Qayta tayyorlash va ularning malakasini oshirish hududiy markazi maktabgacha, boshlang

Nutqiy kompetensiya elementlari: (tinglab tushunish, soʻzlash, oʻqish, 
yozish) 
mavzu doirasida oʻqituvchi nutqini, sodda audio (multimedia 
ilovalari) matnlarni va topshiriqlarini tinglab tushuna oladi; rasmlar asosida 
va oʻqib eshittirilgan matn yuzasidan oʻqituvchi yordamida suhbatga kirisha 
oladi, nutq jarayonida oʻzlashtirgan yangi soʻzlarni ogʻzaki nutqda qoʻllay 
oladi; alifboni yozma shaklda yoza oladi.
Lingvistik kompetensiya elementlari
oʻzbek tilida nutq tovushlarini 
toʻgʻri qoʻllay oladi, boʻgʻin koʻchirish qoidasiga rioya qila oladi, mavzuga 
oid soʻzlarni ogʻzaki nutqda qoʻllay oladi.
Boshlangʻich ta’lim bosqichida oʻquvchilarning ona tili ta’limi boʻyicha 
tayyorgarlik darajasiga qoʻyiladigan talablar quyidagicha: 
1-sinf. 3-4 ta soʻzli gapni eshitib yoza olishi, 15-20 ta soʻzgacha boʻlgan 
diktantni yoza olishi lozim. 
2-sinf. 4 ta gapdan iborat ijodiy matn yarata olishi, rasmlar asosida 
qisqa matn tuza olishi, xatboshiga, imlo va husnixat qoidalariga amal qilshi, 
30-40 ta soʻzgacha boʻlgan diktantni yoza olishi lozim. 
3-sinf. 5-6 ta gapdan iborat ijodiy matn yarata olishi, 50-60 ta 
soʻzgacha boʻlgan diktantni yoza olishi lozim. 
4-sinf. 5-6 gapdan iborat xabar, tasvir, muhokama shakllarini qoʻllab 
matn yarata olishi, 65-70 ta soʻzgacha boʻlgan diktantni yoza olishi lozim. 

---

5 
Oʻquvchilarni toʻgʻri va chiroyli yozuvga oʻrgatishda 
diktantlardan foydalanish
Diktant oʻquvchining savodxonligini tekshirishni va olingan bilimlarni 
mustahkamlash maqsadida kundalik hamda koʻpgina oraliq nazorat shaklida 
oʻtkaziladi. 
Diktant oʻtkazishda oʻquvchilarning yosh xususiyatlarini, bilim 
darajalarini hisobga olish, soddadan murakkabga borish muhim ahamiyatga 
egadir. Shuningdek, oʻquvchilarni oʻz-oʻzini tekshirishga oʻrgatish kerak. 
Oʻquvchi diktant yozganda soʻzning harfiy ifodasini koʻrmay, eshitish 
orqali tovushlar majmuasini tasavvur etadi, tovushlarni harflar bilan 
almashtirib yozadi. 
Bunda ruhiy va jismoniy jarayonlarning birgalikda mustahkamlanib 
borishga imkon beradi. Shuning uchun ham diktant imlo oʻrgatishga oʻz 
tabiatiga koʻra toʻla ahamiyatga egadir. 
Diktant maqsadga koʻra ikki turga boʻlinadi.