Udk: 331. 561/. 57 Usmanov bexzod rustam o’G’li ishsizlikning ijtimoiy-iqtisodiy oqibatlari va uni bartaraf etish yo’llari
Bozor tizimi sharoitida ishsizlikning ijtimoiy-iqtisodiy oqibatlarini
Yüklə 0,72 Mb. Pdf görüntüsü
|
|
1.2. Bozor tizimi sharoitida ishsizlikning ijtimoiy-iqtisodiy oqibatlarini
barataraf etish mexanizmi Ishsizlik darajasining tabiiy miqdori qancha bo’lishi mumkin, degan masala ustida iqtisodchi olimlar juda ko’p fikrlar bildiradilar, lekin biror mamlakatda uning aniq miqdori belgilangan emas. Masalan, AQShda ishsizlar sonining tabiiy darajasi 1960 yillarda 4-6% ga ko’tarildi 7 . Inflyatsiya darajasi yuqori bo’lgan davrdagi ishsizlik darajasi tabiiy me’yoriy holat deb ifodalanib, ishlab chiqarishning potentsial imkoniyati bilan bog’liqlikda bo’ladi. Agar bandlik yuqori bo’lib, ishlab chiqarishda ham ko’p bo’lsa, spiralsimon inflyatsiya yuzaga keladi. Ishsizlik darajasi doimo noldan yuqori bo’ladi, chunki ixtiyoriy va tarkibiy ishsizlik u yoki bu ko’rinishda mavjud bo’ladi. Lekin ishsizlikning tabiiy darajasi inflyatsiyaning kuchayishini to’xtatib turadi. Iqtisodiyot sohasidagi taniqli tadqiqotchi A.Ouken ishsizlik darajasi va YaIM hajmining orqada qolishi o’rtasidagi nisbatini matematik ifodalab beradi. Bu nisbat iqtisodchilar orasida Ouken qonuni sifatida tanilgan bo’lib, agar 7 Genkin B.M. Ekonomika i sotsiologiya truda: Uchebnik dlya vuzov. – 4–e izd., dop. – M: NORMA, 2009. – 294 s 17 ishsizlikning haqiqiy darajasi uning tabiiy darajasidan bir foizga ortiq bo’lsa, YaIM hajmining orqada qolishi 2,5% ni tashkil qilishini ko’rsatadi 8 . Ishchi kuchi resurslarini ish bilan bandligi tarkibi shakllanishida ilmiy- texnik taraqqiyotning o’rni ham katta. Ishchi kuchini samarali ravishda ish bilan ta’minlash tizimini rivojlanishi zamirida ishlab chiqarishining o’sishi va har bir band odamning samarali ishlashining o’sishi yotadi. Biroq, ishchilarning tajriba va mahorat darajasini oshirmay turib mehnat unumdorligini oshirib bo’lmaydi. Milliy iqtisodiyotdagi mahoratli ishchilarning qanchalik ko’p bo’lishi, shunchalik mehnat unumdorligini va turli xizmat va mahsulotlarning ko’p bo’lishini anglatadi. Iqtisodiyotning rivojlanishini aniqlovchi asosiy omil bugungi kunda ishchi kuchining sifatidir. Ishsizlik, mehnat munosabatlari, ularni davlat tomonidan tartibga solish, oldini olish muammolarini o’rganishning tarixiy ildizlari XVIII asrga borib taqaladi. Ishsizlik va uni davlat tomonidan tartibga solish masalasini birinchi bo’lib 1894 yilda AQShning Ogayo shtatidagi tadbirkor Djekob Koksi ko’tarib, davlat tomonidan bandlikni qo’llab-quvvatlovchi dasturlarni qo’llashni taklif qildi. Uning rejasida davlat ishsizlarni himoya qilishi va ma’lum miqdorda nafaqa berishi kerak edi. Lekin uning fikri AQSh Kongressi tomonidan qo’llab-quvvatlanmadi. Fikri ma’qullanmagan Koksi 1894 yil 25 martda tarixda birinchi marta ishsizlardan iborat “Koksi Armiyasi”ni tuzadi va Vashingtonga yo’l oladi. Lekin bu harakat davlat tomonidan bostiriladi. Faqatgina, 1930 yillarga kelib buyuk inqirozdan keyingina davlat bu masalaga jiddiy qaraydi va ishsizlikka qarshi, bandlikni qo’llab quvvatlovchi dasturlar ishlab chiqadi. Chunki, ishsizlik darajasi shu yillari 15 foizdan ham oshib ketgan edi. 2009- 2010 yillarga kelib AQShda ishsizlik darajasi 5,0 foizni tashkil etdi, ish izlash muddati qisqardi. Bu mamlakatda kishilar ish o’rinlarini yo’qotsa, o’zlari faol ish qidirishga harakat qiladilar. Amerikaning har bir shtatida ishchi kuchi bandligi va ishsizlarga yordam bo’yicha o’zining Qonunlari amal qiladi.Ular ishsizlik nafaqalarini Federal va shtat fondlaridan to’laydilar. 