Bütün ümumtəhsil məktəblərinin bu hissədə yazılan təlimatlara əməl etməsi məcburidir.
Şagirdlər nümunəvi davranışa görə rəğbətləndirilirlər. Nümunəvi davranış 3 meyara (Nizam-intizam, Sosial məsuliyyətlilik və Akademik nailiyyət) əsasən dəyərləndirilir.
Hər alt meyar üçün 1 yaşıl kart nəzərdə tutulur.
Meyarların təsviri aşağıdakı cədvəldə öz əksini tapır:
Nümunəvi davranışlar
|
Meyar
|
Alt meyar
|
Nümunələr
(bunlarla məhdudlaşmır)
|
1. Nizam-intizam
|
1.1 Şagird davranış qaydalarına riayət
|
Yarımil ərzində 2, 3, 4 və 5 - ci səviyyəli heç bir qayda pozuntusu etməmək
|
1.2. Davamiyyət və punktuallıq
|
Yarımil üzrə 96%-dən yüksək davamiyyət göstərmək, məktəbə və dərslərə vaxtında gəlmək
|
1.3 Milli dəyərlərə hörmət
|
Vətənpərvərlik keyfiyyətləri ilə yoldaşlarına nümunə olmaq
|
2. Sosial məsuliyyət
|
2.1 Nümunəvi əxlaqi davranış
|
Dürüst və vicdanlı olmaq, xeyirxahlıq etmək, ehtiyac olduqda özündən böyüklərə və kiçiklərə kömək etmək, məktəb əmlakını qorumaq.
|
2.2 İctimai-sosial tədbirlərdə fəal iştirak
|
Sosial məsuliyyətlə bağlı proqram və layihələrdə iştirak etmək (ətraf mühitin mühafizəsi, sağlamlıq imkanları məhdud və əlil insanlara yardım və s.);
|
2.3 Liderlik bacarıqları, innovativlik və təşəbbüskarlıq
|
Sosial məsuliyyət layihələri ilə bağlı təşəbbüs irəli sürmək, şagirdlərdə müsbət sosial davranışların, ətraf mühitə qarşı həssas münasibətin formalaşdırılması fonunda çağırışlar və təqdimatlar etmək, tədbirlər təşkil etmək, görüşlər keçirmək;
Məktəb icmasının üzləşdiyi problemlərlə bağlı yaradıcı və innovativ həll yolları təklif etmək
|
3. Akademik və sosial fəaliyyətlər
|
3.1 Yarımillik və illik qiymətləndirmə nəticələri
|
Fənlər üzrə yarımillik və ya illik ümumi ortalama nəticənin 75 baldan yüksək olması
|
3.2 Məktəbdaxili yarış və müsabiqələrdə, yerli və beynəlxalq olimpiadalarda, müsabiqələrdə iştirak
|
Fənn müsabiqə və olimpiadalarında, layihə əsaslı müsabiqələrdə, məktəbdaxili intellektual yarışlarda nailiyyətlər qazanmaq
|
3.3 Sinifdənxaric və məktəbdənkənar tədbirlərdə fəal iştirak
|
Məktəbdə və məktəbdənkənar həyata keçirilən tədbirlərdə fəal iştirak etmək, idman, layihə, sərgi, sosial tipli müsabiqə və yarışlarda nailiyyətlər qazanmaq
|
Şagirdə yaşıl kart müvafiq şəxslərin (sinif rəhbəri, fənn müəllimi və s.) təqdimatı əsasında Nizam İntizam Şurasının qərarı ilə verilir və Sinif Davranış jurnalında qeydiyyatı aparılır.
Dostları ilə paylaş: |
