AZƏRBAYCAN RESPUBLİKASI TƏHSİL NAZİRLİYİ
AZƏRBAYCAN DÖVLƏT İQTİSAD UNİVERSİTETİ
MAGİSTRATURA MƏRKƏZİ
Əlyazması hüququnda
MUSTAFAYEV RAMİL PİRŞAH
“Yabanı bitkilərdən ekoloji təmiz təbii boyaq maddələri istehsali
texnologiyasinin mümkünlüyünün araşdırılması”
MAGİSTR DİSSERTASİYASI
İxtisasın şifri və adı: - 060642 “Qida məhsulları mühəndisliyi”
İxtisaslaşmanın adı: “Qida təhlükəsizliyi”
Elmi rəhbər: Magistr proqramının rəhbəri:
dos. E.B. Fərzəliyev dos. E.B. Fərzəliyev
Kafedra müdiri: dos. M.H. Məhərrəmova
BAKI-2017
M Ü N D Ə R İ C A T
GİRİŞ . . . . . . . . . . . . . . . . . . . . . . . . . . 4
I FƏSİL. ƏDƏBİYYAT İCMALI . . . . . . . . . . . . . . 9
1.1. Yabanı halda yetişən təbii boyaq bitkilərinin bioloji xüsusiyyətləri .16
1.2. Yabanı halda yetişən təbii boyaq bitkilərinin kimyəvi tərkib xüsusiy-
yətləri . . . . . . . . . . . . . . . . . . . . . . . . . . . . 25
1.3. Yabanı halda yetişən təbii boyaq bitkilərinin əhəmiyyəti və qida
sənayesində tətbiqi . . . . . . . . . . . . . . . . . . . . . . . . 30
1.4. Təbii boyaq maddələri istehsalı üçün istifadə olunan yemişan
xammalının texnoloji xarakteristikası . . . . . . . . . . . . . . . . 35
1.5. Ekoloji təmiz qida məhsullarının xüsusiyyətləri . . . . . . . 40
II FƏSİL. EKSPERİMENTAL HİSSƏ . . . . . . . . . . . . 42
2.1. Tədqiqat obyektləri . . . . . . . . . . . . . . . . . . . 42
2.2.1. Quru maddələrin miqdarının müəyyən edilməsi . . . . . . . 45
2.2.1.1. Qurutma üsulu . . . . . . . . . . . . . . . . . . . 45
2.2.1.2. Refraktometriya üsulu . . . . . . . . . . . . . . . . 47
2.2.2. C vitamininin miqdarının müəyyən edilməsi . . . . . . . . 54
III FƏSİL. TEXNOLOJİ HİSSƏ . . . . . . . . . . . . . . 60
3.1. Qida sənayesində istifadə olunan qatqılar . . . . . . . . . . 60
3.2. Yemişan xammalından ekoloji təmiz təbii boyaq maddəsinin istehsal
texnologiyası . . . . . . . . . . . . . . . . . . . . . . . . . 65
3.2.1. Yemişan xammalından ekoloji təmiz təbii boyaq maddəsi
alınmasının texnoloji sxeminin əsaslandırılması . . . . . . . . . . . . 69
3.3. Maye-ekstrat malında təbii yemişan boyaq maddəsinin vakum
şəraitində qurudulması rejimləri . . . . . . . . . . . . . . . . . . 75
3.4. Təbii yemişan boyaq maddəsinin texnoloji parametrləri . . . . 79
3.5. Təbii yemişan boyaq maddəsinin keyfiyyətinə və intensivliyinə
texnoloji proseslərin təsiri . . . . . . . . . . . . . . . . . . . . 82
3.6. Boyaq maddələrinin qənnadı məmulatları istehsalında tətbiqi . . 86
NƏTİCƏ VƏ TƏKLİFLƏR . . . . . . . . . . . . . . . . 93
ƏDƏBİYYAT . . . . . . . . . . . . . . . . . . . . . . 95
REZYUME
SUMMARY
GİRİŞ
Çox saylı ədəbiyyat mənbələrində göstərildiyi kimi, Azərbaycan florası
kifayət qədər zəngin bitki sərvətlərinə malikdir. Respublikamızın ərazisində
4200 -dən artıq bitki növü yayılmışdır. Bu bitki sərvətləri içərsində boyaq
əhəmiyyəti kəsb edən, xalq təsərrüfatının, o cumlədən qida sənayesinin müxtəlif
sahələrində və eləcə də tibb sənayesində geniş istifadə olunan bitkilər xüsusilə
diqqəti cəlb edir. Qədim zamanlardan bəri bitki məhsulları əhalinin gündəlik
qidasında qəbul edilən qiymətsiz ərzaq məhsullarıdır. Müəyyən ölkələrin əhalisi
yalnız bitki mənşəli məhsullarla qidalanır. Bitki mənşəli məhsulların tərkibində
orqanizmdə asan mənimsənilən karbohidratlar, üzvü maddələri, şəkərlər və
nisasta vardır ki, bunlar insan orqanizminin inkişafında mühim rol oynayır.Üzvi
maddələrdən əsasən üzvi turşular, aşı və boya maddələri, pektin maddələri, ətirli
maddələr və digər bioloji aktiv maddələr vardır.
