6-MAVZU: MINERAL BOG‘LOVCHI MODDALAR (MBM).
HAVOYI BOG‘LOVCHILAR. GIDRAVLIK BOG’LOVCHI
MODDALAR.
Reja:
1.
Umumiy ma’lumotlar.
2.
Havoyi bog‘lovchilar .
3.
Portlandsementning ishlatilishi.
1. Umumiy ma’lumotlar
Mineral (noorganiq) bog‘lovchilar kukunsimon bo‘lib,
suv bilan
aralashtirilganda plastik qorishma hosil bo‘ladi va fizik-kimyoviy jarayonlar
natijasida sun’iy toshsimon materialga aylanadi.
Mineral bog‘lovchilar strukturasi va qotish mexanizmiga ko‘ra havoyi
va gidravlik bog‘lovchi turlariga bo‘linadi. Havoyi bog‘lovchilar qotish
jarayoni, mustahkamligining o‘sishi faqat havoda yuz beradi.
Havoyi
bog‘lovchilarga havoyi ohak, gips, magnezial bog‘lovchilar,
suyuq shisha
va boshqalar kiradi.
Gidravlik bog‘lovchilar qotish jarayoni boshlanishi havoda yuz berib,
suv yoki o‘ta nam sharoitda davom etadi va mustahkamligi ortadi. Gidravlik
bog‘lovchilar
jumlasiga gidravlik ohak, romansement,
portlandsement va
uning turlari, giltuproqli sement, putssolanli
va shlakli portlansementlar,
kirishmaydigan va kengayuvchan sement va boshqalar kiradi.
Mineral bog‘lovchilar xossalarini yaxshilash uchun tarkibiga aktiv
mineral qo‘shimchalar-trepel, opoka, diatomit, pemza, gliej, vulqon tufi va
kuli hamda toshko‘mir kuli, shlaklar va boshqalar qo‘shilishi mumkin.
Mineral bog‘lovchilar asosida g‘isht,
tosh terish va suvoqchilik
qorishmalari, beton va temirbeton buyum va konstruksiyalar, armotsement
konstruksiyalar, avtoklav buyumlar, yelimlovchi va bo‘yoq kompozitsiyalar
va boshqa mahsulotlar tayyorlash mumkin.
Dostları ilə paylaş: 
