Tatu samarqand filiali

Tadqiqot obyekti. Oddiy differensial tenglamalar, chegaraviy masalalar bitiruv malakaviy ishining tadqiqot obyektidir. Oddiy differensial tenglamalar, chegaraviy masalalarni aniq usullar bilan yechish [7, 8, 12, 15] adabiyotlarda va ularni taqribiy yechish usullari esa [6, 14] adabiyotlarda keltirilgan.
Ishning ilmiy ahamiyati. Bu bitiruv malakaviy ishida oddiy differensial tenglamalar, chegaraviy masalalarni Maple va Mathcad matematik paket yordamida analitik va taqribiy yechish usullari ko‟rsatilgan.
Ishning amaliy ahamiyati. Bitiruv malakaviy ishidan «Differensial tenglamalar» fanidan bo‟ladigan amaliy mashg‟ulotlarda, seminar mashg‟ulot- larida, oddiy differensial tenglama va tenglamalar sistemasi, chegaraviy masalalarni sonli yechish bo‟yicha tanlov fanlari mashg‟ulotlarida foydalanish mumkin.
Ishning tuzilishi. Bitiruv malakaviy ishi Kirish qismi, Asosiy qism, Xulosa va foydalanilgan adabiyotlar ro‟yxatidan iborat bo‟lib, jami 51 betdan iborat. Asosiy qism 3 ta bobdan iborat bo‟lib, 1- bobda oddiy differensial tenglamalarni
Maple va Mathcad paketi yordamida analitik yechish berilgan va buning qo‟llanilishi misollarda ko‟rsatilgan. 2 - bobda oddiy differensial tenglamani Maple va Mathcad paketi yordamida sonli yechish usullari ko‟rsatilgan. 3-bobda esa mexanikaning nochiziqli differensial tenglamalar sistemasidan iborat bo‟lgan bir qator amaliy masalalari differensial tenglamalarini sonli yechish masalasi qaralib, taqribiy hisob usuli Runge-Kutta usuli bo‟yicha aniq amaliy masalalar yechilgan. Xulosa qismida bitiruv ishining asosiy natijalari va uning amaliy tadbiqlari bayon qilingan. Foydalanilgan adabiyotlar ro‟yxati 20 ta adabiyotdan iborat.
Olingan natijalarning qisqacha mazmuni (annotatsiyasi). Bu ishda oddiy differensial tenglamalarni Maple va Mathcad matematik paketi yordamida analitik va taqribiy yechish hisob ketma-ketligi keltirilgan. oddiy differensial tenglamalar tadbiqlarining, masalan, mexanik jarayonlar masalalarida qo‟llanilishi ko‟rsatilgan. Nochiziqli differensial tenglamalardan iborat bo‟lgan bir qator amaliy masalalarni sonli yechish masalasi qaraladi. Differensial tenglamalarni yechishning bir qator taqribiy hisob usullar (Eyler usuli, Runge-Kutta usuli va boshqa usullar)dan iborat. Shulardan Runge-Kutta usuli bo‟yicha aniq amaliy masalalar yechilgan, hisob algoritmi va blok-sxemasi tuzilgan, shunga ko‟ra Maple va Mathcad matematik paketida dastur ishlab chiqilgan. Olingan natijalar analitik yechim funksiyasi ko‟rinishida, grafiklarda ifodalanib, tegishli xulosalar chiqarilgan.