Hələ lap qədim zamanlardan başlayaraq müasir dövrədək Azərbaycan
xalqı yabanı halda yetişən və ya mədəni halda yetişdirilən boyaq bitkilərinin
meyvə, kök, qabıq, gövdə, budaq, yarpaq, çiçək, meyvə və toxum hissələrindən
məharətlə təbii boyaq maddəsi hazırlayıb, onlardan olduqca müxtəlif çeşidli qida
məhsullarının, yun, ipək və pambıqdan hazırlanan müxtəlif çeşıddə geyim və
bəzək məmulatlarının gözəl, parlaq və uzun müddət solmayan rənglərə və rəng
çalarlarına boyadılmasında istifadə etmişdir. Təbii boyaq nümunələri ilə
boyadılmış yun saplardan toxunan xalçalar, xurcun, kilim və palaz
nümunələrimiz, müxtəlif çeşidli qida məhsulları yalnız Azərbaycanda və
Qafqazda deyil, dünyanın bir çox regionlarında şöhrət qazanmış, dünya
bazarlarında olduqca yüksək qiymətləndirilmişdir.
Azərbaycanın florasında 1500 növdən artıq yalnız boyaq bitkisi
mövcuddur. Bu boyaq bitkilərindən məlum olan 176 növü mədəni halda
becərilir, təqribən qalan 1324 növü isə təbiətdə -- çöl, meşə, dağ və digər
ərazilərdə insanların təsiri olmadığı halda yabanı şəkildə özbaşına bitir. Həmin
bitkilərin yetişməsində heç bir insan əməyindən, texniki vasitələrdən,
dərmanlardan istifadə olunmadığı üçün, onları ekoloji sağlam və təhlükəsiz
məhsullar siyahısına əlavə etmək olar. Təbii boyaq maddələri istehsalı zamanı
geniş surətdə istifadəsi mümkün sayılan yabanı halda bitən bitkilərdən boyaqotu,
sarağan, sumaq, narıncı maklyura, sarı rezeda, dəliçətənə, sarıkök, qoz, nar,
zirinc, palıd, şabalıd, murdarça, tut, qızılağac, çaytikanı, sarıçiçək, zəfəran,
xınaotu, qantəpər, indiqo, söyüd, kəndalaş, baldırğan, andız, yemişan, heyva,
südləyən və bu kimi bir çox başqalarını misal göstərmək olar [3].
Adı sadalanan yabanı halda bitən bu boyaq bitkiləri içərisində qida
sənayesinin müxtəlif sahələrində yetəri qədər geniş şəkildə istifadə olunanlardan
biri də , Respublikamızın ərazisinin dağ, dağətəyi və aran zonalarında kortəbii
halda yetişən yemişandır.
Yemişan bitkisi yabanı halda Azərbaycan Respublikasının Xızı, Quba,
Qusar, Şabran, Xaçmaz, Qəbələ, Zaqatala, Qax, Balakən, Şəki, Şamaxı,
İsmayıllı, Lənkəran, Astara, Masallı, Biləsuvar, Lerik, Tovuz, Qazax və digər
rayonlarında geniş şəkildə yayılmışdır.
Keçmiş zamanlarda təbii boyaq maddələrindən sənayenin müxtəlif
sahələrində, həm qida sənayesinin, həm də qeyri-qida sənayesinin( gön-dəri,
cisimlərin rənglənməsi, toxuculuq və s. ) müxtəlif bölmələrində geniş miqyasda
istifadə edilmişdir.
Qida sənayesində, əsasən də qida konsentratları, qənnadı məmulatları,
konserv məhsullarının istehsalı sahələrində yabanı bitki mənşəli təbii boyaq
maddələrinin əvəzsiz rolu vardır.
Yabanı halda yetişən bitkilərdən alınan təbii boyaq maddələrinin
tərkibinin kimyəvi maddələrlə zənginliyi və onlarda müxtəlif intensivliyə malik
rəng çalarlarının olması, rənginin solmamağı, insan orqanizminə mənfi təsir
göstərəcək konseragen maddələrin olmaması və zərərsizliyi həmçinin, ekoloji
təmizliyi bitki mənşəli təbii boyaq maddələrindən qida sənayesinin müxtəlif
sahələrində daha geniş miqyasda istifadə olunması zərurəti yaranır.
Bitki mənşəli təbii boyaq maddələri içərisində yemişan, kəndalaş, biyan,
çaytikanı və bu kimi bir çox digərləri qida sənayesində xüsusilə geniş tətbiq
edilə bilər. Yemişandan alınan təbii boyaq maddəsinin konserv sənayesində
tətbiqi ilə müxtəlif cür yeni çeşidli konserv məlumatları istehsal oluna bilər ki,
bunun da bir çox üstün cəhətləri mövcuddur.
