Mühazirənin planı : Qan dövranı çatışmazlığı Ürək çatışmazlığı Damar çatışmazlığı

II mövzu. Ürək -damar sisteminin patoloji fiziologiyası

Mühazirənin planı:

• 
  Qan dövranı çatışmazlığı
  
• 
  Ürək çatışmazlığı
  
• 
  Damar çatışmazlığı
  
• 
  Koronar qan dövranı çatışmazlığı
  
• 
  Ürəyin işemiya xəstəlikləri
  
• 
  Ürəyin keçirici sisteminin pozulmaları və aritmiyalar
  
• 
  Qan damarlarının patoloji fiziologiyası
  
• 
  Damar tonusunun neyrohumoral tənziminin pozulmaları
  

İnkişaf etmiş ölkələrdə əhalinin 15-20%-i ürək-damar patologiyalarından əziyyət çəkir. Ürək-damar patologiyasının rastgəlmə tezliyini artıran risk amillərinə stress, mənfi emosiyalar, hiperxolesterinemiya, arterial hipertoniya, piylənmə, hipodinamiya, nikotinizm, spirtli içkilər, çay, kofe və digər “məişət dopinqlərinin” həddən çox qəbulu, endokrin sistemin bəzi xəstəlikləri (şəkərli diabet, hipotiroz və s.) aiddir. Ürək-damar patologiyaları aşağıdakı kimi qruplaşdırılır:

• 
  qan dövranı çatışmazlıqları;
  
• 
  koronar qan dövranı çatışmazlıqları və ürəyin işemiya xəstəlikləri;
  
• 
  ürəyin keçirici sisteminin pozulmaları və aritmiyalar;
  
• 
  qan damarlarının patoloji fiziologiyası.