A k ġ f k a m a L

Fizuli  bölgəsində döyüşlər 
Biz  Qarabağ  müharibəsində  heç  də,  məğlub  olmamışıq.  Qoy  
məğlubiyyəti  Qarabağ  müharibəsində  döyüşməyənlər  öz  adlarına 
yazsınlar!  Biz-döyüşənlər  hər  döyüşdə  düşmənə  layiqli  cavablar 
vermişik.  Bunu  ermənilərin  özləri  də  yaxşı  bilirlər.  Biz-döyüşənlər 
məğlub olmadığımızı sübut etmək üçün düşmən üzərinə bir daha getməyə 
hazırıq.Bir  neçə  gün  əvvəl  düşmənə  qan  udduran  briqadanın  yalnız  adı 
var  idi...  Bizim  briqada Kəlbəcər  bölgəsindən  geri  çəkilərkən  Murovdağ 
silsiləsinin qarlı aşırımlarından keçmiş və çoxlu sayda itki vermişdi. 1000 
nəfərədək döyüşçü həlak olmuş, min nəfərədək əsgər və zabit yaralanmış 
və  ya  əl-ayağını  don  vurmuşdu.  Sağ  qalan  zabit  və  əsgərlər  isə  nə  baş 
verdiyini anlamadan, ruh düşkünlüyünə qapılmışdılar. Onlar hələ də başa 
düşmürdülər ki, niyə Kəlbəcəri yenidən-demək olar ki, döyüşmədən-tərk 
etdilər,  kim  belə  əmr  verdi?  Niyə  kömək  gəlmədi?  Axı  iyirmiyədək 
yaşayış məntəqəsini azad etmiş və şəhidlər vermişdik...  
Bu suallar hələ də bizi düşündürür... 
Əfsanəvi  Alay  Seyfəli  təlim  mərkəzində  yenidən  toplaşdı. 
Əfsanəvi  Alay  yenidən  özünə  gəlmək  üçün  təlimlərə  başladı.  13  aprel 
1994-cü  il  tarixədək  Seyfəli  təlim  mərkəzində  yeni  gəlmiş  əsgər  və 
zabitlərlə  taborları  yenidən  təşkil  etdik  və  hazırlıq  keçdik.  Briqadaya 
polkovnik Yaşar Aydəmirov komandir təyin edilmişdi.  
13 aprel 1994-cü il tarixdə bizi Fizuli bölgəsinə gətirdilər. Məlum 
oldu  ki,  burada  vəziyyət  son  dərəcə  ağırdır.  Ermənilər  Aşağı 
Əbdürəhmanlı 
və 
Yuxarı 
Əbdürəhmanlı, 
Kərimbəyli, 
Aşağı 
Seyidəhmədli, Yuxarı Seyidəhmədli, Kürkan və s. kəndlərini işğal edərək 
Beyləqan  istiqamətində  irəliləyirdi.  Bizim    briqada  onların  qarşısına 
çıxarıldı. Ilk günlər düşmən mövqelərinə hücum etsək də müvəffəqiyyət 
əldə olunmadı. Ikinci gün PDM-in üstündə quraşdırılmış repreduktordan 
səslənən  əsgər  marşının  sədaları  altında  hücuma  keçən  Əfsanəvi  Alay 
ermənilərin  mövqelərini  darmadağın  edərək  düşməni  pərən-pərən  saldı. 
Düşmən  xeyli  canlı  qüvvə  və  texnika  itirərək  geriyə  çəkildi.  3-cü  tabor 
düşmənin  uzunmüddətli  atəş  nöqtələrini  darmadağın  edərək  5  kilometr 
irəlilədi.  3-cü  taborun  minaatanları  leytenant  Əziz  Abbasovun 
komandanlığı  ilə  düşmən  mövqelərini  və  onun  canlı  qüvvələrini 
səngərlərindən  çıxarmağa  nail  oldu.  PDM-in  üzərində  quraşdırılmış 
səsucaldandan  eşidilən  əsgər  marşının  sədaları  altında  qeyri-adi  bir  ruh 
yüksəkliyi ilə hücuma keçən əsgərlərimizi görən ermənilər vahimə  

