|
Qurtxonani isitish. Qurtxonada kerakli havo haroratni yaratish uchun isitish va shamollatish manbalari bilan ta’minlash kerak. Isitish manbalari quyidagi talablarga: 1. Issiq qurtxonaning hamma joyiga bir xilda tarqalishi; 2. Haroratni tezda ko’tarilishi; 3. Haroratni uzoq muddatda saqlay olishi; 4. Yoqilg’ini tejamkorlik bilan sarflanishini ta’minlash kerak.
Qurtxonalarda tunika pechkalardan foydalanish tavsiya etilmaydi, chunki ular tezda juda yuqori harorat berib, havoni quritadi va tezda soviydi. Natijada qurtxonada harorat keskin o’zgarib turadi.
Mahsus kapital qurtxonalarda haroratni doimiy saqlash uchun pishiq yoki xom g’ishtlardan qurilgan mahsus pechkalardan foydalaniladi. Pechkaning korpusi tik vertikal xolatda qo’yilgan bo’lib, tirsak mo’rili eshikchasi va shamollatgichi germetik yopiladigan o’t yoqish teshigi xonaning tashqarisida bo’ladi. Bunday pechlarni qurish uchun 300-500 dona /pechning kattaligiga qarab/ pishiq g’isht yetarli. 200 metr kubga yaqin xonani 250 issiqlik bilan ta’min eta oladi.
Bundan tashqari inkubatoriyalarni isitish uchun mo’ljallangan pechkalardan foydalanish mumkin. Bular ham g’ishtdan yasalgan bo’lib, balandligi 160 sm, uzunligi 125 sm, eni 50 sm, tutun chiqaradigan yo’li mo’risi tirsakli /burilishli/ qilib o’rnatilgan. Gaz, suvli isitgichlar, elektroenergiya v.b. isitgich manbalari bo’lgan qishloq joylarda, qurtxonalarni isitish uchun isitgich sistemalariga shu turdagi energiyalardan foydalanish mumkin.
Dostları ilə paylaş: |
