Məsələ:19
8 aylıq oğlan uşağı, tez-tez qaytarma, çəkinin zəif artımı, psixomator inkişafın geriliyi şikayəti ilə
xəstəxanaya daxil olub.
Anamnesis morbi: anadan olduqdan demək olar ki, hər dəfə qida qəbulundan sonra qaytarma
müşahidə olunur (qəbul etdiyi qidanın ½ həcminə bərabərdir). Qeyri-sabit nəcis ifrazı. Uşaq
əzgin, apatik , köməkli oturur, iməkləmir. Çəkisi 6000 qr, uzunluğu 65 sm.
Anamnesis vitae: uşaq II hamiləlikdəndir. Erkən müddətdə düşük təhlükəsi olub. Doğulduqda
çəkisi 3700 qr, uzunluğu 52 sm olub. Uşaq doğulduqdan dərhal sonra anası kəndə gedib, bu günə
qədər pediatrın qəbulunda olmayıb. Hal-hazırda uşaq ana südü və yaşına uyğun əlavə qida qəbul
edir. 2 dəfə KRVİ keçirib, simptomatik müalicə alıb. PH-metriyanın nəticələri: qida borusunun
distal şöbəsində pH=1,4, refleksin müddəti 8 dəq. – burada refleks və ya reflyuks nəzərdə
tutulur.
Suallar:
1. Diaqnostika taktikası: Ən optimal diaqnostik və ya əlavə müayinə metodu hansıdır?
2. Klinik diaqnoz nədir?
3. Müalicə taktikası: Ən optimal müalicə taktikasını qeyd edin.
Cavablar:
1. Ezofaqoqastroduodenoskopiya.
2. Qastroezofageal refluks xəstəliyi.
3. Oturanda, uzananda bədənin yuxarı hissəsini qaldırılmış pozisiyasında saxlamaq: ananın
diyetasından süd məhsullarını, mal ətini və yumurtanı çıxarmaq: uşağa süd, qluten (buğda,
yulaf), yumurta tərkibli qidaların verilməməsi. 2 həftə ərzində müsbət nəticə olmasa, antirefluks
adlı süni qarışıqları təyin edib, proton pompanın inhibitorunun təyini haqqında düşünmək.
Dostları ilə paylaş: | 
