AZƏRBAYCAN RESPUBLİKASI TƏHSİL NAZİRLİYİ AZƏRBAYCAN RESPUBLİKASI SƏHİYYƏ NAZİRLİYİ AZƏRBAYCAN TİBB UNİVERSİTETİ ATU-nun “İctimai fənlər kafedrası” FƏLSƏFƏ fənni üzrə PROQRAM Tibb və tibb təmayüllü ixtisaslı mütəxəssislər üçün nəzərdə tutulmuşdur Bakı – 2020
“Fəlsəfə” fənni üzrə tədris proqramını
Azərbaycan Tibb Universitetinin “İctimai fənlər” kafedrasının əməkdaşları professor Əliyev Q.C., dosent Paşayev M.Ə., dosent Səfərova G.H.., dosent Qəniyeva F.M. tərəfindən hazırlanmışdır. Elmi redaktor: professor Əliyev Q.C.
Rəy verənlər: professor Məmmədəliyev Z. Dosent Şirin M.M.. GİRİŞ
Tərtib olunmuş proqramda – fəlsəfi biliyin mənəvi mədəniyyətin ən qədim sahələrindən biri olması, fəlsəfəni öyrənməyin əhəmiyyəti, təbiət fəlsəfəsi, cəmiyyət fəlsəfəsi, təbabət fəlsəfəsi və fəlsəfi dünyagörüşünün digər nəzəri əsasları öz əksini tapmışdır.
Proqram doktorant və magistrlərin fəlsəfi bilikləri mənimsəmələri, onların dünyagörüşünün formalaşmasında mühüm rolu və müəllimlərin elmi-metodiki fəaliyyətlərində əhəmiyyətli tövsiyələr nəzərə alınmaqla hazırlanmışdır.
Fənnin məqsədi: Fəlsəfəni öyrətməyin məqsədi doktorant və magistrləri ictimai fikir tarixinin fəlsəfi ideyaları ilə tanış etmək, o cümlədən Azərbaycan ictimai-fəlsəfi fikrində olan cərəyanları, onların nümayəndələrini və konseptual baxışları öyrətməkdən ibarətdir. Doktorant və magistrlərdə fəlsəfəyə dair elmi-nəzəri dünyagörüşü formalaşdırmaq, fəlsəfənin cəmiyyətdə yeri, rolu və əhəmiyyəti, onun qanunları və ayrı-ayrı sahələrdə fəlsəfənin əhəmiyyəti haqqında onlara bilik verməkdən, bütövlükdə, insan-cəmiyyət-dünya münasibətlərini dərk etməkdən ibarətdir. Doktorant və magistrlər bu fənni öyrənməklə əsl vətəndaşlıq mövqeyinin nədən ibarət olduğunu dərk edən ona sahib ola bilirlər.
