyattıń, sonıń ishinde, xalqımızdıń ruwxıy gáziynesine ayrıqshа úles bolıp qosılǵan XX ásirdegi bay ádebiy miyraslarınıń da, sonın ishinde, poeziyanıń áhmiyeti ayrıqshа. Ásirese, XX ásirdiń 60-80-jılları qaraqalpaq poeziyasınıń ayrıqshа rawajlanıw dáwiri boldı. Shayırlarımızdıń dóretiwshilik izlenisleriniń nátiyjesinde poeziya ideya-tematikalıq, janrlıq, formalıq hám kórkemlik jaqtan ádewir jetilisti. Dúnya poeziyasınıń progressiv dástúrleri kirip keldi. Usı dáwir poeziyasın, onıń kórkem-estetikalıq qunlılıǵın búgingi ilmiy teoriyalıq kózqaraslardan úyreniw qaraqalpaq ádebiyattanıw ilimindegi áhmiyetli máselelerden esaplanadı. Sonlıqtan biz kurs jumısımızdı XX ásirdiń 60-80-jıllarındaǵı qaraqalpaq poeziyasınıń tiykarǵı wákilleriniń biri T.Sársenbaev poeziyasınıń janrlıq ózgesheliklerin úyreniw baǵdarına qurıwdı maqul kórdik. Shayır poeziyası boyınshа arnawlı ilimiy izetlew jumıslarınıń júzege kelmegenligi biziń kurs jumısımız temasınıń aktuallaǵın sıpatlaydı.
Kurs jumısınıń maqseti hám wazıypaları. Biziń kurs jumısımızdıń tiykarǵı maqseti shayır T.Sársenbaev lirikasınıń janrlıq hám kórkemlik ózgesheliklerin úyreniw hám usı tiykarda shayır lirikasınıń ózine tán ózgesheliklerin, qaraqalpaq poeziyasındaǵı ornın ashıp beriw bolıp tabıladı. Usı maqsetten kelip shıqqan halda tómendegi wazıypalardı belgilep aldıq:

• 
  shayırdıń ashıqlıq (muhabbat) qosıqlarınıń janrlıq ózgesheliklerin úyreniw;
  
• 
  shayırdıń publicistikalıq qosıqlarınıń janrlıq ózgesheliklerin izertlew hám analizlew;
  
• 
  shayır lirikasında kórkem súwretlew qurallarınıń xızmetin ashıp beriw;
  
• 
  kórkemlew qurallarınıń lirikalıq qaharman obrazın jasawǵa qatnasın analizlew;
  
• 
  shayırdıń lirikalıq shıǵarmalarında kórkemlew usıllarınıń qollanılıwın úyreniw.