5. FANLAR VA FAN ICHIDAGI BOG`LIQLIK Quyidagi mavzuni o`qitish talabalarning normal anatomiya, gistologiya,
normal fiziologiya va biofizika, ximiya, fizika fanlari bo`yicha olgan bilimlariga
asoslanadi. Mashg`ulot davomida olgan bilimlarini ichki kasalliklar, umumiy jar-
roxlik, terapevtik stomatologiya, xirurgik stomatologiya, LOR kasalliklarida va
boshqa klinik yo`nalishlardagi kafedralarida tish qatorlarida kelib chiqadigan
o`zgarishlarni davolash kerak bo`ladi.
6. MASHG`ULOTNING MAZMUNI 6.1. NAZARIY QISM SUN’IY TISHLARNI TANLASH VA TERISHNING KLINIK ME’ZONLARI Tish qatorlarining nuqsonlarida yo`qotilgan tishlarni, olib qo`yiluvchi
plastinkasimon protezlarga sun’iy tishlar o`rnatib, nuqson tiklanadi. Sun’iy tishlar
plastmassadan, chinnidan, metalldan tayyorlanishi mumkin. Asosan plastmassali
tishlar qo`llaniladi. Sun’iy tishlarni tanlashda asosi qolgan tishlarning shakliga,
rangiga, yuz shakliga, teri rangiga, jinsiga, sochiga va ko`zning rangiga ahamiyat
beriladi.
Sun’iy tishlarni terish ma’lum qoidalarga asoslangan holda olib borilishi
kerak. Hamma tishlar (yuqori frontal tishlardan tashqari) alveolyar o`siqning
o`rtasiga moslangan holda terilishi zarur. YUqorigi frontal tishlar esa alveolyar
o`sig`ining cho`qqisiga nisbatan olinganda, tishlarning 2/3 qismi vestibulyar
tomonga, 1/3 qismi esa tanglay tomonga surilgan bo`lishi kerak. Tishlarning bun-
day holatidagi joylashuvi chaynov bosimining to`g`ri taqsimlanishiga va protez-
ning o`z joyidan noto`g`ri harakatlanishiga olib kelmaydi.
Bemorning yuqori jag` frontal tishlari bo`lmagan holda vrach markaziy
okklyuziya holatini aniqlagan vaqtida: qoziq tishlar orasidagi masofa bo`yicha
tishlarni joylashuvini aniqlaydi. Qo`lgi chizig`i va okklyuzion bolishchalar
o`rtasidagi masofaga qarab tishlarni balandligi aniqlanadi.