Qeyd etmək zəruridir ki, Yabanı şəkildə təbiətdə bitən bitkilərin
becərilməsinə heç bir maddi vəsait sərf olunmur və buna görə də onların maya
dəyəri xeyli aşağı olur. Bu vəziyyət hazırda ölkə iqtisadiyyatında ən prioritet
məsələlərdən biri kimi dəyərləndirilə bilər
Dissertasiya işinin “Yabanı bitki xammallarından ekoloji təmiz, təbii
boyaq maddələrinin alınması texnologiyasının tədqiqi” mövzuda seçilməsi də
məhz bu qeyd edilən məlumatlardan qaynaqlanır ki, bu işin yerinə
yetirilməsindən əldə olunan elmi və praktiki məlumatların qida sənayesində
tətbiqi kifayət qədər iqtisadi səmərəliliyin əldə olunmasına gətirib çıxaracaqdır.
Mövzunun
aktuallığı.
Təbiətdə
yetişən
yabanı
yemişan
giləmeyvələrindən ekoloji təmiz təbii boyaq maddələri hazırlanmasının sənaye
miqyaslı istehsal texnologiyasının və axın xəttinin yaradılması, müasir zamanda
olduqca aktual məsələdir. Çünki, qida sənayesinin müxtəlif sahələrində təbii
boyaq maddələrinin əvəzedicisi kimi çox illərdən bəri süni sintez vasitəsi ilə
alınan müxtəlif kimyəvi mənşəli boyaq maddələrindən geniş istifadə edilmişdir
və hal-hazırda da bir sıra qida sənayesi müəssisələrində istifadə edilməkdədir .
Bu isə, insan orqanizminin sağlamlığının pozulmasına, bir sıra irsi xəstəliklərin
yaranmasına səbəb olur.
Qida sənayesinin müxtəlif sahələrində, o cümlədən unlu və şəkərli
qənnadı məmulatları, konserv məhsulları, qida konsentratları istehsalı
sahələrində ekoloji cəhətdən təmiz olan və insan orqanizminin fəliyyətinə heç
bir mənfi təsir göstərməyən təbii boyaq maddələrinin istifadə edilməsi, həm
istehsal olunan qida məhsullarının müxtəlif kimyəvi, fiziki və orqonoleptiki
keyfiyyət göstəricilərini yüksəltməyə, həmçinin məhsulların istifadəçisi olan
bütün yaş qruplarındakı insanların sağlamlığının qorunmasına səbəb olur.
Həmçinin onuda qeyd etmək lazımdır ki, yemişan bitkisi yabanı halda dağ
və dağ-ətəyi ərazilərdə yetişdiyindən onun becərilməsi heç bir maddi xərc tələb
etmir və buna görədə istehsal edilən boyaq maddələrinin maya dəyəri xeyli aşağı
olur ki, bu da istehsalında boyaq maddələrində istifadə olunan qida
məhsullarının maya dəyərinin aşağı düşməsinə səbəb olur ki, buda iqtisadi
cəhətdən səmərəlidi. İstehsal xərclərinin az olması muasir zamanda hər bir
istehsalçının maraq dairəsində olan vacib məsələlərdəndir.
Nəzərə alsaq ki, yabanı yemişan giləmeyvələrin tədarük edilməsində
əhalinin nisbətən yaşlı təbəqəsi iştirak edir ki, bu da onların iqtisadi durumunun
yaxşılaşmasına səbəb olur həmçinin, ölkədəki əhalinin rifah halının
yüksəlməsinə gətirib çıxarır.
Yuxarıda göstərilən faktlar sübut edir ki, ilk dəfə olaraq müxtəlif rəng
çalarları ilə fərqlənən, yəni qırmızı, qonur və qara rəngli meyvələrə malik yabanı
yemişan xammalından ekoloji cəhətdən təmiz olan təbii boyaq maddələrinin
sənaye miqyaslı istehsal texnologiyasının yaradılması və müxtəlif qida
məhsulları istehsalında xammal kimi istifadə olunması, müasir dövrdə ən
əhəmiyyətli və aktual problemdir.
Tədqiqat işinin predmeti. Tədqiqat işinin predmeti müxtəlif növ yabanı
yemişan xammallarından, müxtəlif rəng çalarları ilə fərqlənən, ekoloji cəhətdən
təmiz qida məqsədli boyaq maddələri istehsalının yaradılması mümkünlüyünün
öyrənilməsidir.
Tədqiqat işinin məqsədi və vəzifələri. Tədqiqat işinin yerinə
yetirilməsində məqsəd, qida sənayesinin müxtəlif sahələrində istifadə etmək
üçün yüksək keyfiyyət göstəricilərinə malik texnoloji parametrləri standart
göstəricilərə tam cavab verən, çoxsaylı rəng çalarlarına malik olan ekoloji
cəhətdən sağlam olan təbii boyaq maddələri istehsalının sənaye miqyaslı
texnologiyasının yaradılmasıdır. Bu məqsədlə aşağıda göstərilən vəzifələri
yerinə yetirmək nəzərdə tutulmuşdur:
● yabanı yemişan xammalının əsas fizili – kimyəvi, orqanoleptiki (sensor)
və bəzi texnoloji xüsusiyyətlərinin öyrənilməsi;
● ekoloji təmiz təbii boyaq maddələri istehsalı texnologiyasının
yaradılması və təkmilləşdirilməsi;
● alınmış təbii boyaq maddələrinin texnoloji parametrlərinin tədqiq
edilməsi.
