3. Sosial layihələrin reallaşdırılması prinsipləri. NÜMUNƏ: UĞURLU LAYİHƏ TƏKLİFİNİN HAZIRLANMASI ÜÇÜN NƏ ETMƏK LAZIMDIR? ADIM MAQDA KRASOVSKA-İQRASDIR (MAGDA KRASOWSKA-IGRAS). LAYİHƏ TƏKLİFLƏRİNİN HAZIRLANMASI VƏ BÜDCƏ PLANLAŞDIRILMASI ÜZRƏ TƏLİMATÇIYAM. POLŞADA YERLƏŞƏN İNFORMASİYA CƏMİYYƏTİNİN İNKİŞAFI FONDUNDA (INFORMATİON SOCİETY DEVELOPMENT FOUNDATİON) GÜNDƏLİK OLARAQ ÇALIŞIRAM. ARTIQ 12 İLDƏN ÇOXDUR Kİ, LAYİHƏ TƏKLİFLƏRİ HAZIRLAYIRAM. ŞƏXSİ TƏCRÜBƏMƏ ƏSASLANARAQ BU MÖVZU İLƏ BAĞLI BİR NEÇƏ TÖVSİYYƏNİ DİQQƏTİNİZƏ ÇATDIRMAQ İSTƏYİRƏM.
Bu sahədə özünüzü sınamağa tərəddüd edirsinizsə, aşağıda qeyd olunan arqumentlər qərar qəbul etməyinizə kömək edəcəkdir:
Layihə təklifinin hazırlanması mərhələsi, adətən, konkret layihənin həyata keçirilməsi məqsədilə maliyyə vəsaitlərinin ayrılması üçün müraciət etməyinizi nəzərdə tutur. Bu isə o deməkdir ki, uğurlu təklif sizə peşəkar ideya və arzularınızı reallaşdırmaq imkanı verəcəkdir.
İşləyib hazırlamaq niyyətində olduğunuz layihə təkliflərinin əksəriyyəti tərəfdaşlıq komponentini özündə ehtiva edəcəkdir. Məhz bu səbəbdən müəssisənizin xarici əlaqələrinin sayını və keyfiyyətini artırmalısınız. Siz əlaqələr şəbəkəsini inkişaf etdirəcək, şöhrət və nüfuz qazanacaqsınız.
Layihə təklifi yalnız dahiyanə konsepsiyalarınızın məcmusu ilə kifayətlənmir. Əgər onun tərkibinə əməkdaşlıq elementi daxildirsə, o zaman o, birgə işin, vəziyyətin/mühitin dərin təhlilinin və hər bir iştirakçı ölkənin/təşkilatın prioritetlərinin nəticəsi olmalıdır. Bu səbəbdən də üzərində işləyəcəyiniz layihə daha hərtərəfli və innovativ xarakter daşıyacaq və qəbuledici tərəflərin ehtiyaclarına daha çox uyğunlaşdırılacaqdır.
BU OLDUQCA YAXŞI HALDIR. Uğurlu layihə təklifini necə hazırlamalı? Bir neçə mərhələdən ibarət olan prosesi diqqətinizə təqdim etmək istəyirəm.
1. ÖZÜNÜ TƏHLİL HİSSƏSİ Özünü təhlil hissəsi real ehtiyaclarınızı, indiyə qədərki təcrübənizi, gələcəyə dair gözləntilərinizi müəyyən etməkdə sizə kömək edəcək peşəkar mühitinizin diaqnozudur.