8 Shodmonov Sh., G’ofurov U. Iqtisodiyot nazariyasi. Darslik. Toshkent: Iqtisod-moliya, 2010. 436 bet. 18 Hozirgi kunda tajribali mutaxassislarga, ularning mahoratini oshirishga sarflanadigan xarajatlar butunligicha ishchi kuchiga xarajatlar sifatida qaralmoqda. Unga to’la asos bilan ishchilar sog’lig’ini ta’minlashga sarflanadigan xarajatlar ham kirib ketadi. Kuzatishlarga qaraganda, AQShdagi ishchilarni tajribali mutaxassis ishchilar guruhiga kiritish uchun ishchi kamida o’rta maktabda tahsil olgan bo’lishi kerak. Yana ma’lumotlarga asoslanadigan bo’lsak, 30 ta ommalashib borayotgan mutaxassisliklar orasida 2/3 qismidan ko’prog’i hamda shu 30 ta kasb egalarining yarmi 1990 yillarda o’rta ta’lim muassasalarida tahsil olgan. T.Shults AQShdagi ishchi kuchi zahiralari investitsiyasiga son jihatdan birinchilardan bo’lib baho bergan. Oxirgi 40 yil ichida ta’limga investitsiya kiritish 20 barobarga oshgan va 1997 yilda byudjetdan ta’limga ajratilgan sarflar 450 mlrd. dollar atrofida bo’lgan. Mutaxassislarning malakasi va tajribasini oshirishga qaratilgan investitsiya jismoniy kapitalga kiritilgan investitsiyadan 3 barobarga ko’p bo’lgan (440 mlrd. dollar). Bundan tashqari, ishchi kuchi resurslariga byudjetdan ta’lim, sog’liqni saqlash, ijtimoiy ta’minotga jami 1 trln. dollarga yaqin mablag’ sarflangan 9 . Ishchi kuchiga bo’lgan investitsiya hajmining o’sishi YaIM ishlab chiqarish va iqtisodiy o’sish bilan chambarchas bog’liq. AQSh iqtisodchilarining hisob kitobiga qaraganda, 1890 yilda YaIM ning 50% - xom-ashyo, mineral va energetik zahiralariga to’g’ri kelgan va 100 yildan keyin ularning YaIMdagi ulushi 10,0% dan ham oshmagan. Ilmiy-texnik taraqqiyot XX asrda ijtimoiy ishlab chiqarish va iqtisodiy o’sishni samarali oshishining asosiy manbai bo’lgan. Shuni ta’kidlash kerakki, ilmiy-texnik taraqqiyot u yoki bu ko’rinishida mehnat unumdorligining o’sishida namoyon bo’ladi. Bu omillarning ta’sirini AQSh milliy daromadi o’sishining uchdan biri ilmiy-texnik taraqqiyot omiliga to’g’ri kelganligi bilan tushuntirish mumkin. Evropaning rivojlangan mamlakatlari va Yaponiya urushdan keyingi 10 9 Manba: Internet tarmog’ining http://www.ilo.org va http://www.indexmundi.com veb-saytlari ma’lumotlaridan olindi 19 yillikda iqtisodiy o’sishga ilmiy-texnik taraqqiyot hisobiga, mehnat va kapitalni samarali joriy qilish natijasida erishgan. Aksincha, XX asrning ikkinchi yarmi tarixida rivojlangan mamlakatlarda tabiiy boyliklarni, ishchi kuchini qo’shimcha ravishda jalb qilish natijasida davomli iqtisodiy o’sishga doir misollarni uchratmaymiz. Qanchalik miqdorda u yoki bu omilni ko’proq kiritilishi, shunchalik uning taqdirlanishini belgilaydi. Boshqacha qilib