● müxtəlif rəng çalarları ilə üstünlük təşkil edən ekoloji cəhətdən təmiz
yabanı yemişan meyvələrindən istehsal olunan təbii boyaq maddələrinin qida
sənayesinin müxtəlif sahələrində tətbiq edilməsi.
Tədqiqatın elmi yeniliyi. Yerinə yetirilən elmi – tədqiqat işləri
nəticəsində yabanı yemişan giləmeyvələrinin texnoloji xarakteristikası və vacib
biokimyəvi tərkib göstəriciləri öyrənilmiş, habelə bəzi keyfiyyət parametrləri
tədqiq edilmiş, bu xammal növündən müxtəlif çalarlı təbii boyaq maddələrinin
alınması üçün sənaye miqyaslı istehsal texnologiyası işlənib hazırlanmış və təbii
boyaq maddələrinin kimyəvi tərkib göstəriciləri öyrənilmişdir. Qeyd olunanlarla
yanaşı, istehsal edilən təbii boyaq maddələrinin qənnadı sənayesində, yəni
müxtəlif qənnadı məhsulları istehsalında tətbiqi nəzərdə tutulmuşdur.
I FƏSİL. ƏDƏBİYYAT İCMALI
Azərbaycan Respublikasının ərazisi müxtəlif faydalı bitkilərlə olduqca
zəngindir. Respublikamızın torpaq – iqlim şəraitinin çox müxtəlif olması və
coğrafi vəziyyəti zəngin və özünəməxsus bitki növlərinin əmələ gəlməsinə
səbəb olmuşdur.
Qida maddələrində təbii elementlərin kimya sənayesinin hesabına daha
ucuz başa gələn sünilərlə əvəzlənməsi bu gün müalicəsi mümkün olmayan
xəstəliklərin yaranmasında xüsusi rol oynayır. Belə ki, təbii qida maddələrinin
müxtəlif kimyəvi tərkiblərlə emalı nəticəsində onların müxtəlif hissələrində olan
faydalı maddələr itib-batır, orqanizm həmin vitaminləri rəngarəng ekstraktlar,
konservlər, tozlar və emal olunmuş başqa tərkiblərdən ala bilmir.
Biologiya elmləri doktoru, professor Mais Qasımov ölkənin iqlim-torpaq
şəraitinin müxtəlifliyi sayəsində floramızın tərkibində müxtəlif qida
məhsullarının hazırlanmasında əlavə qatqı kimi xüsusi rol oynayan ədviyyat
bitkilərinə geniş təsadüf olunduğunu deyir. Ətirli ədviyyat bitkilərindən tərxun,
əvəlik, mərzə, dağnanəsi, dazayağı, çaşır, sabahgülü, cırhovuç, sarıkök, cirə,
dağkeşnişi, acı bolu, tikanlı kəvər, əncinar, mələkotu, uşqun, baldırğan, ardıc,
sumaq, pərpərən, qatran xəşənbül, səda, xiyar otu, nar, gülümbahar, sarıçiçək və
s. göstərmək olar. Əlavə edildiyi məhsulların dad və keyfiyyətini yaxşılaşdıran
bu ədviyyatlar onların tərkibini insan orqanizmi üçün vacib sayılan bioloji fəal
maddələrlə zənginləşdirir, uzun müddət xarab olmadan saxlanılmasına kömək
edir.
Azərbaycanda yetişən təbii boyaq bitkilərinin zənginliyinin əsas sirri bu
əvəzsiz diyarın torpaq – iqlim şəraitinin olduqca böyük müxtəlifliyi ilə yanaşı,
eyni zamanda onun ərazisində 12 iqlim faktorundan 9 – nun, 40 – cı paraleldə
yerləşən ölkəmizdə olmasıdır.
Xüsusilə, qida sənayesinin müxtəlif sahələrində tətbiq edilən boyaq
bitkilərinin zənginliyinə görə də, Azərbaycan Respublikası dünyada birincilər
sırasındadır.
İtburnu (bu giləmeyvə bitkisi elmi ədəbiyyatlarda başqa sözlə “dərgil”
kimi də adlandırılır), kəklikotu, yemişan, boymadərən, çöl qatırquyruğu, nanə,
gicitkən, dazıotu, sumaq, şirin biyan, andız, dəlibəng, quşüzümü, kəndalaş və bu
kimi bir sıra digər boyaq və dərman bitkiləri suveren respublikamızın ərazisində
geniş yayılmışdır [43].
