Retsept asosan olti qismdan iborat bo’ladi: 1. Inscriptio – retseptning sarlavha qismi bo’lib, bu qismda qo’yidagilar ko’rsatilib o’tiladi. a) Davolovchi korxonaning nomi va turar joyi yoki nomi hamda turar joyi ko’rsatilgan muhri. b) Datum – retsept yoziladigan kun va yil. v) Kasal hayvonning turi, yoshi, laqabi, tusi va kimga tegishli ekanligi, agar hayvon shaxsiy bo’lsa egasining ismi, nasabi va turar joyi yozib ko’rsatiladi.
g) Retsept yozuvchi – davolovchi vrachning ismi va nasabi.
Misol uchun: Termiz shahar Veterinariya va chorvachilikni rivojlantirish bo’limi S.Ayniy ko’chasi 11-uy, tel.234-43-25
15
20 ----------23 IX
Itga, laqabi «Olapar», 2 yosh egasi
Suxrob Shakarov, S.Ayniy ko’chasi 34-uy
Vet.vrach Tursunov Oxun 2. Proepositio seu Invocatio – Davolovchi vrachning farmasevtga yozma murojaati. Bu holat Recipere – olmoq yoki recipe – ol degan so’zlar bilan retseptda qisqartilib Rp.: holatida yoziladi. 3. Designatio materiarum – retseptning asosiy qismi bo’lib, bu qismda kasallikni davolash uchun qo’llanadigan barcha kerakli dori vositalari va uning miqdorlari ta’sir xususiyatlariga qarab navbat bilan lotin tilida yozib ko’rsatiladi. Har bir dori vositasining nomlari bosh harflari bilan yangi qatordan, qaratkich kelishigida yoziladi. Dori vositasining nomlanishi yozib ko’rsatilgandan so’ng ularning kerak bo’lgan miqdorlari arab sonlarida. Misol uchun:
