SCIENTIFIC PROGRESS
VOLUME 2
ǀ ISSUE 8
ǀ 2021
ISSN: 2181-1601
Uzbekistan
www.scientificprogress.uz
Page 843
O‘SMIRLIK DAVRINING FIZIOLOGIK-PSIXOLOGIK VA JISMONIY
JIHATDAN O‘ZIGA XOS XUSUSIYATLARI
Xasanboy Abdusalomovich Ibragimov
Andijon davlat universiteti Jismoniy madaniyat nazariyasi va metodikasi kafedrasi katta
o‘qituvchisi
ANNOTATSIYA
Ushbu maqolada o‘smir yoshdagi avlod organizmining anatomik
fiziologik va
jismoniy jihatdan rivojlanish
davrlarining asoslari, o‘smirlarning hayot tarzi
xususiyatlari bayon etilgan.
Kalit so‘zlar: Fiziologik, psixologik , jismoniy, muhim, faoliyat, o‘qish, muloqot,
ruhiy, ma’naviy, xususiyatlar, a’zolar, o‘zgarishlar, tashqi qiyofa , jinsiy balog‘at, jiddiy
munosab, qarama-qarshiliklar, yetuklik.
PHYSIOLOGICAL-PSYCHOLOGICAL AND PHYSICAL
CHARACTERISTICS OF ADOLESCENCE
ABSTRACT
This article describes
the basics of the anatomical, physiological and physical
development of the adolescent generations organism, the lifestyle characteristics of
adolescents.
Keywords: Physiological, psychological, physical, important,
activity, studying,
communication, mental, spiritual, characteristics, parts, changes,
appearance, sexual
maturity, serious attitude, contradictions , maturity.
O‘smirlik 11-12 yoshdan, 14-15 yoshgacha bo‘lan davrni o‘z ichiga oladi.
Aksariyat o‘quvchilarda o‘smirlik yoshiga o‘tish, asosan, 5-sinfdan boshlanadi. «Endi
o‘smir bola emas, biroq katta ham emas»- ayni shu ta’rif o‘smirlik davrining muhim
xarakterini bildiradi. O‘smirlik bolalikdan kattalikka o‘tish davri bo‘lib, fiziologik va
psixologik
jismoniy jihatdan o‘ziga xos xususiyatlari bilan xarakterlanadi. Bu bosqichda
bolalarning jismoniy va psixik taraqqiyoti juda tezlashadi, hayotdagi turli narsalarga
qiziqishi, yangilikka intilishi ortadi,
xarakteri shakillanadi, ma’naviy dunyosi boyiydi,
ziddiyatlar avj oladi. O‘smirlik balog‘atga yetish davri bo‘lib, yangi xislar, sezgilar va
jinsiy hayotga taalluqli chigal masalalarning paydo bo‘lishi bilan ham xarakterlanadi.
Bular ta’sirida o‘smirning xarakteri, atrofdagi kishilar bilan muomalasi, jamiyatda sodir
bo‘layotgan voqealarga munosabati tez o‘zgarib boradi. Ba’zan ijtimoiy masalalar
to‘g‘risida noto‘g‘ri tassavvur va yanglish fikrlar hosil bo‘lishi tufayli u muayyan tartib
qoidalarga tanqidiy ko‘z bilan qaraydi.