218
qatlami sifati; o‘tishlarning ketma-ketligi va mazmuni, jihozlari; moslamalari,
keskichlari, ishlash rejimlari va vaqt normalari.
Turdoshlashtirilgan texnologik jarayonlarni qo‘llash, ko‘proq yirik seriyali
va ko‘plab ommaviy ishlab chiqarishga xos.
Detallarni mayda va o‘rta seriyali ishlab chiqarish sharoitida stanoklarni bir
guruh detallardan ikkinchi guruh detallarni ishlashga o‘tishdagi sozlash uchun
ketgan vaqt ancha ko‘payib ketadi. Bu sharoitda prof. Mitrafanov S.P. tomonidan
taklif qilingan guruhlab ishlash usuli juda qo‘l keladi. Bu usul asosida
zagotovkalarni ham klassifikatsiya qilish yotadi. Guruhlarni shunday shakllantirish
kerakki, bu guruhdagi detallarni stanokni bir sozlashda (yoki juda kam sozlashda)
ishlash imkoni bo‘lsin.
Guruhlab ishlashda zagotovkalarni klassifikatsiya qilish belgisi, turlarga
bo‘lish belgisidan jiddiy farq qiladi. Guruhlab ishlashda zagotovkalarni ishlash
turiga qarab sinflarga bo‘linadi: tokarlik stanogida ishlanadigan (bir sozlashda)
zagotovkalar; parmalash stanogida, frezerlash stanogida va boshqa stanoklarda
ishlanadigan zagotovkalar sinflari. Demak, sinf belgisi bu yerda ishlatilayotgan
stanokni umumiyligidir. Zagotovkalarni guruhlarga birlashtirishni asosiy belgisi bu
- ishlanayotgan yuzalarning umumiyligidir. Guruhga ko‘pincha har xil geometrik
shakldagi zagotovkalar kiradi (11.1-rasm).
Dostları ilə paylaş: