Z. M. Bobur nomidagi andijon davlat universiteti maktabgacha pedagogika kafedrasi

3- Mavzu: Komparativistik pedagogika fani rivojlanishida xalqaro tashkilotlar va ularning faoliyati.
Reja

1. 
   Yunesko tashkilotining tashkil topishi va uning faoliyati .
   

2. Fan va texnika rivojlanishiga qaratilgan Yunesko dasturi .
3. AQSh , Buyuk Britaniya va boshqa davlatlarda komparativistik pedagogika jamiyatining tuzilishi .


Tayanch iboralar: Yunesko, fan, texnologiya ,AQSh , Buyuk Britaniya sini taqqoslash pedagogikasi
Yunesko Birlashgan Millatlar tashkilotining ta’lim , fan , madaniyat masalalarini rivojlantirishga ixtisoslashtirilgan tashkilot bo`lib u 1946 yilda tashkil etilgan . BMT ikkinchi jahon urushidan keyin suveren davlatlarning ihtiyoriy birlashuvi asosida jahonda tinchlik va xavfsizlikni saqlash hamda o‘rtasida tinch xamkorlikni rivojlantirish maqsadida tuzilgan . BMT o‘zining tuzilishiga ko‘ra Bosh Assambliya (yalpi majlis) , Xavfsizlik kengashi , Xalqaro sudga ega . Bulardan tashqari BMTning doimiy amalda bo`lgan faoliyatini kotibiyat olib boradi va uning ishini Bosh assambliya saylab qo`yadigan Bosh Kotib boshqarib boradi .
Bosh Assambliya har yili jahon siyosatining dolzarb muammolarini muhokama qiladi va bu masalalar bo`yicha BMTga a’zo bo‘lgan davlatlarga yoki Xavfsizlik kengashiga tavsiyalar beradi .
Hozirgi kunda BMTning Yunesko tashkiloti bolalarni himoya qilish tashkiloti (Yunisef) , oziq-ovqat va qishloq xo`jaligi masalalari bilan shug‘ullanuvchi «FAO» tashkiloti , Xalqaro mehnat tashkiloti (XMT) , Jahon sog‘liqni saqlash tashkiloti (JSST) , Atom energiyasi bo`yicha xalkaro vakillik ( MATATE) , Kosik fazodan tinch maqsadda foydalanish Komiteti , Xalqaro Elektr Aloqalari Ittifoqi singari o‘nlab tashkilotlar davlatlar o‘rtasidagi o‘zaro munosabatlarni muvofiqlashtirishga jahon siyosatining yetakchi kuchiga aylanib bormoqda.
1993 yili ma’lumotlarga ko‘ra Yunesko tashkilotiga 171 davlat , jumladan O‘zbekiston xam a’zo .
Bu tashkilotning qarorgoxi Fransiyaning poytaxti Parij shahrida bo`lib , uning bosh organi - Bosh direktordir .
Yunesko faoliyati o`ta xilma-xil va ko‘p qirralidir uning ta’lim sohasidagi ishlari ko‘p yo‘nalishdarda olib boriladi . Jumladan , rivojlangan mamlakatlarda savodsizlikni tugatish , jahon ta’limi rivojlanishidagi tendensiyalarni tahlil qilish va uni ommalashtirish , u yoki bu mamlakatlarda ta’lim bo‘yicha olib borilayotgan siyosatni xam ma’naviy rag‘batlantirish va boshqalar .
Yunesko mazmunli ta’limning xamma uchun birday imkoniyat doirasida bo‘lishini ta’minlash , uning uzluksizligini qaror toptirish , ta’limni va uning shaklini kelajakda rivojlanishi tamoyillaridan kelib chiqadi .
