Toshkent arxitektura qurilish instituti

Smeta – shartnoma bo‘limi
smeta hujjatlarini qarab chiqadi va 
muvofiqlashtiradi, uning kelib tushishini nazorat qiladi; pudrat va subpudrat 
shartnomalarini rasmiylashtiradi, ularning bajarilishini nazorat ostiga oladi va 
shartnomada keltirilgan bitimlar bo‘yicha buzilishlarga yo‘l qo‘yilganida 
rahbariyatga ko‘rilishi kerak bo‘lgan chora(sanksiya)larni taqdim etadi; qurilish 
– montaj ishlarini bajarishda buyurtmachi va subpudratchilar bilan amalga 
oshiriluvchi hisob–kitoblarning to‘g‘riligini nazorat qiladi; ishlab chiqarish 
mahsulotlari bo‘yicha ta’minotchilar tomonidan ulgurji narxlarga amal 
qilinishini tekshiradi; trest quyi bo‘linmalar uchun materiallar va xizmatlarning 
rejalashtirilgan – hisoblangan qiymatlarini ishlab chiqadi. 
Moddiy – texnik ta’minot bo‘limi (mahkamasi) 
materiallar, qismlar, 
konstruksiyalar, qurilmalar, qurollar, maxsus kiyim-kechaklar va asbob – 
uskunalar, anjomlarning olinishi, yetkazib berilishi va saqlanishini tashkil qiladi.

---

82 
Hisobxona
xo‘jalik faoliyati hisob-kitoblarini yuritadi, moddiy qimmatga 
ega vositalar va pul mablag‘larining to‘g‘ri sarflanishini olib boradi, nazorat 
qiladi. Bosh hisobchi tashkilotning bosh auditori hisoblanadi. 
Ishlab chiqarish korxonasi bo‘limi
trestda beton va qorishmalar 
tayyorlaydigan qurilmalardan foydalanish, beton va temirbeton konstruksiyalar 
poligonlardan foydalanish, yog‘och materiallar sexlari va ustaxonalari va shu 
kabi boshqa ishlab chiqarishni tashkil qiladi; shuningdek, ular uchun 
rejalashtirilgan ishlarni bajarishga oid vazifalarni ishlab chiqadi, ularning ishlab 
chiqarish – xo‘jalik faoliyatini nazorat qiladi va mahsulotlarni taqsimlaydi.
Maslahatchi – huquqshunos
(huquqshunoslik bo‘limi) huquqiy 
xizmatlar ko‘rsatilishini ta’minlaydi: ya’ni, buyurtmachi, pudratchilar, 
ta’minotchilar va boshqa o‘zaro shartnoma tuzadigan tomonlar o‘rtasida 
shartnoma – bitimlarining tayyorlanishida ishtirok etadi; da’vo arizalarini 
tayyorlaydi, arbitraj va fuqarolik sudlarida o‘z tashkiloti nomidan ishirok etadi; 
barcha huquqiy mazmundagi masalalar bo‘yicha maslahatlar berishni amalga 
oshiradi.