U. A. Nurmanov toshkent 2016
|
|
1-rasm. Daromadlarni hisobga olish tizimi Qurilish tashkilotlarining foydasiga soliq solish xuddi boshqa tadbirkorlik sub’ektlaridagidek amalga oshiriladi - ya’ni jami daromad va chegiriladigan xarajatlar aniqlanadi. Bunda ta’kidlash lozimki, Soliq kodeksining 130-moddasiga ko‘ra, qurilish, qurilish-montaj, ta’mirlash-qurilish ishlari (xizmatlar)i bo‘yicha, shuningdek ob’ektlarni foydalanishga tayyor qilib qurish chog‘ida shartnomaviy baholardan kelib chiqib haq to‘lash uchun hisob-kitob hujjatlari taqdim etilgan, buyurtmachilar tomonidan bajarilgan (ko‘rsatilgan) va tasdiqlangan ishlarning (xizmatlarning) qo‘shilgan qiymat solig‘i kiritilmagan qiymati tovarlar (ishlar, xizmatlar) realizatsiyasidan olingan daromadga qo‘shiladi. Bunda uzoq muddatli kontraktlarni bajarishdan olingan daromadlar hisobot davri mobaynida ularni amalda bosqichma-bosqich bajarish qismida hisobga olinadi. Buxgalteriya hisobida hisobga olinadigan daromadlar Buxgalteriya hisobida tan olinmaydigan daromadlar Buxgalteriya hisobida aks ettiriladigan, lekin soliqqa tortishda tan olinmaydigan daromadlar Soliq hisobida hisobga olinadigan daromadlar Sotishdan tushgan daromad Sotishdan tashqari daromadlar Faoliyat turi bo‘yicha daromadlar Sotishdan tashqari daromadlar turi 44 Uzoq muddatli kontraktning amalda bajarilishi hisobot davri oxirida kontraktni bajarish boshlanganidan beri qilingan xarajatlarning kontraktni bajarish xarajatlarining umumiy summasidagi salmog‘i hisob-kitobi asosida aniqlanadi. Hisobot davri oxiridagi daromad xarajatlarning hisoblangan salmog‘i va kontrakt bo‘yicha daromad umumiy summasining (kontrakt bahosi) ko‘paytmasi sifatida aniqlanadi. Mazkur kontrakt bo‘yicha ilgari hisobga olingan daromadlar joriy hisobot davri uchun tovarlar (ishlar, xizmatlar) realizatsiyasidan olingan daromadni aniqlash chog‘ida chegiriladi. MISOL. Qurilish kompaniyasi 4 qavatli ma’muriy korpusni foydalanishga tayyor qilib topshirish shartlarida quryapti. Qurilish muddati - 24 oy. Qurilish boshlanishi - 2010 yil 1 yanvar. Kontraktning amalda bajarilishi ma’lumotnoma-hisobvaraq-faktura asosida aniqlanadi (mazkur ma’lumotnomadan faqat qurilishda foydalaniladi). Uni, mulkchilik shakli va MOLIYAlash manbalaridan qat’i nazar, qurilish tashkilotlari rasmiylashtiradilar. Ma’lumotnoma-hisobvaraq-faktura qurilish tashkiloti tomonidan ishlar hajmlarini tasdiqlash uchun buyurtmachiga topshiriladi. Buyurtmachi tomonidan tasdiqlangan ishlar hajmi qilingan xarajatlarni aniqlash asosi bo‘lib hisoblanadi. Qilingan xarajatlar summasi 1 yanvardan 1 iyulgacha 52 mln so‘mni, loyihaning smeta qiymati 450 mln so‘mni tashkil qildi. Tuzilgan kontraktning bahosi - QQSni hisobga olmasdan 480 mln so‘m. Qilingan xarajatlarning salmog‘i 11,6%ni (52/450 x 100) tashkil etadi va, tegishincha, 2010 yilning birinchi yarmi uchun realizatsiya qilishdan daromad 55,7 mln so‘mga (480 x 11,6%) teng. Boshqa davrlar uchun ham daromadlar xuddi shunday qilib aniqlanadi. Soliq kodeksida nazarda