Azərbaycan florasının tərkibində boyaq təbiətli bitkilərin olduqca zəngin
ehtiyatı mövcuddur. Uzun illərdən bəri müxtəlif alimlər tərəfindən aparılan eimi
– tədqiqat işləri nəticəsində müəyyən olunmuşdur ki, floramızda 1500 növdən
artıq müxtəlif səpkili boyaq bitkisi var. Bunlardan boyaqotu, qoz (xüsusən
qərzəyindən boyaq maddəsi kimi istifadə olunur), nar, soğan, dəli çətənə,
sarağan, zirinc, rezeda, dazıotu, əvəlik, rəvənd, şabalıd, palıd, gülxətmi,
sabahgülü, gülümbahar, şərq laləsi, maldili, üzərlik, qantəpər, qaraqınıq,
südləyən, qırxbuğnm və bir çox digərləri qida və toxuculuq sənayesi üçün
əvəzedilməz xammal sayılır. Respublikamızın orta dağlıq sahələrində sənaye
əhəmiyyətli gəvən bitkisi yayılmışdır ki, hər il bu bitkidən tonlarla toplamaq
mümkündür [43].
Azərbaycan Dövlət Aqrar Universitetinin əməkdaşları tərəfindən aparılan
elmi – tədqiqat işlərindən əldə olunan nəticələrə əsasən belə bir fikir müdafiyə
olunur ki, Yer kürəsinin təbii florası 500 mindən artıq bitki növünü özündə
birləşdirir. Bitki məhsullarına artan tələbat yeni sənaye əhəmiyyətli bitkilərin
yayıldığı bölgələri, onların məhsuldarlığının yüksəldilməsini və yeni beçərmə
zonalarının öyrənilməsini tələb edir. Bu baxımdan basma kimi cənaye
əhəmiyyətli bitkinin öyrənilməsi də vacib məsələlərdən biridir [12].
Son illərdə basma boyayıcı, kosmetik və təbii dərman preparatə kimi
dünyada geniş miqyasda tətbiq olunur. Basma bitkisini Respublikamızda, o
cümlədən Gəncə – Qazax və Şirvan bölgələrində geniş plantasiyalar şəklində
becərməklə nəinki respublikamızın xaricdən asılılığına son qoymaq olar,
habelə bu məhsulun dünya bazarına çıxarılmasına da nail olmaq mümkündür.
Qeyd etmək lazımdır ki, yerli şəraitlərdə becərilib istehsal olunan basma tozu,
keyfiyyət göstəricilərinə görə, xaricdən alınan basma tozundan üstündür.
Bir çox xarici ölkələrdə qida məhsullarının qidalıq dəyərini artırmaq və
əmtəəlik göstəricilərini, xüsusilə də görünüşünü yaxşılaşdırmaq üçün, məhsula
xüsusi rəng vermək məqsədi ilə karotinoidlərdən qida məqsədli boyaq kimi
istifadə olunur [41].
Ukrayna Respublikası Elmi – Tədqiqat Suvarılan Bağçılıq İnstitutunun
laboratoriyalarında yabanı halda yetişən krıjovnik meyvələrinin dondurularaq
saxlanılması zamanı aparılan tədqiqat işləri nəticəsində müəyyən edilmişdir ki,
bu olduqca yüksək qidalıq dəyərinə malik giləmeyvələrin tərkibində kifayət
qədər yüksək miqdarı ilə üstünlük təşkil edən boyaq və aşı maddələri dondurma
zamanı öz kimyəvi tərkibini dəyişdirmir [41].
Qarameyvəli üvəz (quşarmudu) və qra qarağat giləmeyvələrindən alınan
qida məqsədli ekoloji cəhətdən təmiz olan təbii boyaq maddələri tərkibində
yüksək turşuluq, kifayət qədər askorbin turşusu, az miqdarda karbohidrat, çoxlu
miqdarda fizioloji aktiv fenol birləşmələri, yəni antosianlar, katexinlər,
leykoantosianların mövcud olması ilə xarakterizə edilirlər. Bu işləri həyata
keçirmək üçün tədqiqat məqsədi ilə tərkibində 40 %-dək quru maddə olan təzə
hazırlanmış təbii boyaq maddəsindən istifadə edilmişdir [46].
Ümumrusiya Eimi – Tədqiqat Çay Sənayesi İnstitutunda çayın ikinci
emalı nəticəsində alınan məhsullardan qara çayın tərkibini zənginləşdirmək
məqsədi ilə ekstraktiv və boyaq maddələrinin alınması üzrə yeni istehsal
texnologiyası işlənib hazırlanmışdır. Adı çəkilən bu komponentlər “baxmoro”,
“kolxuri”, “senaki”, “texura” və bu kimi bir sıra tonusartırıcı çay və çay
içkilərinin hazırlanmasında tətbiq edilmişdir [14].
