Samarqand davlat tibbiyot universiteti buxoro davlat tibbiyot instituti
Yüklə 3,83 Mb. Pdf görüntüsü
|
|
O`quv qo`llanma
4 Sahifa etilmagani, yangi qo’llanmani yaratish va ushbu masalalarni ham unga kiritish zaruratini yuzaga keltirdi. Bugungi kunga kelib, yurtimizda xirurgik kasalliklar bo’yicha chop etilgan barcha qo’llanmalarni qaytadan ko’rib chiqib, ularga shu ixtisoslikning bugungi holati va kelajagini inobatga olgan holda, o’zgartishlar va to’ldirishlar kiritish ehtiyoji tug’ildi. Talabalarga dars berishdagi qat’iy izchillikka rioya qilgan holda, ilmiy asosda tabobatning bu murakkab sohasida insoniyat to’plagan tajribalarni ularga etkazishga harakat qilindi. Zero undan, bugungi kun talabalari foydalanib, ertangi kunda aholiga davr talabiga munosib ravishda xizmat ko’rsatishlari lozim bo’ladi. Shu qatorda, 50 yildan beri faoliyat olib borayotgan fakultet va gospital jarrohligi klinikasining boy tajribasi ham e’tiborga olingan. Ushbu asarni yaratishda bevosita hissa qo’shgan shogirdlarga, muallif ulkan minnatdorchilik bildiradi. Qo’llanmani yozishda, mualliflar xirurgiyaga oid mavjud ma’lumotlarni bayon etgani holda, kasalliklarni aniqlash va davolashning yangi usullari bilan tanishtirishga harakat qildilar. Bu borada o’lkamiz olimlarining qo’shgan ulkan hissalari haqida ham so’z yuritishga urindik. Bularning hammasi, bo’lajak jarrohlarning yangi avlodini tarbiyalashga va ularning xalqimizga malakali xizmat ko’rsatishiga yordam beradi degan umiddamiz. Gospital xirurgiyasi 5 Sahifa KO’KS ORALIG’I KASALLIKLARI Anatomik-fiziologik ma’lumotlar Ko’ks oralig’i – ko’krak bo’shlig’ining orqa tomondan umurtqa pog’onasi, oldingi tomondan ko’krak, yon tomonlardan mediastinal plevra va pastdan diafragma bilan chegaralanib turadigan qismi bo’lib, ko’ks oralig’i yuqorida aniq chegaralarsiz bo’yin sohasiga o’tadi. Ko’ks oralig’i shartli ravishda yuqori va pastki qismlarga bo’linadi, uning sathi IV ko’krak umurtqasidan o’tadi. Traxeya yuqori ko’ks oralig’ini shartli ravishda oldingi va orqa ko’ks oralig’iga bo’ladi, yurak xaltasi esa pastki va oldingi, o’rta va orqa ko’ks oralig’iga bo’ladi. Ko’ks oralig’i topografikanatomik bog’liq a’zolar va to’qimalarning yig’indisi hisoblanadi. Yuqori ko’ks oralig’ida traxeya, qizilo’ngach, ayrisimon bez, aorta ravog’i, elka-bosh venalari, ko’krak limfatik yo’li joylashgan bo’ladi. Pastki ko’ks oralig’ining oldingi va o’rta qismlarida yurak va perikard joylashgan bo’lib, o’rta qismining yuqori uchdan birida esa traxeya bifurkatsiyasi, o’pka arteriyasi, aortaning yuqoriga ko’taruvchi qismi joylashadi. Nihoyat, pastki orqa oralig’ida aortaning pastga tushuvchi qismi, qizilo’ngach, ko’krak limfa yo’li, simpatik va parasimpatik nervlar o’tadi. Yüklə 3,83 Mb. Dostları ilə paylaş:
|