Sana: 201 y. Mavzu: 7-8-sinflarda o’tilganlarni takrorlash darsning maqsadi: 8

2. O’tilganlarni takrorlash va yangi mavzuni boshlashga hozirlik – yangi mavzu bilan bog’liq o’tilgan dars mavzularini takrorlash; o’quvchilarning yangi
mavzuni o’tishdan oldin bu mavzuga oid bilim darajalarini aniqiash, baholash
va yangi materialni o’zlashtirishga tayyorlash; yangi dars maqsadini tushuntirish;

3. Yangi mavzuni yoritish:

Geometrik shakllarning o’xshashligi
Oldingi darslarda ko’pburchaklarning o’xshashligi tushunchasi bilan tanishdik. Bu tushunchani faqat ko’pburchaklar uchun emas, balki istalgan geometric shakllar uchun ham kiritish mumkin.

Agar F va F* shakllar berilgan bo’lib, F shaklning har bir nuqtasiga F* shaklning biror nuqtasi mos qo’yilgan bo’lsa va bunda F* shaklning har bir nuqtasiga F shaklning faqat bitta nuqtasi mos kelsa, F shakl F* shaklga almashtirilgan deyiladi.

Ta’rif. Agar F shaklni F* shaklga almashtirishda nuqtalar orasidagi masofalar bir xil son marta o’zgarsa, bunday almashtirishga o’xshashlik almashtirishi deyiladi (2-rasm).
Bu ta’rifni quyidagicha talqin qilish mumkin: Aylaylik, biror almashtirish natijasida F shaklning ixtiyoriy X, Y nuqtalariga F* shaklning X*, Y* nuqtalari mos qo’yilgan bo’lsin. Agar X*Y* = k · XY, k > 0 bo’lsa, bunday almashtirishga o’xshashlik almashtirishi deyiladi. Bunda k – barcha X va Y nuqtalar uchun bir xil son bo’lib, u o’xshashlik koeffitsienti deb yuritiladi.
Agar F va F* shakllar berilgan bo’lib, bu shakllarni birini ikkinchisiga o’tkazadigan o’xshashlik almashtirishi mavjud bo’lsa, F va F* shakllar o’zaro o’xshash deyiladi. Shakllarning o’xshashligi F o’xshashlik F* kabi yoziladi. Agar o’xshashlik koeffitsienti k ni ham ko’rsatish lozim bo’lsa, F o’xshashlik^k F* tarzda ham belgilanadi.
Agar o’xshashlik alashtirishida X nuqtaga X* nuqta mos qo’yilgan bo’lsa, X nuqta X* nuqtaga almashdi yoki o’tdi deyiladi. O’xshashlik almashtirishlari quyidagi xossalarga ega:
Teorema. O’xshashlik almashtirishi a) to’g’ri chiziqni to’g’ri chiziqqa; b) nurni nurga; d) burchakni (uning kattaligini saqlagan holda) burchakka; e) kesmani (uzunligi bu kesmadan k marta uzun bo’lgan) kesmaga o’tkazadi.
Isbot. a) O’xshashlik koeffitsienti k bo’lgan almashtirishda bir to’g’ri chiziqda yotgan turli X, Y va Z nuqtalar mos ravishda X*, Y* va Z* nuqtalarga almashsin (3-rasm).
X, Y, Z nuqtalardan biri, aytaylik, Y qolgan ikkitasining orasida yotsin. U holda XZ = XY + YZ. O’xshashlik almashtirishi ta’rifga ko’ra:

Bu tenglikdan X*, Y* va Z* nuqtalarning bir to’g’ri chiziqda yotishi kelib chiqadi.