Sumağın gövdə və yarpaqlarından sarı və boz, köklərinin qabığından
şabalıdı, meyvələrindən isə qırmızı çalarlı təbii tərkibli boyaq maddəsi alınır və
bu maddədən qida sənayesinin müxtəlif sahələrində, o cümlədən çörəkbişirmə,
qənnadı və müxtəlif növ konserv məhsulları istehsalı ilə məşğul olan sənaye
sahələrində tətbiq edilir [3].
Gürcüstan Respublikası Elmi – Tədqiqat Qida Sənayesi İnstitutunun
müvafiq tədqiqat laboratoriyalarında yerinə yetirilən elmi işlər nəticəsində
müəyyən edilmişdir ki, Gürcüstan meşələri yabanı halda yetişən böyürtkən,
çaytikanı, itburnu, moruq, zirinc, üvəz, yemişan və bu kimi bir sıra digər meyvə
bitkiləri ilə zəngindir. Bu meyvələrin kimyəvi tərkibi pektin maddələri,
askorbin, quzuqulağı, limon turşusu kimi bir sira üzvi turşular, olduqca müxtəlif
rəng
çalarlarına
malik
boyaq
maddələri,
makro-,
mikro-
və
ultramikroelementlərlə olduqca zəngindir. Əsasən çaytikanı giləmeyvələrindən,
sürtkəcləndikdən sonra şəkər tozu ilə qarışdırılaraq hazırlanmış konserv
məhsulunun tərkibində olan boyaq maddələrinin miqdarı 0,99 % təşkil etmişdir
[10].
Karotinoidlərin miqdarına görə çaytikanı sortlarından “Masliçnaya”,
“Novost Altaya” və “Vitaminnaya” sortları ilk birinci yerləri tutur. Həmçinin
çaytikanı
giləmeyvələrinin
tərkibində
leykoantosionlar,
flavanollar və
katexinlərin cəmi kimi başa düşülən flavonoidlər, yəni “fenol birləşmələri” və
xlorogen turşuları zəngindir [6].
Uralın bir çox qida sənayesi müəssisələrində yabanı halda yetişən meyvə
və giləmeyvələrdən, xüsusilə üvəz, aroniya, başınağacı, yemişan, itburnu və bu
kimi bir çox başqalarından alınmış tozlarda xammal kimi istifadə olunur ki, bu
da hazır məhsulların qidalıq dəyərinin yüksəldilməsi ilə yanaşı, həm də onların
ekoloji təmizliyini şərtləndirən amillərdən hesab olunur [4].
Müxtəlif növlü qara qarağat, üvəz və gilənar meyvələri mənfi 400 C
temperatur həddində “Nema” (Almaniya) tipli dondurucu aparatda açıq halda və
hermetik şəkildə bağlanmış polietilen kisələrdə dondurularkən baş verən
kimyəvi dəyişkənliklər tədqiq edilmiş və bir sıra müsbət nəticələr əldə
olunmuşdur [51].
1985 – 1987 – ci illərdə “Georgin” bitkisinin kimyəvi tərkib göstəriciləri
hərtərəfli öyrənilmiş və ondan təbii boyaq maddələrinin alınması üsulu tədqiq
edilmişdir. Quru maddələrin miqdarı, antosianların cəm miqdarı və
leykoantosianlar Sueyn və Xillis üsulundan istifadə olunmaqla tədqiq edilmişdir
[52].
Müəlliflər tərəfindən müxtəlif mədəni və yabanı halda yetişən moruq
sortlarının həm biokimyəvi və həm də texnoloji xüsusiyyətləri tədqiq olunaraq
öyrənilmiş və bu xammal növlərindən müxtəlif mürəbbə, kompot,
şəffaflaşdırılmış və şəkərlə qarışdırılmış şirələr istehsalının texnoloji sxemi
yaradılaraq elmi cəhətdən əsaslandırılmışdır [41].
Yabanı halda yetişən meyvə və giləmeyvələrdən böyük əksəriyyəti
tərkibində çoxlu miqdarda A, B qrup, C, D, E, K, P, F vitaminlərinin, P –
vitamin aktivliyi göstərən polifenol maddələrinin miqdarı, pektin, aşı, boyaq
maddələri və bir çox digər bioloji aktiv maddələrin kifayət qədər yüksək miqdarı
ilə xarakterizə olunur [38].
Saxlanma
zamanı
mərcanı
(quşüzümü)
meyvələrinin
sensor
(orqanoleptiki) göstəricilərinin dəyişilməsi müşahidə olunur: belə ki, quru
maddələrin miqdarı ilk xammalla müqayisədə 8,2 %, ümumi şəkərlərin miqdarı
4,2 %, reduksiya edilmiş şəkərlərin miqdarı 2,8 %, askorbin turşusunun (C
vitamini) miqdarı 10,1 mq%, katexinlərin miqdarı 360 mq%, antosianların
miqdarı 12,2 mq%, üzvi turşuların miqdarı isə 2,6 % təşkil etmişdir [18].
