Sonli ommaviy oferta

3.6. Texnik uzilishni bartaraf etish davrida ishtirokchi tomonidan tasdiqlagan o‘z takliflarini qaytarib olinishiga yo‘l qo‘yilmaydi.
3.7. Texnik uzilish holati qayd etilgan auksion obyekti bo‘yicha davom ettiriladigan auksion boshlangandan so‘ng o‘n daqiqa ichida hech qaysi ishtirokchi sotib olish taklifini tasdiqlamasa, texnik uzilish qayd etilishidan oldin oxirgi eng yuqori taklifni tasdiqlagan auksion ishtirokchisi g‘olib deb topiladi.
3.8. Ishtirokchining kompyuter va (yoki) telekommunikatsiya jihozlarida texnik uzilish bo‘lganda, bu holat savdo platformasida texnik uzilish deb hisoblanmaydi va auksion davom ettiriladi.
4. Ishtirokchining huquq va majburiyatlari.
4.1. Ishtirokchining huquqlari quyidagilar:
a) xabarnoma joylashtirilgan paytdan boshlab mol-mulkni oldindan ko‘rish (ko‘zdan kechirish);
b) ariza qabul qilishning oxirgi muddatidan kechiktirmasdan bildirishnomani “Savdo tashkilotchisi”ga yuborish orqali elektron onlayn-auksionda ishtirok etishga arizani o‘zgartirish yoki chaqirib olish;
e) o‘tkazilgan elektron onlayn-auksion savdolar natijasi haqida o‘ziga tegishli ma’lumotlarni olish;
f) auksion obyekti realizatsiya qilinishi bilan bog‘liq masalalar bo‘yicha axborot va maslahat xizmatlarini olish;
4.2. Ishtirokchining majburiyatlari quyidagilar:
a) auksion g‘olibi deb topilgan taqdirda, auksion yakunlangan kundan boshlab sotilgan obyektning qiymati bazaviy hisoblash miqdorining besh ming baravarigacha bo‘lganda, to‘lovlarni 10 ish kuni, besh ming baravariga teng yoki undan ortiq bo‘lganda to‘lovlarni 15 ish kuni mobaynida to‘lash va buni shaxsiy kabineti orqali tasdiqlash;
b) savdo platformasida lot qiymati to‘liq to‘lanishi talab etilmaydigan auksion obyektlari bo‘yicha auksion g‘olibi tomonidan operatorning xizmat haqi uchun yetarli mablag‘ besh ish kuni ichida to‘lash va buni shaxsiy kabineti orqali tasdiqlash;
d) belgilangan muddat ichida auksion obyekti qiymatini to‘liq to‘lamagan (auksion g‘olibi hamda auksionning salohiyatli g‘olibi)ning to‘langan zakalat pullari “Savdo tashkilotchisi”ning tasarrufida qolishiga qarshi emasligi va mazkur zakalat puli yuzasidan sudlarda da'vogar bo‘lmasligini tasdiqlash;
e) auksion g‘olibi to‘lovlarni to‘lashdan bosh tortgan taqdirda, g‘olib hamda uning to‘g‘ridan-to‘g‘ri ta`sischilari hisoblangan shaxslar nohalol ishtirokchi sifatida elektron savdo platformasidagi auksionlardan chetlatilishi, bunda, to‘lovlarni to‘lamaslik holati birinchi marta sodir etilganda bir yil muddatga, ikkinchi marta takrorlansa muddatsiz davrga auksionlardan chetlatilishi to‘g‘risida ogohlantirilganligini tasdiqlash;
f) agar ishtirokchining ma’lumotlari haqiqatga to‘g‘ri kelmagan taqdirda, auksion natijalari haqiqiy emas deb topilishi va zakalat puli qaytarib berilmasligi to‘g‘risida ogohlantirilganligini tasdiqlash;
g) auksionga qo‘yilgan mol-mulk, buyurtmachining buyurtmasiga asosan sotilayotganligi hamda buyurtmachi tomonidan belgilangan asoslar bo‘yicha elektron onlayn-auksion to‘xtatilganligi yoki bekor qilinganligi yoxud mol-mulk (lot) yoki uning bir qismi elektron onlayn-auksiondan olinganligi uchun ishtirokchiga zarar yetkazilgan bo‘lsa, “Savdo tashkilotchisi” javob bermasligiga ogohlantirilganligini tasdiqlash;
i) “Savdo tashkilotchisi” tomonidan ishtirokchining telefon raqamiga SMS xabar yoki shaxsiy kabinetiga xabarnoma yuborilgan xatlar uni yuborish vaqtida “Ishtirokchi” tomonidan rasman qabul qilingan deb hisoblanadi va “Savdo tashkilotchisi”, ishtirokchi tomonidan ushbu xatlarning kech o‘qilishi oqibatlari uchun javobgar emasligiga ogohlantirilganligini tasdiqlash.
j) “Ishtirokchi” o‘ziga tegishli bo‘lgan ERI kalitni va veb-portaldan ochilgan shaxsiy kabinetiga aloqador ma’lumotlarni (login, parolni) belgilangan tartibda saqlamaganligi va boshqa shaxsga foydalanish uchun topshirganligi natijasida kelib chiqadigan huquqiy oqibatlar uchun shaxsan javobgar hisoblanadi.
k) Men foydalanuvchi shartnomasining shartlarini qabul qilaman va "REZOLYUT TRANS TRADING" MCHJga shaxsiy ma’lumotlarimni (shu jumladan yuridik shaxs bo‘lsa Davlat soliq qo’mitasi tomonidan ularning ta’sischilari va hisob raqamlari haqidagi ma’lumotlarni) maxfiylik siyosati bilan belgilangan O‘zbekiston Respublikasining 01.07.2019 yil “Shaxsga doir ma’lumotlar to‘g‘risida” O‘RQ-547-son Qonuniga muvofiq foydalanishga (qayta ishlashga) rozilik beraman.
m) Ishtirokchi O‘zbekiston Respublikasining Ma’muriy javobgarlik to‘g‘risidagi kodeksida, ekologiya, atrof-muhitni muhofaza qilish va tabiatdan foydalanish sohasidagi huquqbuzarliklar uchun ma’muriy javobgarlik va Jinoyat kodeksida, ekologiya sohasidagi qonunbuzilishlar uchun jinoiy javobgarlik belgilanganligi to‘g‘risida ogohlantiriladi.