O‘qituvchi kadrlar tayyorlash , ularning nazariy-amaliy saviyasini muttasil oshirib borish , ba’zi mamlakatlarda muammo bo`lib hisoblangan Xotin-qizlarning erkaklar bilan teng bilim olish xuquqlarini ta’minlash , ekologik ta’limni yo`lga qo‘yish , darslik va dasturlarni takomillashtirish , mamlakatlar o‘rtasida ta’lim bo`yicha hamkorlikni butun choralar bilan rivojlantirish va juda ko‘p boshqa masalalarni hal qiladi .
Bu faoliyatning barchasi yoshlarga jahon talablari ruhida ta’lim berish, ularni xalqaro hamkorlik, o‘zaro ishonch, do‘stlik, birodarlik ruhida tarbiyalashga qaratilgandir .
Fan va texnikani rivojlantirish borasida Yunesko bir qator davlatlararo dasturni amalga oshirdi . Bu dastur asosan, ekologik muhitni yaxshilash, atrof-muxitni muhofaza qilish bilan bog‘liqdir .
Hozirgi dunyoda millatlar va xalqlarning madaniy, tarixiy meroslarini asori atiqalarini asrash, avaylash, kelajak avlodlar uchun uni saqlash ta’mirlash ishlari katta axamiyatga molikdir.Bu masalada Yunesko asosiy o‘rinni egallaydi .
Uning ro`yxatiga jahon tarixiy yodgorliklarining iftixori hisoblangan Buyuk Xitoy devori , London Taueri, Klimenjarodagi milliy park va boshka minglab obyektlar kiradi .
1993 yildan boshlab O‘zbekistonning Samarqand , Buxoro, Xiva, Qo‘qon, Toshkent va Boshqa joylaridagi ko‘plab tarixiy obidalar ana shu ro‘yxatga kiritiladi.
Yunesko faoliyati tarkibiga yana xalq og‘zaki ijodiyoti , folklor o‘lanlar, aytishuvlar, maqomla, xalq kuylari, laparlarni saqlash xam kiradi .
Adabiyot bo`yicha Yuneskoning ro`li ayniksa salmoqlidir. Jahon adabiyoti, uning shoh asarlari , adabiy meros ayniqsa u tomonidan e’zozlanib , ular to‘planadi va jahonning turli tillariga tarjima qilinib , bosmadan chiqariladi va tarqatiladi .
1992- yil 2-martda O‘zbekiston BMTga a’zo bo‘lgach, BMTning barcha tashkilotlariga haqli a’zo bo‘lib kira olish huquqiga ega bo‘ldi . Shu bois O‘zbekiston 1993 yil 26-oktabrda Yuneskoga a’zo bo‘ldi .
1993 yil Yuneskoning ko‘zga ko‘ringan ekspertlari yurtimizga tashrif buyurib, Samarqand , Buxoro, Xiva shaharlarining tarixiy obidalari bilan tanishdilar natijada bu yodgorliklarni qayta tiklash va ta’mirlash dasturi tuzildi va bu dastur 1995 yildan amalga oshirila boshlandi .
Yunesko tashabbusi bilan Parijda Muxammad Tarag‘ay Ulug‘bek tavalludining 600-yillik yubiley tantanalari bo‘lib o‘tdi. Samarqand, Buxoro, Xiva shaharlarining yubileylari o‘tkazildi .
Yunesko ekologik muammolari hal etishda xam yordam ko‘rsatishga tayyor.
BMT jahon madaniyati va ma’rifatini rivojlantirish o‘n yilligini (1988-1997) o‘tkazishga qaror qilingan edi .
Yunesko ham shu doirada faoliyat yurgizib , «Buyuk Ipak yo`li»ni kompleks o‘rganish dasturini qabul qildi . Bu dasturning maqsadi Sharq bilan G‘arb o‘rtasidagi quruqlikdan va dengizdagi yo`lining salohiyatini aniqlash, tiklashdan iborat bo‘lsa , ikkinchi tomondan bu yo`l Sharq bilan G‘arbning madaniy va ma’rifiy hamkorligini xam bir-biriga bog‘lovchi ko`prik ekanligini ochib berish , uni tiklashdan iboratdir .
Bu tadqiqotlar to`rt asosiy yo`nalishda olib borilmoqda :

