oshirgan. Bino ichida saqlanib qolgan ba’zi naqsh parchalari uning ichki qismi ham did bilan bezatilganligidan darak beradi. 0 ‘zbekistonning qadimgi me’moriy obidalari o‘zbek xalqlarining madaniyati va san’ati qadimdan nihoyatda rivoj topganligidan darak beradi. Ular xalqimiz me’morlariga namuna bo‘lib, go‘zallik hislarini, Vatanga muhabbatni, milliy g‘ururni tarkib toptirishga xizmat qiladi. Mustaqillik yillarida me’morlik san’ati. 0 ‘zbek xalq me’moriy san’ati chin ma’noda mavqeyi, mohiyati va e’tibori jihatidan buyuk bunyodkorlik san’atidir. Mustaqillik yillarida ko‘hna Samarqand, Buxoro, Xiva shaharlarining 2500 yilligiga bag‘ishlangan tantanalarda xalqimiz me’moriy salohiyatining mahsuli bo‘lmish sharqning beqiyos jamoli, faxri butun jahonga yana bir bor namoyish etildi. Xalq dahosi yaratgan me’moriy san’at durdonalari jahon madaniyati xazinasidan munosib o‘rin olgani namoyon bo‘ldi. Istiqlol davrida shahar me’morchiligi yanada takomillashdi. Yangi qurilishlar silsilasida 0 ‘zbekistonning me’moriy amaliy shakllangan ikki asosiy tamoyili ko‘zga tashlanadi. Ulardan biri - Temuriylar muzeyi, Oliy Majlis binosi va Toshkent shahar hokimiyati binolarida yorqin aks etgan sharqona me’morchilikning an’anaviy qonun-qoidalariga rioya etish bo‘lsa, ikkinchisi, 0 ‘zbekiston jahon hamjamiyatidan o‘rin olishga bo‘lgan intilishini namoyish etuvchi jahon me’morchiligining eng yangi yutuqlaridan foydalanishda namoyon bo‘ldi. Bunga «Interkontinental», «Sheraton» mehmonxonalari binolari misol bo‘la oladi. Interkontinental mehmonxonasi. Toshkent. (Me’mor A.To‘xtayev). 99
www.ziyouz.com kutubxonasi
