Plan: Təchizat Zəncirinin Idarə Edilməsinin Iqtisadi Mahiyyəti

Plan:
1.Təchizat Zəncirinin Idarə Edilməsinin Iqtisadi Mahiyyəti
2. Təchizat Zəncirinin Idarə Edilməsinin Inkişaf Tarixi
3. Təchizat Zəncirinin Idarə Edilməsi Ilə Logistika Arasinda Əlaqə
4. Təchizat Zəncirinin Təsnifatı




Hədəflər:

1. Təchizat zəncirinin məqsədini müzakirə edə və təchizat zənciri qərarlarının firma­nın uğuruna təsirini izah edə biləcəksiniz.

2. Təchizat zəncirinin idaeə edilməsi konsepsiyasının təkamülünü müəyyən edə və hər birinin mərhələni izah edə biləcəksiniz.
3. Firmada təchizat zəncirinin təsnifatını verə biləcəksiniz.


Təchizat zəncirinin idarə edilməsinin iqtisadi mahiyyəti
Təchizat zəncirinin idarə edilməsi konsepsiyası son onilliklər ərzində elmi və praktiki fəaliyyətin ən dinamik inkişaf edən sahələrindən biridir. Müasir dövrdə şirkətlər dünyanın hər dörd tərəfindən təchizatçılar və alıcılarla işləyirlər və onların layihələri, istehsal və satdıqları məhsullar bütün dünyaya gön­də­rilir. Məhz buna görə də aparıcı biznes təşkilatları tədarük zəncirlərinin səmərəliliyini artırmaq üçün əhəmiyyətli səylər göstərir
Təchizat zənciri birbaşa və ya dolayı yol ilə müştəri tələbinin yerinə yetirilmə­sində iştirak edən bütün tərəflərdən ibarətdir. İstehsalçı kimi hər bir təşkilat daxilində təchizat zəncirinə müştəri sifarişinin qəbulu və yerinə yetirilməsi ilə bağlı bütün funksiyalar daxildir. Bu funksiyalara yeni məhsulun inkişafı, marketinq, əməliyyatlar, paylama, maliyyə və müştəri xidmətləri daxildir, lakin bunlarla məhdudlaşmır.
Tarixi və makroiqtisadi aspektlərdə TZİE konsepsiyasının yaranmasına və inkişafına səbəb olan əsas amillər aşağıdakılar hesab olunur:
• mal və xidmətlərin istehsalı və satışı üçün biznesin və bazarların qlobal­laş­ma­sı:
• artan rəqabət və müştərinin rolu fonunda əsas səlahiyyətlər paradiqması;
• təchizat zəncirlərində ehtiyatların səviyyəsi və qamçı effektinin mövcudluğu ilə bağlı artan logistik xərclər ;
• inteqrasiya olunmuş informasiya sistemlərinin və texnologiyalarının, xüsusən də İnternetin inkişafı;
• mal və xidmətlərin keyfiyyətinə artan müştəri tələbləri;
• iqtisadi böhranların nəticələrini aradan qaldırmaq üçün təchizat zəncirinin potensialının artırılması.

Təchizat zəncirinin idarə edilməsinin əsas məqsədləri aşağıdakı kimi ifadə edilə bilər:

 Müştəri məmnuniyyətini artırmaq,
 Döngə vaxtının azaldılması,
 İnventar və inventarla bağlı xərcləri azaltmaq,
 Məhsul qüsurlarının azaldılması,
 Əməliyyat xərclərinin azaldılması
Təchizat zəncirinin idarə edilməsi məqsədi
Şirkətin maksimum rəqabət qabiliyyətliliyini və gəlirliliyini, eləcə də son istehlakçının da daxil olmaqla tədarük zəncirlərinin bütün şəbəkə quruluşuna nail olmaq.