Tadqiqotning dissertatsiya bajarilgan oliy ta’lim muassasasining ilmiy tadqiqot ishlari rejasi bilan bog‘liqligi.
Dissertatsiya tadqiqoti Termiz davlat universitetida bajarilayotgan (2021-2023 yillarga mo‘ljallangan) A-OT-2021-22- sonli “Minerallashgan quvur, fiting, panel va pol qoplamalari ishlab chiqishning innovatsion texnologiyasini yaratish” mavzusi nomli amaliy loyiha doirasida bajarilgan (2021-2023 yy).
Tadqiqotning maqsadi: bo‘lajak chizmachilik o‘qituvchilarining estetik ko‘nikmalarini rivojlantirish metodikasini takomillashtirish.
Tadqiqotning vazifalari:
- geometrik chizmachilik fanini o‘qitishda bo‘lajak chizmachilik o‘qituvchilarining estetik ko‘nikmalarini rivojlantirish metodikasini takomillashtirishning pedagogik imkoniyatlarini aniqlash;
- bo‘lajak chizmachilik o‘qituvchilarida estetik ko‘nikmalarni rivojlantirishda axborot texnologiyalaridan foydalanish jarayonini takomillashtirish;
- axborot texnologiyalar vositasida bo‘lajak chizmachilik o‘qituvchisining estetik ko‘nikmalarini rivojlantirish modelini takomillashtirish;
- talabalarning estetik ko‘nikmalarni rivojlantirishga qaratilgan chizmachilik o‘qitish bo‘yicha taklif etilayotgan metodikaning samaradorligini tajribada sinab ko‘rish.
Tadqiqotning ob’ekti - sifatida bo‘lajak chizmachilik o‘qituvchilarining estetik ko‘nikmalarini rivojlantirish metodikasini takomillashtirish jarayoni.
Tadqiqot predmeti - talabalarining estetik ko‘nikmalarini rivojlantirish metodikasini takomillashtirishning shakl, metod va vositalari tashkil etadi.
Tadqiqotning usullari.Tadqiqot jarayonida falsafiy, tarixiy, pedagogik, metodik, psixologik va chizmachilikka oid adabiyotlarni o‘rganish, nazariy tahlil; suhbat, pedagogik kuzatish, viziual o‘qitish, so‘rovnoma, diagnostika, pedagogik tajriba-sinov, matematik-statistik usullardan foydalanildi.
Tadqiqotning ilmiy yangiligi quyidagilardan iborat:
chizmachilik fanidan ijodiy grafik topshiriqlar bo‘lajak chizmachilik o‘qituvchilarida estetik ko‘nikmalarni bosqichma-bosqich shakllantirish, axborot texnologiyasidan foydalanishning ijodiy grafik loyiha mahsulotini yaratish asosida aniqlangan;
bo‘lajak chizmachilik o‘qituvchilarining estetik ko‘nikmalarini rivojlantirish metodikasi chizmachilik ta’limida ijodiy topshiriqlar hamda bo‘lajak chizmachilik o‘qituvchilarining estetik ko‘nikmalarini rivojlantirish bosqichlarini rivojlantiruvchi-didaktik ta’limni tashkil etish asosida rivojlantirilgan;
talabalarni chizmachilikdan mustaqil o‘quv faoliyatiga ijodiy yondashuv, o‘qitishning sifati va samaradorligini oshirish istiqbollarining strategiyasini aniqlash hamda talabalar o‘zlashtirish darajasini baholash me’zonlari dinamikasini qiyosiy taqqoslash asosida shakllantirilgan;
bo‘lajak chizmachilik o‘qituvchilarida estetik ko‘nikmalarini rivojlantirish, metodik tizimi ma’lumotlar optimal tuzilmasini ishlab chiqish, aqliy va ijodiy qobiliyat hamda axborot o‘zlashtirishning mantiqiy bosqichlarini optimallashtirish asosida takomillashtirilgan.
