«Qaraqalpaq ádebiyatı» kafedrası «Ádebiyat teoriyası»

Kurs jumısınıń izertlew obyekti hám predmeti. Biz belgili shayır T.Sársenbaev lirikasınıń janrlıq ózgesheligin izertlewdi maqul kórdik. Jumıstıń izertlew obyekti sıpatında shayırdıń "Debdiw" (1977), "Qubılıw" (1980), "Shabılıw" (1989), "Qaynawıt" (1983), “Jarshı” (1974) atlı poeziyalıq toplamları alındı. Al jumıstıń izetlew predmeti etip janrlardıń qatnası máselesi alındı.
Jumıstıń teoriyalıq hám metodologiyalıq negizi. Biz izertlew barısında Ózbekstan Respublikasınıń Prezidenti SH.M.Mirziyoevtıń shıǵıp sóylewleri, bayanatları, qararlarındaǵı ádebiyat hám kórkem ónerdi rawajlandırıw haqqındaǵı pikirlerin hám kórsetpelerin tikkeley basshılıqqa aldıq. Sonıń menen birge, jumısımızdıń teoriyalıq hám metodologiyalıq tiykarı retinde rus, ózbek hám qaraqalpaq ádebiyattanıw ilimindegi ilimiy-teoriyalıq miynetlerge tiykarlanıldı. Atap aytqanda, T.Boboevtıń «Adabiyotshunoslikka kirish» (Toshkent, 2009), S.Axmetov, Q.Sultanovlardıń «Ádebiyattanıw» (Nókis, 1987), S.Axmetov, J.Esenov, Q.Járimbetovlardıń «Ádebiyattanıw atamalarınıń orısshа- qaraqalpaqshа túsindirme sózligi» (Nókis, 1994), Q.Járimbetovtıń «XІX ásir qaraqalpaq lirikasınıń janrlıq qásiyetleri hám rawajlanıw tariyxı» (Нөкис,2004), Á.Paxratdinov, K.Allambergenov, M.Bekbergenovalardıń «XX ásir qaraqalpaq ádebiyatı tariуxı» (Нөкис, 2011), K.Mámbetovtiń “Ádebiyat teoriyası” (Нөкис, 1995), A.Dosımbetovanıń “Ádebiyatta kórkemlew quralları” (Nókis, 2017), h.t.b miynetlerdegi ilimiy-teoriyalıq pikirler basshılıqqa alındı.
Jumıstıń izetleniw dárejesi. Qaraqalpaq lirikasınıń rawajlanıw qubılısların izetlew barısında qurılǵan S.Axmetovtıń, K.Mámbetovtıń, G.Esemuratovtıń, Á.Nasrullaevtıń, Q.Járimbetovtıń, Q.Muratbaevtıń, T.Mámbetniyazovtıń,
Q.Orazımbetovtıń ilimiy-izetlew miynetleri júzege kelgen. T.Sársenbaev lirikasın úyreniwde ádebiyatshı ilimpazlarımız tárepinen bir qanshа izetlew jumısları alıp barıldı. K.Allambergenov, A.Áliev, S.Bahadirova hám basqa ilimpazlar ózleriniń pikirlerin bildirdi. Qaraqalpaqstan xalıq jazıwshısı A.Áliev “Talantlı shayırlarımızdan biri” atlı maqalasında: “T.Sársenbaev jóninde gáp qozǵala qoysa dosları eń aldı menen, “Júr, maldıń aldına shıǵayıq, Shayda” dep tómendegishe bahalaydı. “Teńelbaydıń eń ataqlı qosıqlarınan biri bolǵan bul shıǵarmanı shayır bunnan kóp jıllar burın jazıp, járiyalaǵan bolsa da jurt onı ele umıtpaydı” - dep bahalaydı.