Њзбекистон республикаси олий ва њрта

5.6-chizma.


Ma'naviy sohadagi vazifalar


Ma'naviy qadriyatlarni ilm-fan va taraqqiyot yutuqlari
bilan boyitish. Din va tarixni sohtalashtirishga, ulardan
siyosiy maqsadda foydalanishga yo‘l qo‘ymasli
1. Yurtdoshlarimizni ma'naviy yangilanish va islohotlar jarayonining faol ishtirokchisiga aylantirish.

2. Kuch va salohiyatni ijtimoiy hamkorlik va millatlararo totuvlik, diniy bag‘rikenglikka xizmat qildirish.

3. Ijtimoiy qatlam, siyosiy kuch va harakatlarning intilishlarini uyg‘unlashtiruvchi g‘oyalar - Vatan ravnaqi, yurt tinchligi, xalq farovonligini yurtdoshlarimiz maqsadiga aylanishiga erishish.

4. Kadrlar tayyorlash milliy dasturini amalga oshirish, ta'lim-tarbiya tizimini takomillashtirish.

5. Milliy qadriyatlar, til, madaniyat, diniy e'tiqod, urf-odat va an'analarni hurmat qilish.

Milliy istiqlol mafkurasining asosiy maqsadi: ozod va obod Vatan, erkin va farovon hayot barpo etishidir. Xalq ommasini milliy g‘oya atrofida birlashtirish, kishilarni ma'naviy-ruhiy jihatdan ulug‘vor ishlarga tayyorlash va safarbar etishdan iborat. Pirovard natijada bunga erishishning yo‘llari, vositalari va usullari ham ushbu maqsaddan kelib chiqadi.
Prezidentimiz Islom Karimov mustaqillikning dastlabki yillari-dayoq milliy istiqlol g‘oyasi va mafkurasini shakllantirish zarurati haqida qayg‘urgan edi. Chunki «Milliy mustaqil davlat bor ekan, uning musta-qilligi va erkinligiga, an'ana va urf-odatlariga tahdid soladigan, uni o‘z ta'siriga olish, uning ustidan hukmronlik qilish, uning boyliklaridan o‘z manfaati yo‘lida foydalanishga qaratilgan intilish va harakatlar doimiy xavf sifatida saqlanib qolishi muqarrar». Yurtboshimiz 2005 yil 14 mayda Oqsaroyda 12-13 may kunlari Andijon shahrida ro‘y bergan voqyealar munosabati bilan mahalliy va xorijiy ommaviy axborot vositalari uchun o‘tkazilgan matbuot anjumanida ham ta'kidlaganidek, «har bir davlatning o‘z tarixi bor, o‘ziga xos shart-sharoiti bor. Shuning uchun ham ayrim voqyealarni «atirgul rangli inqilob», boshqasini - «apelsin rangli inqilob», uchinchisini - «lolarang inqilob» deb atashga bo‘lgan urinishlar mutlaqo samarasizdir»³⁸. Demak, milliy g‘oyaning zarurligi, eng avvalo, mamlakatimiz mustaqilligini mustahkamlash uchun zarurdir. Uning zarurati quyidagi maqsadlarni amalga oshirish bilan bog‘liq holda namoyon bo‘ladi:
1. Oldimizga qo‘ygan olijanob maqsad-muddaolarimizga, ya'ni ozod va obod Vatan, erkin va farovon hayot barpo etish.
2. Eski mafkuraviy asoratlardan batamom xalos bo‘lish.
3. Foyaviy bo‘shliq paydo bo‘lishiga yo‘l qo‘ymaslik.
4. Uzoq davrlar mobaynida odamlar ongida hukmron bo‘lgan begona va yot g‘oyalarning yanada qaytadan tiklanishiga yo‘l qo‘ymaslik.
5. Xalqimiz tabiatiga zid bo‘lgan o‘zga g‘oyalardan, ayniqsa, yosh avlodni himoya qilish.
6. Har qanday tajovvuzkor g‘oyalarga qarshi tura oladigan har tomonlama barkamol avlodni voyaga yetkazish zaruratining mustaqillikni mustahkamlashdagi o‘rnini anglash orqali harakat dasturiga ega bo‘lish.
7. Mustaqillikni davlatimizning har bir fuqarosida Vatan taqdiri uchun ma'ullik tuyg‘usi bo‘lishi uchun ham zarur.
Mustaqillikni mustahkamlashda milliy g‘oyadan ko‘zlangan maqsadlar-ning keng qamrovli ilmiy-nazariy va amaliy yo‘nalishlari Prezident Islom Karimov asarlarida, nutq va ma'ruzalarida o‘zining aniq konseptual ifodasini topgan.
Demak, milliy g‘oyaning negizidagi muhim ustuvor maqsad - mustaqillikni bundan buyon ham asrab-avaylash, himoya qilish va mustahkamlash bo‘lib qolaverar ekan, uning zarurligi hyech bir davrda o‘z ahamiyatini yo‘qotmaydi³⁹.