O`simliklarini suvda o`stirish. O`simliklarni mineral tuzlarning yoki ionlarning suvdagi eritmasida o`stirish usulini Rossiyada K.A.Timiryazev keng qo`llagan. Bu mashg`ulot quyidagi tartibda olib boriladi:
Urug`ni undirish usullari. Petri idishiga yoki yuza likopchaga filtr qogoz yozib, ustiga yirik-maydaligi bir xil bo`lgan va zararlanmagan 100-200 dona ivitilgan urug` joylanadi. Usti filtr qog`oz bilan yopiladi va 10-20 ml distillangan suv purkab 25-30°' issiq termostatga qo`yib undiriladi.
Urug’ni vannada undirish. Buing uchun tunukadan vanna yasaladi. So`ngra vannaning yarmigacha vodoprovod suvi yoki tindirilgan ariq suvi quyiladi. Keyin vanna usti oyna bilan yopiladi. Oynaning ustiga 1-2 qavat filtr qog’oz yozib, ustiga saralangan va ivitilgan urug’ joylanadi, usti filtr qog`oz va doka bilan yopiladi. Urug` ustidagi filtr qogoz va dokaning uchlari vannadagi suvga tegib turishi kerak. Urug’lar ustiga yopilgan doka, va filtr qog’oz orqali namlab turiladi.
Maysalarni chin barg yozguncha o`stirish. Hajmi 0.5 l li bankaga suv to`ldirilib, usti parafin shimdirilgan doka bilan yopiladi. Dokaning 10-20 ta joyini teshib, yuqorida ko`rsatilg`an usulda undirilgan urug`lar orasidai ildizi 1-2 sm chamasi o’sgan urug’lar tanlab olinadi nash u teshiklarga momik yordamida maxkamlab joylanadi. Ungan bu urug’lar doka ustida o`sa boshlaydi. Ikki pallali o`simliklar ikkita chin barg, bir pallali o`simliklar esa uchta chin barg -chiqguncha shu xolda o’stiriladi. O`simliklarni suvda o`stirishda quyidagi aralashmalardai biri ishlatiladi (g- xisobida):
