1-ma`ruza: kirish. Texnik ijodkorlik haqida tushuncha. Reja

1.4. Jamiyat taraqqiyotida ilm- fanning o`rni
“Xamma narsa inson nomi bilan inson faravonligiga degan insoniyat orzusi to`lig`icha xozirgi zamon ilm-faniga xam ta`luklidir. Ilm-fanning oliy maqsadi uning inson faravonligiga, uning atroflicha garmonik rivojlanishiga xizmat qilishdir.
Shuning uchun xam ilmiy-texnik progress zamonaviy iqtisodiyotning birinchi asosiy (o`zlovaya) muammosidir. Ishlab chiqarish o`ziga ikki yuzdan ortiq soxani qamraydi va o`nlab million xar xil tovar ishlab chiqaradi va xizmat ko`rsatadi. Ishlab chiqarishning shunday murakkabligi uning ilm-fanga muxtojligini yanada oshiradi, bilamizki ilm-fan ishlab chiqarish bilan bog`liq xolda rivojlanadi. Shuning uchun xam xalk xo`jaligida, jumladan sanoatda ularning jarayonlarini rejalashtirish va boshqarishda ilmiy asoslanganlikning ro`li tobora oshib boradi.
Oliy o`quv yurtlarida ilm-fanning ro`li o`ta ulkan, chunki u o`qituvchilar va talabalar tarkibining ilmiy aktivligini, ularning ilmiy maxsuldorligini oshiradi. Bunda ilmiy bilimlar sistemasiga salmoqli ulushi qo`shiladi. Boshqa tomonlama kafedralarda tadqiqot ishlarida qatnashayotgan talabalar tadqiqot ishlari bo`yicha ko`nikma olishadi va tabiiyki o`zlarining kasbiy tayyorgarligini chuqurlashtiradi.
Fan va texnikaning rivojlanishi va taraqqiyoti har qanday mamlakatning iqtisodiy-ijtimoiy taraqqiyotida beqiyos ro`l o‘ynaydi.
O‘zbekiston Respublikasida mustaqillik yillarida odilona, demakratik jamiyat qurish yo‘lida sobitqadamlik bilan harakat qilinmoqda. Bu ishlarning amalga oshirilishida fan va ijodiyotga munosib o‘rin berilgan bo‘lib, bu holat mamlakat hayotining barcha qirralarida yaqqol ko‘rinadi. Sanoat, qishloq xo‘jaligi, xizmat ko‘rsatish va boshqa sohalarga fan va texnikaning ilmiy maxsulotlari rejali ravishda joriy etib borilmoqda. Yangi texnologiyalarni joriy etish, mavjudlarini takomillashtirish yo‘nalishlarida katta ishlar amalga oshirildi. Asakadagi GM UZBEKISTAN, Qorovul bozordagi neftni qayta ishlash zavodi, Farg‘onadagi Evroaziya-TAPO-DISK, O‘zsalaman, qator to‘qimachilik korxonalarida tubdan yangi texnologik liniyalar o‘rnatilib, hozirda ular yuqori sifatli mahsulot ishlab-chiqarishga xizmat qilmoqda.
Iqtisodiyotning barcha sohalarida mehnat qilayotgan mutaxassislarning professional ko‘rsatkichlariga yuqori talablar qo‘yilmoqda, kasb mahorati bilan bir qatorda ular kompyuter texnologiyalaridan foydalanish uquv va tajribalarga ega bo‘lishlari talab etilmoqda.
Mamlakatimizda qabul qilingan «Ta`lim to‘g‘risidagi qonun» va «Kadrlar tayyorlash Milliy dasturi» va ularning amaliyotga joriy etilishi kadrlar tayyorlash tizimini tubdan isloh qilish, tayyorlanadigan bakalavr va talabalar sifatini oshirishga qaratilgandir. Bu yo‘nalishda rivojlangan mamlakatlar bilan hamkorlik qilish, ularning ilg‘or tajribalarini o‘rganish va qo‘llashga katta ahamiyat berilmoqda.
Mamlakatimiz olimlari fundamental va amaliy tadqiqotlar yo‘nalishlarida samarali mehnat qilib kelmoqdalar. Hozirgi davrda mamlakat istiqbolini belgilovchi ustivor yo‘nalishlarda davlat byudjetidan katta mablag‘lar ajratilib, kompleks ilmiy-tadqiqotlar olib berilmoqda. Bu ishlarni bajarishda O‘zbekiston Respublikasi Fanlar Akademiyasi va uning tarmoq ilmiy-tadqiqot institutlari bilan birgalikda oliy o‘quv yurtlarining olimlari va talabalari ham yaxshi natijalarga erishmoqdalar.
Fanning mamlakat istiqbolidagi roli beqiyos bo‘lganligi sababli, uning moddiy-texnik bazasi mustaxkamlashga katta e`tibor qaratilmoqda. Bu tadbirlar ilmiy mahsulotlarning yanada katta samara berishiga asos yaratadi.
O‘zbekiston Respublikasida rivojlangan demokratik jamiyatni barpo etishda fan va ilmiy ijodiyotga ajratilgan o‘rin kelgusida o‘zining ijobiy natijalarini berishiga shak-shubha yo‘q.