Diaqnostik informasiyanın əsas növləri
İstənilən texniki sistemin işini xarakterizə edən informasiyanın böyük hissəsi diaqnostik əhəmiyyətə malikdir. Texniki sistemlərdəki müxtəlif prosesləri xarakterizə edən rejim parametrləri (temperatur, təzyiq, fırlanma surəti və s.), vibrasiyalar, akustik və istilik şüaları və s. həmçinin istifadə olunan materialların, hazır məhsulun keyfiyyət göstəriciləri diaqnostik informasiyaya malikdirlər. Bir çox hallarda tədqiqat obyektinin və onun funksional elementlərinin, məsələn maşın və mexanizmlərin elementlərinin müəyyən optik cihazlarla vizual müşahidəsi mövcud çatların, əyriliklərin, qızmaların və s. aşkar olunmasına imkan verir.
Avtomatik sistemlərin elektrik elementlərinin əsas diaqnostik informasiyasına müxtəlif nöqtələrdəki elektrik siqnallarının qiymətləri, tezliyi, dəyişmə dinamikası və s. aiddir..
Diaqnostika parametrlərinin nəinki baxılan andakı qiymətləri, həmçinin onların zaman üzrə dəyişməsi diaqnostik əhəmiyyətə malikdir.
Dostları ilə paylaş: |
