Xülasə Azərbaycanda əhalinin yüksəkkeyfiyyətli və sağlam ərzaq məhsulları ilə təmin edilməsi dövlət

Cədvəl 2. 2015-2019-cu illər üzrə damazlıq cücə və
quş yumurtasının idxal göstəriciləri* 
 
*Mənbə: [8] 
Beləliklə, ölkənin sənaye üsulu ilə quş əti və ərzaqlıq yumurtaya olan tələbatının tam olaraq yerli 
istehsal hesabına təmin edilməsi üçün illik təqribən 150 milyon ədəd yüksəkkeyfiyyətli damazlıq 
yumurtaya tələbat vardır.
Azərbaycanda quşçuluq sənayesinin idxaldan asılılığının aradan qaldırılması birbaşa olaraq ölkədə 
keyfiyyətli və kifayət qədər damazlıq materialının olmasından asılıdır. Nəzərə alsaq ki, yem və yem 
əlavələrinin əsasını təşkil edən inqridiyentlər, vaksin və digər dərman preparatları, həmçinin texnoloji 
avadanlıqlar xaricdən idxal edilir, bu zaman iki mühüm məsələ arasında ziddiyyətin olduğu üzə çıxır: bir 
tərəfdən əhalinin ucuz və keyfiyyətli quş əti və yumurtaya olan tələbatının yerli istehsal hesabına tam 
ödənilməsi, digər tərəfdən sahənin resurs təminatının bütövlükdə idxaldan güclü asılılığı. Təhlillər göstərir 
ki, ölkəmizdə damazlıq quşçuluq da daxil olmaqla ümumilikdə quşçuluq sənayesi idxal edilən istehsal 
resursları üzərində qurulmuşdur. 
Bu iki bir-birinə əks amil arasında ziddiyyətin hələlik tamamilə mümkün olmasa da, nisbətən 
aradan qaldırılması damazlıq quşçuluğun istehsal bazasının inkişaf etdirilməsi yolu ilə mümkündür.
Nəzərə almaq lazımdır ki, respublikamızda damazlıq quşçuluğun istehsal bazasının yaradılmasında 
xüsusi əhəmiyyət daşıyan təmizqanlı xətt və əcdad (ulu valideyn) sürülərinin yetişdirilməsi ilə məşğul olan 
damazlıq təsərrüfatları demək olar ki, mövcud deyildir və yaxın gələcəkdə belə təsərrüfatların yaradılması 
və fəaliyyət göstərməsi qeyri-real görünür, çünki yuxarıda qeyd edildiyi kimi, bunun üçün güclü və 
uzunmüddətli elmi-tədqiqat işləri, geniş həcmli maliyyə vəsaitləri və texnoloji-istehsal resursları tələb 
edilir. Hələlik isə digər ölkələrdən idxal edilmiş damazlıq birgünlük cücə və ya mayalanmış yumurtalardan 
yerli şəraitdə alınan birgünlük cücələrin yetişdirilməsi yolu ilə əmtəəlik quş əti və yumurta istehsal edilməsi 
prosesi davam edəcəkdir.