Söz köNLÜMÜ QƏLƏm etdi (publiSİSTİk düŞÜNCƏLƏR)
Yüklə 1,12 Mb. Pdf görüntüsü
|
|
Yenə o bağ olaydı,
Yenə yığışaraq siz, O bağa köçəydiniz. Bizdə muradımızca Fələkdən kam alaydıq, Sizə qonşu olaydıq... Arzuya bax, sevgilim, Tellərindən incəmi? Söylə, ürəyincəmi? O, gözəgörünməz, odu ürək yandıran sirli ilhamın gücü misralardan boy göstərir. İnsanın ruhuyla dildarlıq edir. Bax budur Müşfiq şerinin seh- ri! Ürəklərdə məbəd tikən, odu keçməz məşəl yandıran ilahi ovsunu. Onu aradan götürənlər də elə bu ovsundan qorxdular. Müşfiqin ata yurdu uca dağlar qoynundan boylanan Xızı bölgəsində Sayadlı kəndində yerləşirdi. 150 O bölgənin insanları farsdilli olsalar da Müşfiqin dahiyanə şeirləri təmiz Azərbaycan türkcəsinin axarı-buxarı ilə cilalanıb. Onun şeirlərini oxuyan- da Azərbaycan türkcəsinə heyran olmaya bilmirsən. Onun hər şeri çeşmə kimi çağlayır, bulaq kimi gözündən qaynayır. İlahi bir pıçıltı duyursan bu nəğməkar şairin şeirlərində... Bu gün özlərinə nəğməkar şair adı qoyub yazdıqları cızma-qaralara yüzlərlə mahnılar bəstələdənlərin nə şeirlərinin sözləri, nə musiqisi yadda qalır, çünki ilhamsız yazılan şeirlərdir. İlhamla yazılan şerin musiqisi də elə onun özüylə birgə doğulur. İstedadlı şairimiz Mikayıl Müşfiqin şeirlərində olduğu kimi... Onun “Maralım” şerində istəkli sevgilinin surəti canlanır. Sən onun gözəlliyindən vəcdə gəlirsən, ruhun içində həyat eşqi çağlayır, sevdanın əli ömür dəftərini vərəqləyir, könülü haldan-hala salır, bu şeir qəlbə munis olub ürəyində qalır: Dolaşma sıldırım sal qayalıqda, Daşlar ayağını əzər, maralım! Gəl səni bəsləyim gözümün üstdə, Etmə aşiqindən həzər, maralım!.. Və yaxud “Sənə qurban” şerində istəkli sevgilisinə hər misradan bir uca söz sarayı yapır: Deyirsən yanında qalacağam mən, Çox gözəl fikirdir, qal sənə qurban. Nə zaman istəsən əziz canımı Qumral gözlərinlə al, sənə qurban. Bu gün pula-vara hərislər, beşgünlük ailə həyatı quranlar, doğulan uşaqların həyatını faciə dolu ömürlə qol-boyun buraxanlar Mikayıl Müşfiq şeirlərindən bəhrələnsəydilər mənə elə gəlir ki, pis olmazdı. Onlar sevginin ucalığını, həyatın şirin olduğu qədər, acı olduğunu dərk edərdilər və qurduqları ailə həyatının möhkəmliyi üçün can-dildən çalışardılar, çünki Müşfiqin şeirlərində yüksək həyat eşqi, sevginin, məhəbbətin yenilməzliyi, möhtəşəmliyi insan ürəyində məhrəmanə hisslər bəsləyir. Onu nəinki öz sevdiyinə kəc baxmağa, əksinə, adamı bu ilahi hissə ömür boyu sadiq qalmağa səsləyir. 151 Bu gün yazıq şerin başına min bir oyun açan, bir-birini bəyənməyən şairlər ordusu yaranıb. Özü də biri-birindən müştəbeh, biri-birindən havalı! Şerə postmodern yarlığı yapışdırıb, onun hal-əhvalını pərişan edən bu dırnaqarası söz bahadurları nəinki ədəbiyyatımızı şeirlə parlatmaq istəyirlər, hətta onu belə getsə şeirsiz qoymaq istəyirlər. Bu gün ədəbiyyat portallarında gen-bol şeirləri çap olunan bu dırnaqarası istedad sahiblərinin şəninə internetdən başı çıxan və orda bir oxucu kimi sözünü deməyi ba- caran insanlar həqarət dolu məktublar yazırlar, hətta şerin necə yazılmasını bu qələm sahiblərinə başa salmağa çalışırlar. Əziz söz və qələm sahibləri, bu ürəkbulandırıcı, başgicəlləndirici bir mənzərə deyilmi?! Beləliklə, əgər biz ingilis kimi yazmaq istəyiriksə ingilisin Şekspiri olub və onun yazdıqlarını oxuduqca oxumaq istəyirsən, hərgah biz rus kimi yazmaq istəyiriksə rusun Puşkini olub onun şeirlərinin axıcılığına heyran olmaya bilmirsən. Ədəbiyyatdan pul çıxarmaq istəyənlər, onu qazanc mənbəyinə çevirmək istəyənlər bilməlidirlər ki, bədii yaradıcılıq ilahi ruhun məhsuludur. O ani fikirlə, içib dəmlənməklə yaranmır. Onun yaranması üçün gərək anadan şair doğulasan Mikayıl Müşfiq kimi... Şair ilhamın nə olduğunu anlama- yan, lakin şairlik sevdasına düşənlərə bir dördlüyündə yazırdı: Yüklə 1,12 Mb. Dostları ilə paylaş:
|