Oziqalanish maydoni deb ipak qurtlari joylashgan va barg eb turgan ya’ni so’rilar o’rnatilgan joyga aytiladi. Qo’shimcha maydon esa qurt boqishda pillakorlar yurishi uchun, ya’ni barg berishda, g’analashda, qurtlarni siyraklashtirishda, harorat va namlikni o’lchashda, pechka va stol o’rnatish kabi zaruriyatlar uchun foydalaniladigan maydonga aytiladi. Qo’shimcha maydonning satxi-kattaligi oziqalanish maydonining 30-35%ga teng bo’ladi.
Umumiy maydon deb oziqalanish va qo’shimcha maydonlarning yilindisiga ya’ni qurtxonada qurt boqish uchun zarur bo’lgan barcha foydalaniladigan maydonga aytiladi.
zbekiston ipakchilik ilmiy tekshirish institutining tavsiyasiga ko’ra nasldor qurtlarni boqishda 1 quti qurt uchun birinchi yoshda –5m2; II-yoshda –10m2;III-yoshda –20m2; IV-yoshda –40m2 va V-yoshda hamda pilla o’rash davrida –70m2 oziqalanish maydoni kerak. Katta yoshdagi qurtlarni me’yorida joylashish zichligiga esa alohida e’tibor berish zarur.
Qurt boqish maydonining kattaligi bir quti yoki bir grammdagi qurtlarning soni, qurtlarning katta kichikligiga hamda har bir yoshlarida o’sish tezligiga bog’liq. 1g eski zotlarda (boldod zotida) tuxumdan chiqqan qurtlarni soni –2000ta, hozirgi oq pillali zotlarda 2200-2700 taga teng bo’ladi. Tut ipak qurtining boqish agrotexnikasi (zbekiston Respublikasi Ipak uyushmasi «Pilla xolding» xolding kompaniyasi tomonidan tasdiqlangan) qoidasiga asosan bir quti nasilli qurtlarga 70m2, sanoatbop qurtlarga 60m2 oziqalanish maydoni bilan ta’minlashi kerak. Qurtlarni yoshlari bo’yicha qancha oziqalanish, qo’shimcha va umumiy maydon bo’lishligi 24-chi jadvalda berilgan.
24-jadval
Dostları ilə paylaş: |