1. 
   Ipak yo`li mamlakatlariga kiruvchi xalqlarning tili va yozuvini o‘rganish .
   

2. Karvonsaroylar o‘rnini aniqlash va ularni qayta tiklash , pochta aloqalarini yo`lga qo`yish .
3. Kosmik arxeologiyani qayta jonlantirish
4. Jahon turistlar tashkiloti bilan xamkorlikda ipak yo`li bo`ylab turistik yo`nalishlarni ochish va uni xarakatga keltirish .
Yuneskoning tashabbusi va hamkorligi bilan O‘zbekistonda qator madaniy ma’rifiy tadbirlar o‘tkazish davom etmoqda .
AQShda mavjud ta’lim tizimi mamlakat prezidenti va hukumati tobora qoniqtirmayotir . Jon Kennidi 1963 yildayok shunday degan edi : «Yomon maktab davlatning yomon siyosatigina bo`lib , uni yomon iqtisodiyotga olib kiruvchi zamindir». Demak , AQShda ta’limning xayotdan orqada qolayotgan 60-yillaridayok sezilgan edi . 2000 yilda «Amerika ta’lim strategiyasi» dasturi e’lon qilindi .
Talabalarning tabiiy va matematika fani yutuqlarini o‘zlashtirishda jahonga eng oldingi o`rinlarga chiqishlari: har bir voyaga yetmagan amerikalikning iqtisodiyot sohasida jahonning barcha yoshlari bilan bellasha oladigan bo`lishlari ; maktablarda giyohvandlik va zo‘ravonlikka barham berish o‘qish uchun barcha shart-sharoitni yaratib berish ko‘zda tutiladi .
Bu AQShda ta’lim istiqbollarini belgilab beruvchi muhim dasturdir .
AQSh ta’lim tizimining maqbul tomonlarini ijobiy qo‘llanilishi bilan boshqarish , uni to‘la mustaqillikka o‘rgatish va tatbiq etish , besh yoshlik bolalarning maktab bosqichiga puxta tayyorlash , dars jarayonining bir xil andozasidan qutilish yo`llarini izlash , yo`nalishli va ayrim predmetlarini chuqurlashtirishning o‘rgatish bo‘yicha olib borilayotgan ishlarini yangi bosqichga ko‘tarish , kasb yo`nalishi berish yo`lida olib borilayotgan ishlarini chuqur taxlil etib mahalliy sharoitda kelib chiqish o‘z ish faoliyatda qo‘llashni tashkil qilish e’tiborga loyiqdir
AQSh pedagogikasidagi :
-bolani o‘z kuchi va imkoniyatiga ishonch ruhida tarbiyalash
- o‘quvchilarning eng kichik shaxsiy imkoniyatlarini ro`yobga chiqarish uchun kurash ,
-vatanga g‘urur va iftixor ruhida tarbiyalash kabi asosiy xususiyatlar boshqa davlatlar , jumladan bizning pedagogikamizga ham tatbiq etish zarur bo‘lgan muhim sifatlardir .
Buyuk Britaniya yuz yillardan beri sifatli klassik ta’limi bilan mashhurdir . Bu ta’lim davr sinovidan o‘tgan va xalqaro ta’lim bozorida yetakchi o‘rinda turadi . Hozirda 80 mingdan ortiq xorijiy talabalar Britan ta’lim tizimi yutuqlaridan bahramand bo`lmoqda . Buyuk Britaniya Maydoni –243809kv.km, Aholisi -62698362kishi (22-o’rin-2012y) Poytaxti –London.Davlat tizimi-Konstitsion manarxiya . Davlat tili ;Ingiliz tili. Buyuk Britaniyada ta’lim 5-yoshdan 16 yoshgacha majburiy . Ta’limtizimida 2ta sektor bor;
1)Davlat(bepul)
2)Xususiy (pullik)
Britaniya ta’limi 4 bosqichban iborat
1)Boshlangich (primary school)-5-11 yosh
2)O’rta ta’lim (Secondary school)-11-16yosh
3)A-Levels kursi-Unversitetga tayyorlash 16-18 yosh
4)Oliy ta’lim -18 yoshdan Eng asosiy fanlar
a) Ingiliz tili. b) Matematika

Nazorat savollari :

1. Yunesko tashkiloti qanday tashkilotlar bilan hamkorlikda ish olib boradi?
2. Yunesko bilan BMT tashkiloti , Yunisef masalalari haqida tushunchangiz .
3. AQSh va Buyuk Britaniya pedagogikasidagi ta’lim tizimidagi g‘oyalar haqida so‘zlang .

Adabiyotlar ro`yxati :

1. Jahon mamlakatlari tarixi . 1994 y
2. AQShda huquqiy ta’lim tizimi . 2001 y