Az ə rbaycanda Pe şə

İsti-nəmləndirmə işində texniki təhlükəsizlik qaydaları. 
İsti-nəmləndirmə əməliyyatları aparıldıqda texniki təhlükəsizlik qaydalarına ciddi riayət etmək 
lazımdır. 
Elektrik ütüləri ilə işləyərkən elektrik cərəyanını keçirən hissələrə, rozetkaya, çəngələ əl vurmaq 
olmaz. Ütünü işə qoşarkən taxta dayaqdan yapışmaq lazımdır. Ütülər xarab olduqda, onların 
məftillərinin izolyasiyası pozulduqda mütləq elektrik montyorunu çağırmaq lazımdır. Tənəffüs vaxtı və 
iş qurtardıqdan sonra ütüləri elektrik xəttindən ayırmaq lazımdır. Hissələr ütülənən zaman elektrik 
keçirməyən ayaqaltılardan istifadə edilməlidir. Preslə işləyən zaman əvvəlcə elektrik keçirən kontaktlar 
elektrik montyoru tərəfindən yoxlanılmalıdır. Iş vaxtı işçinin hər iki əli presin düyməsində olmalıdır. 
Preslə işləyən zaman çalışmaq lazımdır ki, hissələri nəmləndirdikdə su elektrik kontaktlarına və istilik 
təzimləyicisinə düşməsin. 

---

28 
2.1.2. Tələbələr üçün fəaliyyətlər 

İsti-nəmləndirmə əməliyyatları zamanı iş yerinin təşkili haqqında əlavə mənbələrdən 
istifadə etməklə təqdimat hazırlayın. 

İki qrupa bölünün. Hər qrup iştirakçıları elə əyləşir ki, dairə yaradır, lakın bu dairələr bir-
birinin içində olur. Daxili dairənin iştirakçılarına müəllim İNƏ yerinə yetirilməsi zamanı iş 
yerinin təşkili haqqında fikir mübadiləsi aparmağı tapşırır. Bu zaman xarici dairənin 
iştirakçıları bu müzakirələrin şəffaf və əvvəlcədən müəyyən olunmuş və razılaşdırılmış 
şərtlərə uyğun aparılmasına nəzarət edir. Bu qrup bir növ müşahidəçi qrup olur. 
Müzakirələr bitdikdən sonra qruplar yerlərini dəyişdirir, yəni daxili dairədəki qrup xarici 
dairəni, xarici dairədəki qrup isə daxili dairəni təşkil edir. Bu zaman müəllim artıq daxili 
dairəyə İNƏ yerinə yetirilməsi zamanı texniki təhlükəsizlik qaydaları haqqında fikir 
mübadiləsi aparmağı tapşırır, və eyni qaydada işə davam edirlər. 

Əlavə mənbələrdən istifadə etməklə İNƏ yerinə yetirilməsi zamanı texniki təhlükəsizlik 
qaydalarına əməl etməklə iş yerinin düzgün təşkili haqqında təqdimat hazırlamaq tapşırılır. 
Dərsdə təqdimat nümayiş etdirilir. Digər tələbələr öz rəylərini bildirirlər. 
2.1.3. Qiymətləndirmə 
Aşağıdakı qiymətləndirmə meyarına əsasən qiymətləndirəcəksiniz: