Toshkent yangiyul poligraph service

Qurilish ishlarida ishlatiladigan gips tabiiy gipsni (CaS0₄2H₂0) 140-190°C haroratda kuydirib olinadi. Olingan gidrat (CaS0₄ • 0,5H₂0) maydalanib qurilish ishlarida foydaniladi. Masalan, qurilish panellari haykaltaroshlik buyumlari, keramik buyumlarning qoliplarini tayyorlashda, tibbiyotda singan-chiqqanlami gipslashda, tish plombasida, ohak va qum aralashmasi esa andovalash ishlarida ishlatiladi. Gipsning qotish jarayoni 0,5 mol suvli (yarim gidratli) gipsning suvda erib 2 mol suvli, suvda erimaydigan gipsga aylanishiga asoslangan. Gips loyi tez (5—15 daqiqada) qotadi, uni qotishini sekinlashtirish uchun, unga ohak, elim, organik materiallar (masalan, spirtli barda) qo'shiladi. Yuqori haroratli kuydiriluvchi gips 900—1100°C da kuydirib olinadi.
2CaS0₄ -» 2Ca0+2S0₂+0₂
Uning tarkibi (CaO)n (CaS0₄)m formulaga mos keladi, chunki CaS0₄ning bir qismi pachalanib qoladi. Bunday gips asosan sun’iy marmar toshlar olishda, uning pollarini tayyorlashda va boshqa qurilish materiallari tayyorlashda ishlatiladi. Uning qotishi asosan CaOning gidratlanishi va qisman CaS0₄ning gidratlanishi hisobiga boradi.
Magnezial bog‘lovchi moddalar ham ishlab chiqariladi. Ular magnezitni yoki dolomitni shaxtali yoki aylanib kuydirish pechlarida 750—850°C haroratda kuydirib olinadi. Dolomit tarkibidagi CaC0₃ bunday haroratda parchalanmaydi. Kuydirilgan mahsulot sharli maydalagichlarda maydalanadi.