|
Qanın və sidiyin biokimyəvi təhlili bütün orqanizmin ümumi vəziyyətini xarakterizə edə bilir. Biokimyəvi təhlil orqanizmin qələvi-turşu mühitini və hər bir orqana məxsus spesifik fermentlərini təyin etməyə imkan verir. Orqanizmin bütün orqan və toxumalarında maddələr mübadiləsi qan dövranı vasitəsilə idarə olunur, məhz buna görə orqanizmə daxil olan və orqanizmdə istehsal olunan hər bir maddəni təhlil etmək üçün qanın plazmasından nümunə götürmək mümkündür.
Maddələr mübadiləsi məhsulları orqanizm tərəfindən istehsal olunur. Qanın konsentrasiyasının patoloji aşağı düşməsi orqanizmdə müxtəlif xəstəliklər olduğunu xəbər verir. Zülal konsentrasiyasının azlığı isə onun orqanizmdə sintezinin azalmasını təyin edir. Bu zaman qaraciyərdə hepatit və ya serroz ola bilər. Iltihab prosesləri və şişlər müəyyən olunduqda, mədə-bağırsağın funksiyasının pozulması nəticəsində, tez-tez təkrar olan qanaxmalar (mədə, ciyər və uşaqlıq qanaxmaları) və böyrək xəstəlikləri zamanı sidik vasitəsilə zülal itkisi baş verir. Əslində sidik analizi zamanı zülal deyil, onun cüzi miqdarı müəyyən olunmalıdır. Sidikdə zülalın miqdarının artması uzun sürən fiziki iş gördükdə, soyuqlama zamanı, zülali qidalar qəbul etdikdə baş verir. Sidikdə zülalın patoloji vəziyyətdə təyin olunması böyrəklərin xəstəliyi – pielonefrit, qlomerulonefrit, böyrək çatmamazlığı və. s. həmçinin sidik kisəsinin iltihabi prossesindən (sistit) xəbər verir.
Dostları ilə paylaş: |
