Az ə rbaycanda Pe şə

Ətəkliyin son tamamlama işləri: müvəqqəti kök tikişləri sökülür, sapların sonluqları üz 
və astar tərəfdən kəsilir, tabaşir izləri xüsusi məhlul ilə silinir. Ətəklik üz və astar tərəfindən müəssisə 
zibilindən təmizlənir. Ətəklikdə olan qatlamalar aşağı kəsikdən 1 sm yuxarı xaçvari tikişlə bəndlənir. 
Ətəklik üz və astar tərəfdə presdə və ya ütü ilə nəm parça vasitəsilə ütülənir. Ütüləmə zamanı aşağı və 
yuxarı kənarları xüsusi qəliblərlə ütülənməlidir. Qatlamalar, qarsaqlar, bəzək tikişləri, ciblər ütülənərkən 

---

53 
diqqətli olmaq lazımdır. Kəmərin üzərində bağlama yeri qeyd edilməlidir. Əgər bağlama düymə-
ilgəkdirsə, onda ilgəyin yeri qeyd edilir və xüsusi maşında hörmələnərək açılır, digər tərəfə düymə tikilir; 
qarmaqladırsa, onda bir tərəfə 2 ədəd qarmaq, digər tərəfə isə qarmağın qulaqcıqlarını tikmək lazımdır. 

Şalvarların müxtəlif modelləri 
Hal-hazırda qadın və qızlar üçün şalvarlar çox dəbdə olan geyim çeşididir. Müasir şalvarların 
forma və biçimləri çox müxtəlif və rəngarəngdir (şəkil 4.4).
Şəkil 4.4 Müasir qadın şalvarlarının modelləri 
Ən çox şalvarlar uzunluqlarına görə şərti adlar almışdır. Məsələn, qolf – uzunluğu dizdən aşağı, 
baldırın mərkəzinə qədər; bermud – uzunluğu dizə qədər, şort – uzunluğu omba mərkəzinə qədər; 
mərkəzi hissəsində geniş, aşağı və yuxarı hissə dar olan şalvara isə banan adı verilmişdir. Şalvarın 
görünüşləri və modelləri müxtəlif olmalarına baxmayaraq, hazırlanma təqribən eyni gedir. Yuxarı kəsik 
kəmərlə hazırlanır, bağlama yeri istər yanda, istərsə də qabaqda “molniya” zəncirbəndi ilə də düymə 
ilgək vasitəsilə yerinə yetirilir. 
Şalvarın bədənə, xüsusilə bel xəttinə kip oturması üçün qabaq və arxa qarsaq, qatlamaların 
köməkliyi ilə edilir. Şalvarda müxtəlif ciblərdən istifadə etmək olar. Şalvarın aşağı hissəsi manjetlə və 
manjetsiz hazırlana bilər. Astar şalvarın parçasının rənginə uyğun seçilməlidir.
