18-modda. Xodim, talaba va doktorantlarning о‘zaro munosabatlari Xodim, talaba va doktorantlarning о‘zaro munosabatlari milliy qadriyat va an’analar, yagona jamoaviy muhit, о‘zaro hurmat va e’tibor, dо‘stlik, hamjixatlik, xalollik va adolat tamoyillariga asoslanishi lozim.
Xodim, talaba va doktorantlarning о‘zaro munosabatlarida inson qadr- qimmatiga xurmatsizlik, shaxsiyatni kamsitish, о‘zganing intellektual mulkini о‘zlashtirib olish, qо‘pollik, bexayo sо‘zlar ishlatish, mushtlashish kat’iyan man etiladi.
Pedagog xodimlar tomonidan talabalarga nisbatan о‘quv va tarbiya jarayonidagi yuqori talabchanlik ularning shaxsini hurmat qilish bilan birgalikda amalga oshirilishi kerak.
19-modda. Pedagog xodim va talabalarining auditoriyadagi va undan tashqaridagi о‘zaro munosabatlari Pedagog xodim auditoriyaga kirganida, barcha talabalar о‘rinlaridan turib xurmatlarini bildirgan holda kutib olishlari, sо‘ngra pedagog xodim salomlashib, о‘tirishga ruxsat bergach, о‘z joylarini egallashlari kerak. Pedagog xodim darsini tugatib, auditoriyadan chiqib ketayotganda xam talabalar о‘rinlaridan turib, kuzatib qо‘yishlari lozim.
Pedagog xodimlar о‘quv jarayoni va boshqa holatlarda ham talabalarning shaxsini xurmat qilishi, ular bilan munosabatda ochiqlik va xayrixoxlik tamoyillariga amal qilish, talabalarga ta’lim berish jarayonida о‘z vazifalarini beg‘araz amalga oshirishi, talabaga munosabatda ularni kamsitish, qо‘pol sо‘z ishlatish, о‘zini yuqori tutish va tanish-bilishchilik kabi yondashuv shakllarini mutlaqo kо‘llamaslik, ularga nisbatan doimo xaqqoniy munosabatda va xolis bо‘lishlari shart.
Pedagog xodimlar talabalarga ularni qiziqtirgan fan yoki о‘quv kursiga oid masalalar yuzasidan dars jarayonidan tashqari vaqtlarda bergan savollariga ham axloq meyorlariga amal qilgan xolda javob kaytarishlari va ularni fanga bо‘lgan qiziqish va ishtiyoklarini oshirish choralarini kо‘rishlari zarur.