---

 
251 
Vicdan-cəmiyyət üçün yararlı insanlarda olur. 
                                                                                           M ü ə l l i f 
  
içərisində  səngərləri  qoyub  qaçırdılar.  Hücum  o  qədər  sürətlə  davam 
etdirilirdi  ki,  əsgərləri  saxlamaq  qeyri-mümkün  olmuşdu.  Onlar  düşmən 
mövqelərinin  içərilərinə  tərəf  irəliləyirdilər.  Düşmən  səngərlərində 
onlarla  meyid  qalmışdı.  Düşmənin  uzunmüddətli  atəş  nöqtəsi  ələ 
keçirilmiş,  orada  isə  Ermənistanın  xüsusi  təyinatlı  polis  dəstəsinin  8 
nəfərinin,  o  cümlədən;  bir  zəncinin  də  meyidi  var  idi.  Bu  döyüşlərdə 
Fizuli bölgəsinin bir neçə kəndi azad edilmiş, düşmən xeyli itki vermiş, 
ermənilərdən 4 nəfər əsir götürülmüşdü. Bizim taborlardan da itkilər var 
idi.  Bizim  bir  tank  minaya  düşdü  və  digər  tankımız  düşmənin 
uzunmüddətli  atəş  nöqtəsini  susdurdu.  Əsgərlərimiz  yüksəkliyi  ələ 
keçirdikdə  bir  erməni  əsgərinin  iri  çaplı  (DŞK)    pulemyota 
zəncirləndiyinin şahidi olduq.  
4-cü taborun komandir müavini baş leytenant Əhəd İsmayılovun 
dediklərindən:  “Aprelin  15-də  biz  Aşağı  Seyidəhmədli  kəndini  azad 
etmək üçün döyüşə atıldıq. Elə ilk hücumda pulemyotçumuz Nəbi Əliyev 
snayperlə  alnından  vuruldu  və  bir  neçə  nəfər  yaralandı.  Bizim  fasiləsiz 
hücumlarımızla düşmən mövqeləri içərisinə vahimə düşdü. Bir qədər də 
irəliləyərək  düşmən  mövqelərini  ələ  keçirdik.  Ermənilərin  uzunmüddətli 
atəş  nöqtəsindən  isə  bizə  qarşı  atəş  açılır,  düşmənin  iri  çaplı  pulemyotu 
susmaq  bilmirdi.  Biz  sürünərək  bunkerə  yaxınlaşdıq  və  onun  kiçik 
pəncərəsindən  içəriyə  bir  neçə  qumbara  atdıq.  Bir  azdan  biz  ora  daxil 
olanda  orada  düşmənin  8  meyidi  qalmışdı.  Bunkerdəkilər  düşmənin 
xüsusi təyinatlı dəstəsinin üzvləri imiş. Sonra bizim tabor hücumu Aşağı 
Əbdürrəhmanlı kəndi istiqamətində davam etdirdi... ” 
Fizulidə  bu  cür  uğurlu  hücumlar  birdən-birə  dayandırıldı.  Çünki 
Tərtər-Ağdam cəbhəsində vəziyyət ağırlaşmışdı. Düşmən rusların dəstəyi 
ilə kütləvi hücuma keçmiş, bir neçə yerdən cəbhəni yararaq, Tərtər-Bərdə 
istiqamətində (Qapanlı-Dördyol-Bərdə) irəliləyib Kür çayına çıxmağa  
çalışırdı...  

---

 
252 
 
DöyüĢdə olduğum günləri və saatları və orduda xidmət 
etdiyim illəri ömrümün ən Ģərəfli anları hesab edirəm. 
                                                                               M ü ə l l i f