Lətli çiyələk şirəsinin xromatoqrafik analizi nəticəsində müəyyən
edilmişdir ki, şirənin tərkibində mövcud olan aromatik maddələrin qatılığı,
temperaturun 70 oC-dən 170 oC-dək proqramlaşdırılması həddində olduqca az
miqdarda dəyişilir. Bu dəyişilmənin cüzi olmasına müvafiq olaraq, şirənin rəngi
və eləcə də ətri dəyişilmədən, olduğu kimi saxlanılır [5].
Yemişanın çiçəkləri, meyvələri və həmçinin yarpaqları tikanlı quruluşa
malik olub, mürəkkəb təsiredici tərkibə malikdir. Onun tərkibində flavonoidlər,
triterpenli saponinlər, sapoqenlər, ureolo və aleonol turşuları, xolin, asetilxolin
və onun digər törəmələri vardır.
Flavonoidlərdən hiperozid, kversetin, vitoksin, xlorogen və qəhvə
turşularına da təsadüf olunur. Toxumalarının tərkibində acı dada malik
amiqdalin maddəsi, meyvələrinin lət hissəsinin tərkibində isə çaxırdaşı turşusu,
limıo turşusu və şəkər mövcud olur.
C vitaminin miqdarı nisbətən çoxdur, belə ki, lət hissənin tərkibində onun
miqdarı 200 mq%-dək çatır. Bununla yanaşı karotinin miqdarı da, digər müvafiq
bitki meyvələri ilə müqayisədə çoxluq təşkil edir. Təbabətdə istifadə olunan
“Kardiovalen” preparatı yemşan meyvələrindən alınan ekstraktdan hazırlanır ki,
bu da, bir çox ürək – damar xəstəliklərinin müalicəsində bitki mənşəli dərman
vasitəsi olmaqla, geniş əhali kütləsi tərəfindən olduqca geniş miqyasda istifadə
edilir [5].
Aparılan elmi – tədqiqat işləri əsasında mətbəx çuğundurundan (OST
1864 – 1872), müxtəlif növ albalı məhsulları istehsalı zamanı əmələ gələn
tullantılardan, qaragilə və böyürtkən giləmeyvəsi xammallarından (OST 18116 –
1872) 1979 – cu ildə qida məqsədli müxtəlif ekoloji təmiz təbii boyaq
maddələrinin alınması üçün texnoloji sxem, tenoloji instruksiya və digə
normativ – texniki sənədlər hazırlanmışdır. Yoxlamalar nəticəsində müəyyən
edilmişdir ki, bu növ boyaq maddələri süd sənayesi məhsulları istehsalı zamanı
daha effektiv təsir metobolizminə malik olurlar. Belə ki, onlar müxtəlif turş süd
məhsulları ilə qarşılıqlı təmasda olarkən daha davamlı və intensiv çalarlarla
fərqlənən rəng verir, müxtəlif həlledicilər tərəfindən asanlıqla həll edilir və eyni
zamanda, hazır məhsulların turşumasının qarşısını almaqda mühüm əhəmiyyət
kəsb edir.
Moldaviya Respublikası Elmi – Tədqiqat Qida Sənayesi İnstitutunda
“Texnologiya” və “Biokimya” laboratoriyalarında çalışan mütəxəssislər
tərəfindən boranı (balqabaq) və yerkökü xammallarından da bitki mənşəli qida
məqsədli ekoloji təmiz müxtəlif çalarlı boyaq maddələri alınması sahəsində bir
çox tədqiqat işləri aparılmış və müəyyən normativ – texniki sənədlər
hazırlanaraq istehsal proseslərinə tətbiq olunmuşdur. Lakin qeyd etmək lazımdır
ki, bu boyaq maddələri müəyyən çatışmayan cəhətlərə malik olmuşdur, belə ki,
onlar texnoloji əməliyyatlar zamanı qaçılmaz olan yüksək temperatur
hədlərində, yəni 70o C-dən yüksək temperaturlarda parçalanırlar və nəticə
olaraq hazır məhsulun rəngində ağarma və ya solma baş verir. Bu halın baş
verməsihazır vəziyyətə salınmış son məhsulun əmtəəlik – sensor göstəricilərinin
pisləşməsinə gətirib çıxarır [8].
Çaytikanı giləmeyvələri tərkibində mövcud olan çox yüksək miqdarda
bioloji – aktiv maddələrin miqdarına görə müxtəlif çeşidli qida məhsulları
istehsal etmək olduqca maraqlı bitki xammalı hesab olunur. Onun tərkibində
75,0 % su, 0,9 % zülal, 7,0 % müxtəlif tərkibli yağlar, 5,5 % miqdarında ümumi
karbohidratlar, 5,0-də mono- və disaxaridlər, 0,5 % polisaxaridlər, 4,7 %
sellüloza, 2,3 % üzvi turşular, 0,7 % mineral maddələr və bu kimi bir sıra üzvi
və qeyri üzvi birləşmələr mövcud olur. 100 qram çaytikanı meyvəsinin insan
orqanizmi üçün enerjivermə qabiliyyəti30 kilokalori təşkil edir [51].
