Jahonning ko‘zga ko‘ringan yozuvchilari tomonidan ishlatilgan turkiy so‘zlar miqdori 1. Alisher Navoiy 26035 ta 6. Migel de Servantes 18000 dan ortiq 2. Aleksandr Pushkin 21193 ta 7. Abdurahmon Jomiy 17600 ta 3. Vilyam Shekspir 20000 dan ortiq 8. Abdulla To`qay 14000 dan ortiq
3-MAVZU. O`ZBEK TILI – DAVLAT TILI 1988-yildan boshlab o‘zbek ziyolilari matbuotda o‘zlarining qator maqolalari bilan tilimiz haq-huquqini
tiklash, uni davlat tiliga aylantirish muammosini ko‘tarib chiqdilar. Bu masalaga bag‘ishlangan bir qancha
anjumanlar bo‘lib o‘tdi. Nihoyat,
1989-yilning 19-oktabr kuni bu o‘ta muhim masala Oliy Kengash sessiyasi
muhokamasiga qo‘yildi.
1989-yilning 21-oktabr ida o‘zbek tili O‘zbekistonning Davlat tili sifatida rasman e’lon qilindi. Buning
natijasida o‘zbek tili respublikamizda o‘tkaziladigan oliy darajadagi davlat anjumanlarida ham
qo‘llaniladigan, davlatning rasmiy hujjatlari yuritiladigan, rivojlanish istiqboli qonun bilan belgilangan
tilga aylandi. Ana shu nuqtayi nazardan bu qonunning tarixiy ahamiyati kattadir.
«Davlat tili haqida»gi Qonun qabul qilingandan ikki yil vaqt o‘tgach, respublikamiz hayotida katta
o‘zgarish ro‘y berdi. Ajdodlarimizning asriy orzusi ro‘yobga chiqdi. Mustaqillik qo‘lga kiritildi.
Dunyoning bir yuz yigirmadan ortiq davlati mustaqil respublikamizni rasman e’tirof etdi va u bilan diplomatik
munosabatlar o‘rnatdi. O‘zbekiston Birlashgan Millatlar Tashkilotiga qabul qilindi. Qisqa muddat ichida
respublikamizning jahon hamjamiyati o‘rtasidagi obro‘-e’tibori oshdi. O‘zbek degan millat va uning milliy
tili jahon jamoatchiligining diqqatini tortdi.
Ana shunday sharoitda mustaqillik qo‘lga kiritilgunga qadar qabul qilingan «Davlat tili haqida»gi
Qonunning ko‘p moddalari o‘z kuchini yo‘qotdi yoki tahrirtalab bo‘lib qoldi. Shuning uchun ham amaldagi
Qonunni isloh qilish ehtiyoji paydo bo‘ldi. Natijada
