1. Riyaziyyatın tədrisi metodikasının predmeti, məqsədi, vəzifələri və funksiyaları

RTM-in funksiyaları.

Riyaziyyat təliminin funksiyaları aşağıdakılardır:

1. 
   Təhsil funksiyası
   
2. 
   Tərbiyə funksiyası
   
3. 
   İnkişaf funksiyası
   
4. 
   Evristik funksiya
   
5. 
   Proqnostik funksiya
   
6. 
   Estetik funksiya
   

1) Təhsil funksiyası.

Təlim prosesinin elə qurulması nəzərdə tutulur ki, o, insanın inkişafına, təşəkkülünə xidmət etsin. Belə təlimdə riyaziyyatın predmeti, onun üsulları və tətbiqləri haqqında təsəvvür yaradan riyazi biliklər sisteminə şagirdlərin yiyələnməsi nəzərdə tutulur. Təlimin bu funksiyası digər elmlərlə qarşılıqlı əlaqələri həyata keçirən anlayışların ayrılmasının, ətraf aləmə müəyyən baxışlar sisteminin formalaşmasının, tətbiqi istiqamətli məsələlər həll etmə bacarıqlarının zəruriliyini qeyd edir. Təhsil funksiyası daha çox şagirdlərin bilik, bacarıq və baxışlarının birliyinə imkan verən dünyagörüşlərin inkişafına imkan verir. Bu funksiyanın yerinə yetirilməsi şagirdlərin elmi axtarışların metodologiyası, idrak üsulları, evristikalarla tanış edilməsini nəzərdə tutur.