V sinif üçün “Təbiət” dərsliyi əsasında tədrisin təşkili Oxu materialı

Sıra №	Ənənəvi yanaşma
Konstruktiv yanaşma
1	Tədris planları baza biliklərə və bacarıqlara əsaslanaraq «xüsusidən tama doğru» prinsip əsasında qurulmuşdur	Tədris planları ümumiləşmiş anlayışlara və bacarıqlara əsaslanaraq «ümumidən xüsusiyə doğru» prinsip əsasında qurulmuşdur
2	Öyrədən, bir qayda olaraq yeni tədris materialını axtarıcı instansiyaya didaktik maneralarla hərəkət edərək çatdırır	Öyrədən birinci növbədə təhsil alanların tədris-idrak (dərk etmə) və tədqiqatçılıq fəaliyyətinin təşkilatçısı kimi, özünün biliyini və əqidəsini onların boynuna qoymamaqla çatdırır
3	Tədris proqramı və tədris prosesi tamamilə təklif olunan dərslik və ya dərs vəsaitinə söykənməklə həyata keçirilir	Dərslik tədrisə aid informasiyalar üçün hakim mövqe tutan mənbə kimi qəbul edilmir. Üstünlük digər orijinal mənbələrə, real həqiqəti əks etdirilən hadisələrə verilir
4	Təhsilalanlar hazır bilikləri öyrədənlərdən alır və tədris-təlim prosesinin obyekti kimi təqdim olunurlar	Təhsilalanlar ətraf aləm haqqında özlərinin baxışları, təsəvvürlərilə tədris-təlim prosesinin tam hüquqlu iştirakçıları kimi təqdim olunurlar
5	Öyrədən təhsilalanların tədris-idrak fəaliyyətinin effektivliyini, müəyən hadisəyə dair düzgün cavabların sayına görə qiymətləndirir	Öyrədən təhsilalanların sərbəstliyini, bəzən düzgün olmayan mühakimələrini, «ağıllı» suallarını, söhbətlərini şüurlu oraraq düzəltmələrini dəyərləndirir
6	Yoxlama işlərinin və testlərin nəticələrinin təhsilalanların bilik, bacarıq səviyyələrinin dəyərləndirilməsinin yeganə, vahid informasiya mənbəyi kimi qəbul edilməsi	Təhsilalanların fəaliyyətdə qazandıqları bütün naliyyətlərin, onların yeni biliklərin konstruksiya olunması üçün göstərdikləri səylərin, təlim prosesində onların irəliləyişlərinin dəyərləndirilməsi
7	Təhsilalanların təlim naliyyətlərinə nəzarətin və qiymətləndirmənin tədris prosesindən ayırlmaqla aparılması	Təhsilalanların təlim naliyyətlərinə nəzarətin və qiymətləndirmənin tədris prosesinin real gedişi şəraitində həyata keçirilməsi

Konstruktiv təlim şagirdlərin dərk etmə fəaliyyətinin köməyilə əldə edilmiş, hazırkı və gələcəkdə əldə edilən (qazanılan) biliklərin vəhdətidir.

Viqotskinin inkişafetdirici təlimi əsasən pedaqoji prosesdə şagirdin inkişafını nəzərdə tutur və inkişaf əsasən pedaqoji prosesdə gedir, lakin təhsilalanın sosial mühitdə qazandığı, əldə etdiyi biliyi nəzərə alınmır. Viqotski sosial mühitin əhəmiyyətini vurğulayır: şagird dəstək gördükdə yaş qrupuna görə malik olduğu minimal bilik və bacarıqlarını inkişaf etdirə bilər. Bu halda şagirdin proqramdan kənar düşünməsinə şərait yaratmaq olmur.
Piajeyə görə idrak inkişafının 4 mərhələsi var. Konstruktiv təlimdə bunlardan ikisi maraqlıdır:
7 – 11 yaş, konkret əməli mərhələ; Şagird konkret anlayışlarla məntiqi mühakimə apara bilir, mühakiməyə əsaslanaraq fikirlərini formalaşdırır.
11 yaşdan sonrası; Konseptual və hipotetik düşünür, abstrakr anlayışlarla məntiqi mühakimə apara bilir.
Son dərəcə elmli, qabiliyyətli şəxsiyyətlərin yetişdirilməsi müasir təhsilin əsas strateji məqsədi olduğundan, təlimdə konstruktiv yanaşma ən yaxşı yanaşmadır.