7-bob. ToʻGʻridan-toʻGʻri marketing va kompyuter tarmoqlaridagi marketing

9.5. Integratsiyalashgan marketing kommunikatsiyasi konsepsiyasida brendingni roli
Amerika Marketing Assotsiatsiyasi brendga shunday tarif beradi — bir sotuvchining yoki bir guruh sotuvchilarning mahsulot va xizmatlarni raqobatchilardan ajratish maqsadida brend bu nom, atama, imzo, ramz, dizayn yoki ularning kombinatsiyasi berilishiga aytiladi. Brendlar tashkilotlar odamlarga oʻz mahsulotlari, xizmatlari va qadriyatlari toʻgʻrisidagi fikrlarni yetkazishdagi kuchli quroldir. Mahsulot va xizmatlarning xususiyatlarini koʻchirish oson boʻlganligi sababli, turizm va mehmonxona biznesida brendingning oʻrni juda muhim, hamda kompaniyalar mahsulot va xizmatlarni raqobatchilar mahsulotlaridan ajratish uchun oʻz brendiga suyanadi. Brending mehmonxona biznesida va Conrad Hilton, Hilton Hotels mehmonxonalarini ochganidan buyon muvaffaqiyat bilan ishlatilib keladi, chunki Hilton nomi butun dunyoda ish boʻyicha sayohat qiluvchi sayohatchilar uchun yuqori darajadagi servis kafolati sinonimidir. Raqobat juda yuqori boʻlgan mehmonxona va aviakompaniyalar bozorlarida brendga sodiqlik juda muhim boʻlib qoldi. Tavakkalchilik va noaniqliklarning isteʼmolchi tanloviga taʼsiri sababli, brending sanoatning bu ikki sektori uchun juda toʻgʻri keladi. Xoh tur maskan boʻlsin yoki oziq-ovqat bozorlari xar ikkisidan ham tatib koʻrish xohishini uygʻonadi va xavf kam (yoki foyda xatardan yuqori) qarorlar qabul qiladi, mehmonxonalar ham aviakompaniyalar ham xavfsizlik, ishonchlilik, sifat kafolati kabi taassurotlarni uygʻotadigan imij hosil qiladi. Shuning uchun brendlar yuzaki qiymatidan tashqari tashkilotning nomi, logosi va maqsadi haqida maʼlumot yetkazuvchi qiymatga ham ega. Ular emotsional va ijtimoiy qiymatga ega, shu bois brendlarning kommunikativ taʼsiri va marketing kommunikatsiyalari hamda strategiyasi jarayoni oʻrtasidagi munosabat muhimligi eʼtibordan qochirmasligi hamda brend haqidagi taʼsurotning shakllanish darajasiga qarab bogʻlanishi kerak.
Qisqacha xulosalar

1. 
   Kommunikatsiya vositalarni tanlash murakkabligi tovarni koʻrinishi, isteʼmolchilarning muloqot doirasi va reklama beruvchilarning moliyaviy imkoniyatlari bilan izohlanadi.
   

1. 
   Kommunikatsion taʼsir vositalarini tanlash marketologlardan media rejalashtirish koʻnikmalarini, kommunikatsiya vositalari va vaqtini kombinatsiyalash mahoratini, axborot tarqatish maqsadlari qoʻyishni, maqsadli bozor imkoniyatlarini baholashni, mavjud moliyaviy resurslar doirasida kommunikatsion taʼsir jadvali ishlab chiqishni talab qiladi. Bunda marketing kommunikatsiyasini strategik rejalashtirish, mahsulotga asoslangan strategiyalar, mahsulot strategiyasini tanlash, mahsulot ixtirosi, mahsulot shakllanishi va kommunikatsiya strategiyasi hisobga olinadi.