aytganda, bu ish bilan bandlik tarkibining transformatsiyasidir. Mehnatga nisbatan mukofot sifatida ish haqi belgilanadi. Yuqori darajadagi ish haqi firmalar faoliyatida ayni resursning ijobiy ta’sirini uyg’otadi va bu ish xaqi minimal mehnat xarajatlari bilan ishlashga olib keladi. Demak, shuni ta’kidlab o’tish mumkinki, ishchi kuchini tejash, ish xaqini tejash degani emas. Shuni alohida qayd etish lozimki, o’tish davri iqtisodiyoti sharoitida qator mamlakatlarda ishchi kuchi resurslarining ish bilan bandligi tarkibi o’zgarmoqda. O’tish davri iqtisodiyoti rejali iqtisodiyotdan bozor iqtisodiyotiga o’tayotgan iqtisodiy tizimdir. Bunday tizimda iqtisodiy o’sish barqaror yoki barqaror bo’lmasligi mumkin. Misol tariqasida, Xitoyda so’nggi 20 yil ichida iqtisodiy pasayish kuzatilmadi va bozor iqtisodiyotiga o’tish bosqichma-bosqich amalga oshdi. Ammo, «shok terapiyasini» qo’llagan mamlakatlarda iqtisodiy pasayish yuz berdi, tarkibiy o’zgarishlar esa iqtisodiy pasayish sharoitida amalga oshdi. Demak, o’tish davri iqtisodiyotida ishchi kuchi resurslarining ish bilan bandlik tarkibining shakllanishi iqtisodiy o’sish hisobiga emas, balki ishlab chiqarishning mutlaq yangi sharoitga moslashishi bilan tavsiflanadi 10 . Shchvetsiyada ishchi kuchi bozorini tartibga solishda faol siyosatga asoslanadi. Bu mamlakatda ishsizlik darajasi 1,4 foizni tashkil etadi. Xodimlarni qayta malakasini oshirishga, yangi ish o’rinlarini yaratishga boshqa mamlakatlarga qaraganda eng ko’p harajat sarflanadi. Yiliga byudjet mablag’larining 6-8 foizi ishchi kuchi bozoridagi faol (70 %i) va passiv (30 %) siyosat uchun sarflanadi 11 . Bu mamlakat ishchi kuchi bozoridagi siyosat: 10 Manba: Internet tarmog’ining http://www.ilo.org va http://www.indexmundi.com veb-saytlari ma’lumotlari 20 -ishsizlarni ishchi kuchi bozoriga qaytarish; -iqtisodiyot sohalari bo’yicha ishchi kuchini qayta taqsimlash; -mehnatga joylasha olmagan shaxslarni ijtimoiy himoyasini ta’minlash kabi tamoyillarga asoslanadi. Ishsizlik muddati 1 yilgacha bo’lsa- qisqa, 1 yildan oshsa uzoq muddatli hisoblanadi. Mehnat borasidagi siyosatni Mehnat vazirligi amalga oshiradi. Vazirlikda markaziy ishchi kuchi bozorini boshqarish boshqarmasi 24 ta mehnat bo’yicha guberniya qo’mitalari, 330 ta ish bilan ta’minlash shahar byurolari faoliyatini muvofiqlashtirib turadi. Bu singari bandlik xizmatlari “Ish bilan ta’minlash” Qonuni bilan mustahkamlangan, xususiy bandlik xizmatlarini tashkil etish ta’qiqlangan. Shchvetsiyada 3 yilda bir marta mamlakat miqyosida ishchi kuchi bozori muammolari bashorat qilinadi. Bashoratning asosiy maqsadi, resurslardan samarali foydalanish, aholi turmush darajasini oshirish, iqtisodiyotni muvofiqlashtirish, har bir ish izlayotgan shaxsga ish joyini taqdim etishda eng avvalo yoshlar, ayollar va aholining boshqa ijtimoiy himoyaga muhtoj qatlamlarini inobatga olishdan iborat. Shchvetsiya ishchi kuchi bozoridagi olib borilayotgan faol siyosat quyidagi ikki elementni o’z ichiga oladi: - birinchidan, yangi ish o’rinlarini yaratish va unga xodimlarni tayorlash, qayta o’kitish markazlarini yaratishni rag’batlantirish: - iqtisodiy ko’rsatkichlari past bo’lsada, ijtimoiy zarur xizmatlarni ta’minlovchi sektorlarda ishchi kuchi resurslarini ish bilan bandligining davlat tomonidan qo’llab-quvvatlanishini ta’minlashdir. Ishchi kuchi bozorini tartibga solish borasida Finlyandiya tajribasi ham alohida ahamiyat kasb etadi. Bu mamlakatda ishsizlik davomiyligi o’rtacha 15 hafta davom etadi. Ishsizlarning asosiy qismini yoshlar va ayollar tashkil etadi. 