Presləmə üsulu ilə yabanı çaytikanı giləmeyvələrindən lətli şirə istehsalını
həyata keçirirlər. İstehsal zamanı sıxılmış cecəni (jom) su ilə isladaraq, yəni su
ilə qarışdıraraq iri tutumlara kecirirlər. İki – üç gündən sonra ondan, cecənin
qıcqırması nəticəsində yağ ayrılaraq suyun üzərinə yığılır və 80 – 100o C
temperatur həddinədək qızdırılma yolu ilə yağı sudan ayırırlar [40].
Respublika əhalisinin durmadan artan tələbatını nəzərə alaraq, istehsalın
səmərəliliyini yüksəltmək məqsədi ilə, istehsal müəssisələrinin iş mövsümünü
uzatmaq üçün Rusiya Federasiyası Volınsk vilayətinin qida sənayesi
müəssisələrində bitki mənşəli yabanı xammal növlərindən qaragilə, böyürtkən,
yemişan, mərcanı, mərsin, üvəz, dərgil və bu kimi bir sıra digər meyvə və
giləmeyvələrin qidalıq dəyərinin öyrənilməsi sahəsində müxtəlif səpkili elmi –
tədqiqat işləri aparılmışdır. Adı çəkilən yabanı qida xammalı növlərindən
müxtəlif çeşiddə konserv məhsulları hazırlanarkən müəyyən edilmişdir ki,
hazırlanmış məhsullar dad keyfiyyətlərinə və digər orqanoleptiki göstəricilərinə
görə, eləcə də əksər fiziki – kimyəvi keyfiyyət göstəricilərinə görə xeyli
fərqlənirlər [17].
Yemişan bitkisinin bir çox növləri bir – biri ilə asanlıqla çarpazlaşıb,
müxtəlif hibrid formaları əmələ gətirə bilirlər ki, bunlar da meyvələrinin
iriliyinə, meyvələrinin rəng müxtəlifliyinə, bütün sensor və fiziki – kimyəvi
keyfiyyət göstəricilərinə görə bir – birindən əhəmiyyətli dərəcədə fərqlənirlər.
Seçmə nəticəsində gələcəkdə onlardan olduqca dəyərli, həm sensor göstəriciləri
və həm də texnoloji xüsusiyyətləri ilə üstünlük təşkil edən yeni – yeni sortların
alınmasında istifadə etmək olar.
Avstraliyada yemişan növlərinin meyvə və çiçəklərindən alınan
cövhərdən qan damarlarının genişləndirilməsi məqsədi ilə ən təsiedici bitki
mənşəli vasitə kimi istifadə olunur [11].
Respublikamızın dağ, dağətəyi, düzən və digər ərazilərində bitən yabanı
ymişan bitkisini ilk dəfə öyrənən və elmi cəhətdən əsaslandıran tibb elmləri
doktoru, professor D. Y. Hüseynov olmuşdur [10].
Yerinə yetirilən elmi – tədqiqat işləri nəticəsində yemişan meyvələrinin
tərkibində bir neçə faydalı, insan orqanizmi üçün olduqca böyük bioloji və
qidalıq əhəmiyyəti kəsb edən komponentlər müəyyən edilmişdir. Bunlardan ən
başlıcası flavon törəməli qlikozid tərkibli birləşmələrdir. Bu növdən olan bioloji
aktiv maddələr rənglərinə və tərkib göstəricilərinə görə üç qrupa bölünürlər:
• birinci qrupa qırmızı rəngli flavon tərkibli qlikozidlər daxildir ki, bunlar
olduqca qüvvətli bioloji təsirə malikdir;
• ikinci qrupa çəhrayı rəngli flavon tərkibli qlikozidlər daxildir ki,
bunların təsiri birincilərə nisbətən zəifdir;
• üçüncü qrupa isə sarı rəngli flavon tərkibli qlikozidlər daxildir. Bu
qrupdan olan qlikozidlər də öz növbəsində ikinci qrupdan olan qlikozidlərin təsir
qüvvəsindən zəif çıxış edirlər [11].
Qida sənayesində istifadə olunmaq məqsədi ilə ekoloji cəhətdən təmiz
olan təbii tərkibli boyaq maddəsi almaq üçün emal müəssisələrinə gətirilərək
qəbul edilmiş yabanı giləmeyvələr xüsusi soyuducu kameralarda və ya buz
anbarlarında iki – üç həftə ərzində, krıjovnik və qara qarağat isə 30 – 45 gün
ərzində saxlanıla bilər. Sellofan paketlərdə 0,5 kq çəkidə qablaşdırılmış
“Moskva”, “Komsomolka” çiyələk sortları, yeşiklərdə qablaşdırılmışmeyvələrə
nisbətən 3,5 gün (86 saat) artıq saxlanıla bilir. Bu müddət ərzində saxlanılma
zamanı əmələ gələn təbii itkilərin miqdarı 1,6 – 2,0 faiz təşkil edir [41].
Dostları ilə paylaş: |