tutilishicha, bittadan ortiq soliq davridagi daromadlarni aniqlash chog‘ida ilgari daromadga kiritilgan summa hisobot soliq davrida kiritilmaydi. Ya’ni 2010 yilda kiritilgan daromad 2011 yil daromadi summasidan chegiriladi. Ko‘rsatilgan moddaning imtiyoz tovarlar (ishlar, xizmatlar) ishlab chiqarishni amalga oshirayotgan soliq to‘lovchilar tomonidan qo‘llanadi degan qoidasini e’tiborga olib, uning amal qilishi qurilish tashkilotlariga ham tatbiq etiladi. Masalan, qurilish tashkiloti kran xarid qilgan. Ushbu kranni xarid qilishga yo‘naltirilgan mablag‘lar summasiga, hisobot soliq davrida hisoblab yozilgan amortizatsiyani chegirgan holda, korxona soliq solinadigan bazani kamaytirishga, biroq soliq solinadigan bazaning 30 foizidan ko‘p bo‘lmagan hajmda, haqlidir. Bunda belgilanishicha, agar, shartnomaga ko‘ra, ushbu ishlarni materiallar bilan ta’minlash majburiyati buyurtmachining zimmasida bo‘lsa va uning ushbu materiallarga mulk huquqi saqlansa, bajarilgan ishlar, xizmatlar qiymatiga materiallar qiymati kiritilmaydi. 2010 yil 1 yanvargacha soliq solinadigan bazaga buyurtmachidan qurilish tashkilotiga beriladigan tovar-moddiy boyliklarning qiymati, qo‘shilgan qiymat solig‘ini hisoblab yozgan holda, kiritilgan, ushbu boyliklar soliq solish maqsadida realizatsiya qilingan deb hisoblangan. Yagona soliq to‘lovini to‘lovchi qurilish tashkilotlari o‘z kuchlari bilan bajarilgan, ular uchun tovarlar (ishlar, xizmatlar)ni realizatsiya qilishdan olingan tushum hisoblangan ishlar hajmini belgilashlari kerak. O‘z kuchlari bilan bajarilgan ishlar deganda buyurtmachiga taqdim etilgan, yordamchi pudrat tashkilotlarining xizmatlariga haq to‘lash xarajatlarini chegirgan holda, ishlar hajmini tushunish lozim. 45 Soliq kodeksining 355-moddasiga kiritilgan qo‘shimchada nazarda tutilishicha, agar yuqorida qayd etilgan ishlarni materiallar bilan ta’minlash majburiyati shartnomaga binoan buyurtmachining zimmasida bo‘lsa, ushbu materiallarga bo‘lgan mulk huquqi buyurtmachining o‘zida saqlanib qolgan taqdirda, o‘z kuchlari bilan bajarilgan ishlarni realizatsiya qilishdan olinadigan tushum bajarilgan hamda tasdiqlangan ishlarning buyurtmachi materiallarining qiymati kiritilmagan holdagi qiymati sifatida belgilanadi. Soliq kodeksining 155-moddasiga ko‘ra, O‘zbekiston Respublikasi norezidentining doimiy muassasa bilan bog‘liq bo‘lmagan daromadlariga mazkur daromadlarni olish bilan bog‘liq xarajatlar chegirib tashlanmagan holda to‘lov manbaida soliq solinadi. Norezidentlarning to‘lov manbaida soliq solinadigan daromadlariga, xususan, quyidagilar kiradi: dengiz, daryo va havo kemalaridan, temir yo‘l yoki avtomobil transporti vositalaridan xalqaro tashishlarda foydalanishdan olinadigan daromadlar. Ularga transport vositalaridan to‘g‘ridan-to‘g‘ri foydalanishdan, ularni ijaraga berishdan yoki har qanday boshqa shakllarda foydalanishdan, shu jumladan konteynerlardan, konteynerlarni tashish uchun treylerlar va qo‘shimcha uskunalardan foydalanish, ularni saqlash yoki ijaraga berishdan