1988 yilda qabul qilingan “Bandlik to’g’risida”gi Qonun bandlik jarayonini tartibga soluvchi asosiy qonun hisoblanadi. Finlyandiyada 2000 yillarga kelib yoshlar ishsizligi kuchayganligi bois, bu masalaga alohida e’tibor qaratilmoqda.Unga ko’ra 20 yoshgacha bo’lgan yoshlarning ishsizlik muddati 3 21 oydan, 25 yoshlilarning uzuliksiz ishsizligi 1 yildan oshmasligi lozim. Ishchi kuchi resurslari markazi mamlakat bo’yicha barcha ma’lumotlarni umumlashtirib, faol ish qidiruvchilarni ro’yxatga oladi. Ushbu markaz xizmatidan yiliga 500 ming kishi foydalanadi. Ular tomonidan “Ishchi kuchi bozori” maxsus haftanomasi bepul nashr etiladi. Ishsizlik muammosini o’rganishdan asosiy maqsad – ishchi kuchi resurslarining ish bilan bandligini oshirish orqali mamlakat ishlab chiqarishini kengaytirish va aholi turmush darajasini yanada yaxshilashga aloqador tadbirlar ishlab chiqishdan iborat. Jamiyatdagi ishsizlik darajasini pasaytirish uchun qo’shimcha ish joylarini yaratish, ularni ishga tushirish, aholining tabiiy o’sishidan orqada qolmasligi kerak. Qolaversa, jahon hamjamiyati bilan uyg’un holda ijtimoiy-iqtisodiy munosabatlarni jadal rivojlantirib borish lozim. Ishsizlar – bular shunday kishilarki, ular ishchi kuchi bozorida o’z xizmatlarini faollik bilan taklif qiladilar, ish qidiradilar, bu narsa ish bilan bandlikning iqtisodiy munosabatlarini tartibga solishda davlat tomonidan hisobga olinishi darkor. Fikrimizcha, O’zbekistonda ishsizlikning paydo bo’lishi va o’sish tarixi aynan Keyns qarashlarining to’g’riligini isbotlaydi. Ishsizlar rasmiy ro’yxatga olingandan boshlab, ishsizlik darajasi ma’lum darajada muntazam ortib boradi, ishga joylashtirish qanchalik yuqori bo’lsa, ishsizlik darajasi shunchalik past bo’ladi. Fikrimizcha, bu hodisalarni faqat statistik xatoliklar va ishsizlik maqomini berish shartlarining murakkablashuvi bilan izohlab bo’lmaydi. Ko’rinishidan yaxshi bo’lgan iqtisodiy o’sish ko’rsatkichlaridan ish bilan bandlikning kamayishini ikkita sabab bilan izohlash mumkin. Birinchidan, yashirin ishsizlikning yuqori darajasi saqlanganligi, u o’z potentsialini hatto ayrim barqarorlik sharoitlarida ham ochiq bozorga chiqarib turadi. Ikkinchidan, yashirin ish bilan bandlikning ko’payishi, u ishchi kuchi va ishsizlarning sezilarli qismini ochiq ishchi kuchi bozoridan tortib turadi. 22 Ishchi kuchi resurslarining ish bilan bandligi tarkibi shakllanishida ilmiy- texnik taraqqiyotning o’rni ham katta. Ishchi kuchini samarali ravishda ish bilan ta’minlash tizimini rivojlanishi zamirida ishlab chiqarishining o’sishi va har bir band odamning samarali ishlashining o’sishi yotadi. Biroq, ishchilarning tajriba va mahorat darajasini oshirmay turib mehnat unumdorligini oshirib bo’lmaydi. Yüklə 0,72 Mb. Dostları ilə paylaş:
|