Toshkent farmatsevtika instituti ijtimoiy fanlar kafedrasi dinshunoslik fanidan

Fanni o‘qitishdan maqsad va vazifalari.
Dinshunoslik fanini o‘qitishdan maqsad, talabalarga dinning kelib chiqishi, evolyusiyasi, hozirgi xolati, insoniyat hayotida tutgan o‘rni xaqida umumiy ilmiy tushunchalar berishdan iborat.
O‘zbekiston Respublikasi Prezidenti I.A. Karimovning o‘zbek halqining ma’naviy merosi, dini, shu jumladan islom qadriyatlari, milliy g‘oya, milliy mafkura haqida bildirgan fikr va xulosalari, ta’rif va tavsiflari dinshunoslik fanini o‘qitishda dasturulamal, nazariy asos bo‘lishi talab etiladi. Talabalardan O‘zbekiston Konstitutsiyasi, “Vijdon erkinligi va diniy tashkilotlar to‘g‘risida”gi yangi tahrirdagi Qonun va boshqa qonuniy xujjatlarda diniy masala yuzasidan belgilangan inson xuquqlari, turli diniy jamoa huquqlari va majburiyatlarini bilish talab etiladi. O‘zbek halqining ilg‘or madaniy va ma’naviy merosini tiklash va yangi sharoitda yanada rivojlantirish O‘zbekiston Respublikasi mustaqilligining sharofati ekanligi, ayni vaqtda bu hududdagi ilk zamondan hozirgacha mavjud bo‘lgan dinlar tarixi, diniy tajriba tadjiriy taraqqiyotini o‘rganish talabalarda Vatan tarixini chuqurroq tushunib etish, uni sevish va faxrlanish his-tuyg‘ularini shakllantirishga xizmat qilishi lozimligini bilishi kerak.
Fanni o‘kitishdan maksad – talabalarga milliy va diniy qadriyatlarni tarixan mushtarakligi, ularning umuminsoniy qadriyatlar bilan uyg‘unligi, bu qadriyatlarni 'xozirgi mustakil O‘zbekiston sharoitidagi ahamiyatini yanada aniqroq yoritib berib, ularda dinga nisbatan to‘g‘ri dunyoqarashni shkllantirish va jamiyat uchun yuksak ma’naviyatli kadrlarni tarbiyalashdan iborat.
Fanning vazifasi – talabalarni turli dinlarning kelib chiqishi, shakllanish tarixi, ta’limoti, asosiy manbalari, xozirgi davrdagi xolati, malum xalq xayogida tutgan o‘rni xaqida umumiy ilmiy tushunchalar berib, turli din vakillarini xar tomonlama chuqurroq tushunib etish va ular bilan muloqot kilishda o‘zlarining buyuk ma’naviyat egasi ekanliklarini namoyon kilishlari uchun etarli bilim berish, shuningdek, ajdodlar merosini o‘rganish va o‘rgatish asosida yosh avlodni vatanparvarlik ruxida tarbiyalash, ularni o‘zlikni anglashini shakllantirishdan iborat.