Tourism and recreation in the XXI century: problems and prospects

 
 
TOURISM AND RECREATION IN THE XXI CENTURY: PROBLEMS AND PROSPECTS
3-4 May 2019
245
Baku, Azerbaijan

---

AZƏRBAYCANIN MACHU PICCHUSU ADLANDIRILAN 
ƏLİNCƏQALAYA SƏYAHƏT EDƏN ƏCNƏBİ TURİSTLƏR
ÜÇÜN CAZİBƏ ELEMENTLƏRİ 
 
Əli CABBAROV, i.f.d. dos. 
“Naxçıvan” Universiteti 
[e-mail]
 
 
Günel İSAYEVA 
Naxçıvan Dövlət Universiteti 
[e-mail] 
XÜLASƏ 
Bu məqalədə Naxçıvan Muxtar Respublikasına səyahət edən turistlər tərəfindən Azərbaycanın 
Machu Picchusu adlandırılan Əlincə qalasının cazibə elementləri araşdırılmışdır. Perudakı Machu 
Picchu qala şəhəri ilə müqayisədə Əlincəqalanın daha fərqli turizm cazibəsinin öyrənilməsi 
mədəniyyətlərarası dialoq və turların təşkili baxımından faydalıdır.
Açar sözlər: Naxçıvan Muxtar Respublikası; Əlincə qala, Machu Picchu; turizm cazibəsi; zirvə 
turizmi; fotoovçuluq 
THE ATTRACTION ELEMENTS FOR FOREIGN TOURISTS VISITING ALINJA
CASTLE NAMED THE MACHU PICCHU OF AZERBAIJAN 
SUMMARY
In this article was researched the attraction elements of Alinja Castle named the Machu Picchu of 
Azerbaijan by tourists visiting Nakhchivan Autonomous Republic. The studying of more attarctivenes 
of Alinja Castle than Machu Picchu fortress city in Pery is considered useful for the point of view 
intercultural dialogue and organizational issues as well. 
 
 Key words; Nakhchivan Autonomous Republic; Alinja Castle, Machu Picchu; tourism 
attarctivenes; rooftop tourism; photohunting 
 
Qədim Azərbaycan torpağı Naxçıvan özünün təbii və tarixi zənginlikləri ilə güclü turizm potensialına 
malikdir. Burada turistlərə təklif olunan turlar onlarda uzunmüddətə unudulmaz təəssüratlar yaratmaqla 
bərabər həm də regionun turizm-rekreasyia potensialının daha dərindən öyrənilməsi üçün təcrübə 
formalaşdırır. Xüsusən, əcnəbi turistlərin Naxçıvana səyahətləri zamanı onların burada görüb-tanıdıdığı 
yerlər və ya turizm ehtiyatları barədə fiikrləri bəlkə də yalnız turistlərin gözü ilə görüləbiləck səviyyədə 
maraq doğurur.
Hər bir turistin səyahət səbəbləri arasında şübhəsiz onun səfər edəcəyi məkanın cazibə elementlərinin 
yaratdığı motivlər ən əsas faktorlardandır. Bu mənada Naxçıvan Muxtar Respublikasına səyahət edən 
turistlərin, xüsusən əcnəbi turistlərin motivləri ilə tanış olduqda olduqca maraqlı məqamları görmək olar ki, 
bunların təhlili də turizm fəaliyyəti təşkilatçıları və eləcə də ümumən turizmin inkişafı məsələləri 
baxımından əhəmiyyətlidir.
Müasir turistlərin səyahət motivlərinin düzgün başa düşülməsi turların təşkili və turizmin daha kutləvi 
hala gətirilməsi baxımından əhəmiyyətlidir. Turizmin inkişaf tarixi və turistlərlə aparılan iş zamanı əldə 
olunan təcrübə göstərir ki, cəmiyyət həyatının digər sahələrində olduğu kimi turizmdə də modası keçmiş 
olan servislərin yenilənməsi bu sahənin uğurunun əsasında dayanır. Şübhəsiz, planet üzrə aktiv səyahət 
edən 1,3 milyard nəfər turistin [1] artan tələbatlarına uyğunlaşmaq üçün müasr turizm biznesi də müvafiq 
yenilənmədən keçməli, səyahətlərin təşkili üçün yeni cazibə elementləri tapılmalıdır. Bu prinsip isə ÜTT-
nun tövsiyələrinə [2] görə çox qiymətlidir. Əlincəqala və onun ətrafındakı turizm-rekreasiya cazibədarlığı 
da bu baxımdan turistlər üçün çox maraqlıdır.
Naxçıvan şəhərindən şimal-şərq istiqamətində 30 kilometr məsafədə yerləşən Əlincəqala əcnəbi 
turistlərin birgünlük ekskursiyası üçün çox əlverişlidir. Belə ki, Naxçıvan-Əlincə turizm marşrutu üzrə 
səyahətin əsas motivləri turistlərin Naxçıvana gəlişindən xeyli əvvəl formalaşır. Turlar zamanı apardığımız 
müşahidələrə əsasən deyə bilərik ki, alman, ingilis, yaxıd pribaltikalı turistlər kimi yaşadıqları yerdə sərt 
qayalıqlı yerlərin çox az olduğu insanların Perudakı qədim İnk mədəniyyətinin çox nadir nümunəsi olan 
Machu Picchu ilə müqayisədə Əlincə qala haqqındakı fikirləri bu baxımdan mühüm rol oynayır. Çünki