U. P. Shukurova, M. R. Sobirova, N. X. Muxamedova
Yüklə 1,68 Mb. Pdf görüntüsü
|
|
Tashxislash
TORCH infeksiyasi qonda toksoplazmoz, qizilcha, sitome- galovirus va gerpes qo‘zg‘atuvchilariga nisbatan IgM, IgG sinfi antitanalari borligi tekshirish orqali tashxislanadi. Bunda patogenlarga nisbatan hosil bo‘lgan antitanalar kontsentratsiyasi aniqlanadi. Agar antitanalar mavjud bo‘lsa, bu bemor kasal ekanligini anglatmaydi. Bu ko‘rsatkich uning bir paytlar ushbu infeksiya bilan kasallanganligi va hozirda unga qarshi immuniteti borligini anglatishi mumkin. Ammo, agar ma’lum bir infeksiyaga qarshi antitanalar soni juda ko‘p bo‘lsa yoki vaqt o‘tishi bilan ko‘payib borsa, bu infektsion jarayonning faolligini ko‘rsatadi. Bundan tashqari, klinik jihatdan kasallik o‘zini namoyon qilmasligi yoki xira, aniq bo‘lmagan shaklida namoyon bo‘lishi ham mumkin. Kasallikning tashqi ko‘rinishining jiddiyligi uning homilaga xavfli ta’siri bilan bog‘liq emas. Kasallikning aniq namoyon bo‘lishida homila sog‘lom bo‘lib qolishi va klinik ko‘rinish kuzatilmagan taqdirda – homila jiddiy shikastlanishi yoki shikastlanmasligi mumkin. Qonda IgM antitanalari infeksiyalanishdan 2–4 hafta o‘tgach paydo bo‘ladi va 3–9 oydan keyin yo‘qoladi. 3–4 haftaga kelib 77 IgG antitanalari paydo bo‘ladi, ularning konsentratsiyasi asta- sekin ko‘tarilib, infeksiyadan 2–5 oy o‘tgach, cho‘qqiga chiqadi. IgG antitanalari qonda uzoq vaqt saqlanib turadi, ba’zan esa butun hayot davomida. Agar homiladorlikni rejalashtirgan ayolda, shuningdek, 12 haftalikkacha qadar bo‘lgan homilador ayollarda IgM antitanalariga salbiy va IgG antitanalariga ijobiy natija aniqlansa, bu infeksiyaga qarshi immunitet mavjudligidan dalolat berishi mumkin. Agar, aksincha, IgM antitanalariga tahlil ijobiy natija, IgG antitanalariga esa ijobiy/manfiy natija aniqlanadigan bo‘lsa, hozirda o‘tkir jarayon borayotganini taxmin qilish mumkin. Bunday holda, IgG sinfidagi antitanalarning avidlik testi o‘tkaziladi, bu kasallikning davomiyligini aniqlashga yordam beradi, bu homiladorlikning 12 haftasiga qadar ehtimoliy infeksiyada muhimdir: • Past avidlik (33% dan kam) birlamchi infeksiyalanish 3 oy oldin sodir bo‘lganligi ehtimolini anglatadi. • O‘rtacha avidlik ko‘rsatkichi (33–66%) infeksiyalanish yaqinda sodir bo‘lganini istisno etmaydi, ammo yetuk IgG antitanalari to‘liq shakllanmay qolgan infeksiyalanishga dalolat berishi ham mumkin. • Yuqori avidlik (66% dan yuqori) tadqiqotdan birlamchi infeksiya sodir bo‘lganligiga 3 oydan oshganligi, bemorda esa ishonchli immunitet mavjudligini bildiradi. Homiladorlikning 12-haftasidadn keyingi muddatlarda homilador ayolda IgM antitanalariga salbiy va IgG antitanalariga ijobiy ko‘rsatkich aniqlansa, bu holda ham IgG avidligi uchun qon tahlili zarur bo‘ladi. Chunki tahlil IgG sinf antitanalari qaysi vaqt rivojlanganligini ko‘rsatib bera olmaydi, o‘tkir infeksiya esa homiladorlikning erta bosqichlariga to‘g‘ri kelgan bo‘lishi ehtimoli mavjud. Yüklə 1,68 Mb. Dostları ilə paylaş:
|