olinadigan daromadlar (fraxtdan olinadigan daromadlar) kiradi. Ayrim hollarda fraxt (shartnoma shartlaridan kelib chiqib) yukni ortish, qayta yuklash, tushirish va joylashtirish uchun to‘lovlarni ham o‘z ichiga oladi. Bunda, agar jo‘natish punkti yoki tayinlangan punkt O‘zbekiston Respublikasidan tashqarida joylashgan bo‘lsa, tashish xalqaro miqyosda tashish hisoblanadi; xalqaro tashishlarda va O‘zbekiston Respublikasining ichidagi tashishlarda transport-ekspeditorlik xizmatlari ko‘rsatishdan olingan daromadlar. Bunda yuk jo‘natuvchidan (yukni qabul qilib oluvchidan) olingan summa bilan yuk tashuvchiga to‘lanishi kerak bo‘lgan, yuk tashuvchining tegishli birlamchi hujjatlari bilan tasdiqlangan summa o‘rtasidagi farq sifatida hisoblangan haq summasiga soliq solinadi. Bunday hujjatlar bo‘lmagan taqdirda O‘zbekiston Respublikasi norezidentiga norezidentning SK 155-moddasining 9-bandida ko‘rsatilgan fraxtdan olinadigan daromadlariga soliq solish uchun belgilangan stavkalar bo‘yicha to‘langan umumiy summaga soliq solinadi. Soliq kodeksining 160-moddasiga ko‘ra O‘zbekiston norezidentining doimiy muassasa bilan bog‘liq bo‘lmagan va to‘lov manbaida soliq solinadigan daromadlariga quyidagi stavkalar bo‘yicha soliq solinadi: 1) dividendlar va foizlarga - 10 foiz; 2) sug‘urta qilish, birgalikda sug‘urta qilish va qayta sug‘urta qilish shartnomalari bo‘yicha sug‘urta mukofotlariga - 10 foiz; 3) xalqaro aloqa uchun telekommunikatsiyalar, xalqaro tashishlarga (fraxtdan olinadigan daromadlarga) - 6 foiz; 4) Soliq kodeksining 155-moddasida belgilangan daromadlarga, bundan Soliq kodeksi 160-moddasining 1-3-bandlarida ko‘rsatilgan daromadlar mustasno - 20 foiz. Shu tariqa transport-ekspeditorlik kompaniyasi tomonidan daromad summasi (yuk jo‘natuvchidan (yuk oluvchidan) olingan summa bilan yuk tashuvchiga to‘lanadigan, tegishli birlamchi hujjatlar bilan tasdiqlangan summa o‘rtasidagi farq sifatida hisoblab chiqarilgan haq) tasdiqlanganda uning daromadiga 20 foizlik stavka bo‘yicha soliq solinadi. Yuk tashuvchining tegishli birlamchi hujjatlari mavjud bo‘lmaganda norezidentga to‘langan, fraxtdan olingan daromadning butun summasiga 6 foizlik stavka bo‘yicha soliq solinadi. 46 Soliq kodeksining 165-moddasiga ko‘ra O‘zbekiston Respublikasi norezidentlariga daromadlar to‘lash paytida yuridik shaxslar foyda solig‘ini to‘lov manbaida ushlab qolishlari shart. Uning summasi norezidentga daromad to‘lash sanasida Markaziy bank tomonidan belgilangan kurs bo‘yicha hisoblab chiqariladi. Norezidentga daromad to‘lash manbai soliq organiga to‘lov amalga oshirilgan hisobot davri tugaganidan keyin 25 kundan kechiktirmay foyda solig‘i hisob-kitobini, soliq davri tugaganidan keyin esa 30 kun mobaynida daromad oluvchi shaxslar STIRi, nomi, daromad summasi va soliq davrida ushlangan foyda solig‘i summasini ko‘rsatgan holda belgilangan shakldagi ma’lumotnomani ham taqdim etishi shart. Korxona rahbari tasdiqlangan me’yorlarga qo‘shimcha to‘lov belgilab, uni buyruq Yüklə Dostları ilə paylaş:
|