Xeste-qasim

                       Ola  
 
Bir gözəl sevəsən boyu tamaşa, 
Görən kimi könül ona bənd ola. 
Gözəlliyi, gül camalı bir yana, 
Dil-dodağı şəkər ola, qənd ola. 
 
Bir gözəl sevəsən qaməti bəstə, 
Görəndə aşiqi eyləyə xəstə. 
Çoxdan axtarıram bir elə kəs də, 
İşarə anlaya, dərdimənd ola. 
 
Mən Qasımam, əl götürməm canandan, 
Canan qarşı gəlsə, keçərəm candan, 
Rəngi artıq ola güldən, reyhandan, 
Zülfləri boynuma bir kəmənd ola. 
 

---

 
136
Lam-ləng ola 
 
Mərifət bəhrində, ədəb-ərkanda, 
Bir igid istərəm lam-ləng ola. 
Atı Düldül ola, qılıncı dusər, 
Dayanmaz, qabaqda yüz pələng ola. 
 
Sərində görmüşəm cığalı çəngər, 
Üzündə duymuşam müşk  ilə ənbər. 
Kənan şəhrində Yaqub peyğəmbər, 
Yusif tək camalı çox qəşəng ola. 
 
Fərhad qaya çapar, sənginə yetməz, 
Kimsə ərənlərin dənginə yetməz. 
Heç cəng o mövlanın cənginə yetməz, 
Ya Rum, Qeysər, ya Firəng ola. 
 
Xəstə Qasım əl götürməz daməndən, 
Sidqini bağlayıb Sahib-Zamandan. 
O gün çox qorxuram Şahı-Mərdandan, 
Çəkə Zülfüqarın xulqu təng ola.